Fréttatíminn - 27.06.2014, Page 28

28 heilsa Helgin 27.-29. júní 2014
Besti bíllinn.
Audi A3 hefur verið valinn besti bíll ársins
2014* af blaðamönnum frá 22 löndum.
Takk fyrir okkur!
Eldsneytisnotkun í blönduðum akstri: 7,1-1,5 l/100 km, CNG 3,3-3,2 kg/100 km; E-Tron
blönduð orkunotkun í kWh á 100 km: 11,4; CO2 útblástur í blönduðum akstri: 165-35 g/km,
CNG 92-88 g/km. Uppgefnar tölur miðast annars vegar við bensín- og hinsvegar rafmótor.

*World Car Awards 2014, New York: www.wcoty.com
G
lerkrukkur eru til margs
nýtilegar. Undanfarið hafa
þær verið vinsælar undir
hvers konar heilsudrykki
sem fólk fer með í vinnuna
en nú er búið að finna ný not fyrir þær,
undir svonefnd krukkusalöt. Til að salat
geymist vel í krukku þarf að raða í hana
eftir kúnstarinnar reglum og ef vel tekst
til er jafnvel hægt að búa til salat sem
helst ferskt og brakandi í nokkra daga.
Við mælum með allt að lítra krukkum
með víðu opi undir matarmikið salat
en fyrir smærri skammta eru vitanlega
bara notaðar minni krukkur.
Til að búa til krukkusalat:
 Salatdressingin er sett á botn krukk-
unnar. Ekki er mælt með þykkri
dressingu því hún festist of mikið á
botninum.
 Næsta lag er þungt grænmeti. Kirsu-
berjatómatar henta betur en niður-
skornir tómatar því þeir halda sér
betur. Gulrætur, gúrka og paprika
koma hér sterkt inn.
 Próteingjafarnir koma næst. Kjúk-
lingur, túnfiskur, egg eða baunir.
 Þá er það léttara grænmeti sem
kemur þar ofan á, sveppir og niður-
skorinn laukur, en líka ávextir á borð
við mandarínubáta eða ber. Athugið
að ef nota á avókadó eða epli í salatið
þarf að setja á það sítrónusafa til að
það verði ekki brúnt.
 Því næst kemur kálið sem tekur þó
nokkurt pláss. Spínat hentar þarna
afar vel en iceberg verður fljótt brúnt
og best að sleppa því. Það er allt í
lagi að þrýsta kálinu aðeins saman
en ekki þrengja um of að því. Lykill-
inn að því að salatið haldist ferskt er
að kálið komist ekki í snertingu við
dressinguna og blaut innihaldsefni.
Krukkuna þarf því að geyma upp-
rétta.
 Þeir sem vilja geta bætt hnetum og
fræjum, jafnvel þurrkuðum ávöxtum
efst, og lokið svo skrúfað fast á.
Þegar borða á salatið er það einfaldlega
hrist saman í krukkunni og sturtað á
disk. Einfaldara gerist það ekki.
Erla Hlynsdóttir
erla@frettatiminn.is
Brakandi
ferskt krukkusalat
Salat í krukku
er nýjasta æðið
vestanhafs og skal
engan undra því
það er sérlega
þægilegt að geta
tekið með sér
salat í krukku.
Galdurinn við að
salatið haldist
ferskt felst í því
hvernig raðað
er í krukkuna.
Aðalatriðið er að
salatdressingin
sé neðst og kálið
efst.
Krukkur utan af Nestlé skyndikaffi
henta vel undir krukkusalat. Í þessu
salati er þúsundeyjasósa, tómatar,
paprika, súr gúrka, kotasæla, krydd og
blandað grænt salat. Ljósmynd/Hari