Þjóðlíf - 01.02.1988, Blaðsíða 66

VIÐSKIPTI
Gerður Pálmadóttir á leiðinni til útlanda. Telur okkur vera komin á botninn í ullariðn aðinum og framtíðin geti því ekki verið
annað en björt. (Mynd Björn Haraldsson)
Hönnunin vísar veginn
Segir Gerður í Flónni sem nú er að flytjast til útlanda
„Við erum á botninum núna, það er varla
hægt að fara neðar, þess vegna hlýtur fram-
tíðin að vera björt fyrir íslenskan fataiðnað
og ullariðnað", sagði Gerður Pálmadóttir,
Gerður í Flónni í stuttu spjalli við Þjóðlíf á
dögunum. „Fortíð hönnunar er tæplega til
hér, þannig að hönnun er framtíðarsýn og
svo framarlega sem augu framámanna og
atvinnurekenda opnast fyrir mikilvægi henn-
ar er hönnun okkar stærsta auðlind. Pví mið-
ur hefur þessum frumþætti allrar framleiðslu
lítið sem ekkert verið sinnt hér á landi, enda
ástandið eftir því. Það verður að vera ljóst
hvað á að framleiða og á hvaða markhópa á
að stefna, þar skiptir hönnun meginmáli. Því
miður er illmögulegt að starfa við hönnun
hér á landi og því hef ég afráðið að flytjast úr
landi um tírna", sagði Gerður.
Gerður kvað ýmsa möguleika fyrir fata-
iðnað og hönnun hér á landi. en margt þyrfti
að breytast áður en til þess kæmi. „Við ber-
um ekki nóga virðingu fyrir hugmyndum og
teljum að öll hugsun sé bundin við lestur
bóka en ekki að nýta okkur innihald þeirra.
Okkar uppspretta hugmynda og hönnunar
er Myndlista- og handiðaskólinn, hvernig er
að honum búið? Ótrúlegt! Og ullin? Við höf-
um náð eftirtektarverðum árangri með ull
sem minjagripi. Okkur er nauðsynlegt að
halda þeinr árangri þó við stefnum sömuleið-
is annað. Okkar ull er gróf. eitt sinn þótti
nauðsyn að fínpússa alla veggi, en nú þykir
mótatimbursáferð sömuleiðis falleg, þar sem
við á. Þannig er ullin okkar, nokkurs konar
mótatimbur og við nýtum hana sem slíka.
Það er ótrúlegur hugsunarháttur að við verð-
um að framleiða allt hráefni sem við vinnum
úr, því ekki silki með ull??“
Með því að virkja hönnun hér á landi sem
aðalafl í sjálfu sér er hæglega hægt að fram-
leiða erlendis samhliða okkar eigin fram-
leiðslugetu. Með því er hægt að jafna verð en
samt að fá fjármagnið til landsins".
Umræðan barst að fyrirgreiðslu og styrkj-
um hins opinbera við ullariðnaðinn. Álafoss
og SÍS. Gerður vakti athygli á að fjölmargir
hönnuðir störfuðu utan þessa mikla bákns en
hefðu ekki bolmagn til þess að spreyta sig á
hönnun fyrir erlendan markað. „Þessu er
einungis hægt að breyta með samvinnu
stjórnvalda og framleiðslufyrirtækja. þau
verða að ryðja veginn og síðan getur hver og
einn valið sína leið. Mönnun hlýtur að lærast
að möguleikar okkar á útflutningi felast í
hugmyndum og vinnu hinna mörgu hönnuða
í fataiðnaðinum. Þeir eru hvergi nærri full-
nýttir ekki hvað síst varðandi meðferð og
þróun ullarinnar í sjálfu sér. Með því að bæta
meðferð ullarinnar með meira hreinlæti hjá
bændum, sem sumir hverjir bera ekki mikla
virðingu fyrir hráefninu og spilla fyrir hver
öðrurn, væri hægt strax að stíga spor í rétta
átt og það myndi leiða til betra gengis í ullar-
iðnaði". sagði Gerður Pálmadóttir að lok-
um. Þjóðlíf óskar henni velfarnaðar á er-
lendum vettvangi.
Tómas Tómasson
66