Þjóðlíf - 01.05.1991, Side 15

YFIR 4000 HRINGINGARI FYRRA
Rauðakrosshúsið hefur starfað í fimm ár. Sífellt fleiri börn og unglingar leita
aðstoðar af einhverju tagi
Rauðakrosshúsið í Tjarnargötu hefur
nú starfað í rúmlega 5 ár. Það var
formlega opnað 14. desember 1985 eftir að
nefnd frá R.K.Í. hafði komist að þeirri
niðurstöðu að mikil þörf væri á athvarfi
fyrir unga vímuefnaneytendur sem opið
væri allan sólarhringinn. Starfsmenn
hússins eru 7, allir í 100% starfi. Húsið
hefur samstarf við velflesta þá aðila sem
vinna með og fyrir börn og unglinga, t.d.
Unglingadeild Félagsmálastofnunar
Reykjavíkur og Utideild.
Þjónusta sem Rauðakrosshúsið býður
upp á er þrenns konar: Neyðarathvarf
fyrir börn og unglinga, símaþjónusta og
ráðgjöf. Neyðarathvarfið er ætlað þeim
sem eru 18 ára og yngri. Þjónusta er
ókeypis og börn og unglingar geta komið
án þess að gera boð á undan sér. I síma
Rauðakrosshússins er hægt að hringja all-
an sólarhringinn og hægt er að ræða við-
kvæm málefni án þess að segja til nafns.
Hægt er að koma í húsið og fá viðtal án
þess að óskað sé eftir gistingu.
Á þeim 5 árum sem liðin eru síðan húsið
opnaði hafa 259 einstaklingar komið 540
sinnum til dvalar. En beiðnir um aðstoð af
einhverju tagi hafa verið 9334 og á síðasta
ári varð gífurleg aukning, alls 4202 beiðn-
ir.
Iársskýrslu Rauðakrosshússins fyrir ár-
ið 1990 kemur m.a. fram að meðalald-
ur gesta var 17,1 ár. Kynskipting var
nokkuð jöfn, stúlkur 52,3% en drengir
47,7%. Yfir 80% gesta leituðu til hússins
vtTt?
ALASKA
BÍLAVÖRUR
í SÉRFLOKKI
Heildsöludreyfing:
PRbúðin hf. S: 641418
utan hefðbundins skrifstofutíma og al-
gengustu orsakir dvalar voru samskipta-
örðugleikar við foreldra eða forráðamenn,
vímuefnaneysla gesta og húsnæðisleysi.
Ríflega helmingur gesta átti lögheimili ut-
an Reykjavíkur og 37,8% þeirra höfðu
flosnað upp úr grunnskóla. Af þeim sem
notfærðu sér símaþjónustuna var kven-
fólk í miklum meirihluta. 50,9% símtala
komu utan hefðbundins skrifstofutíma.
Meðallengd símtala var 7 mínútur en ef
hringjandinn var í sjálfsvígshugleiðingum
var meðallengd 17,6 mínútur. Ef allir sem
hringdu eru taldir var meðalaldur þeirra
18,2 ár. Ef aðeins börn og unglingar eru
talin var meðalaldur þeirra 14 ár.
Sími hússins er 91-622266.
0
Eigum allt sem prýtt
getur garðinn
URVALS GARÐPLONTUR
* Tré og runnar
* Sumarblóm
* Fjölær blóm
* Grasfræ * Garðyrkjuáhöld
* Aburður TTT¥11i.l ^ ^
* Blómaker Sfi
* Rósir GARÐSHORN G
viö Fossvogskirkjugarð sími 40500
ÞJÓÐLÍF 15