Frjáls verslun - 01.08.2014, Síða 35

FRJÁLS VERSLUN 8-9 tbl. 014 35
Á meðal gesta var Hjalti Geir Kristjáns ­
son, fyrrverandi forstjóri húsgagnafram ­
leiðandans Kristjáns Siggeirssonar. Það
fyrirtæki var stofnað árið 1919 en sam ein­
aðist síðar öðrum félögum á sama mark aði
en fjölskylda Hjalta Geirs og fyrir tæki í
hennar eigu hafa verið í samstarfi við PwC
í 90 ár. Ýmsir fleiri sem komu í móttökuna
fóru með okkur yfir áratuga ánægjulegt
samstarf.“
Íþróttir, útivera og ferðalög
Reynir Vignir er kvæntur Þóru Sjöfn
Guðmundsdóttur, skólasafnskennara í
Langholtsskóla, og eiga hjónin tvö börn,
tvö tengdabörn og fjögur barnabörn.
„Boltaáhuginn smitaðist dálítið frá mér
til barnanna. Þau æfðu bæði með Val þegar
þau voru yngri en kepptu nú ekki mikið.
Þau fylgjast samt með Val og það halda
allir í fjölskyldunni með Val; það hefur
ekkert breyst og sonurinn er aðeins að
sinna félagsmálum í Val.“
Hver eru áhugamál Reynis – fyrir utan Val?
„Það kemst ýmislegt að og ég er mjög
áhugasamur kylfingur og hef stundað golf
frá unglingsárum. Útivist er heillandi og
fjölskyldan notar tækifærið til útiveru þegar
við erum í sumarbústaðnum okkar. Þá
dyttum við að og förum í gönguferðir.
Svo höfum við hjónin gaman af því að
ferðast og höfum farið nokkuð víða um
heiminn og höldum því vonandi áfram.
Við höfum m.a. ferðast talsvert um Eng ­
land, við höfum keyrt þvers og kruss um
Evrópu auk þess sem við höfum m.a.
komið til Shanghai, Peking, Hong Kong
og Dubai; hluti af því tengt fundum vegna
vinnu. Síðan var það mikið ævintýri þegar
við heimsóttum Ástralíu fyrir nokkrum
árum og við áttum skemmtilega daga í
fríi á Cape Cod í Bandaríkjunum með
fjölskyldunni þegar við héldum þar upp á
sextíu ára afmæli okkar hjóna í fyrra. Við
vorum þar á afmælisdaginn minn 4. júlí og
heimamenn skutu upp rakettum mér og
þjóðhátíðardegi þeirra til heiðurs.“
Hvert var farið þetta sumarið? „Í sumar
fórum við í nokkra daga í frí á eyjunni Ile
d’Oléron út af vesturströnd Frakklands
með franskri tengdafjölskyldu dóttur okkar
og lærðum þar hvernig Frakkar njóta lífsins
m.a. með löngum málsverðum þar sem
ýmislegt er á borðum í mat og drykk.“
Hvað með næsta sumar? Eru hjónin farin
að spá í hvert verði farið? „Við erum alltaf
eitthvað að spá og eigum sem betur fer eftir
að heimsækja marga staði bæði innanlands
og utan og einn þeirra er Róm á Ítalíu.
Aldrei að vita nema við stefnum þangað og
fáum blessun páfans um leið og við höldum
upp á fjörutíu ára hjúskaparafmælið.“
„Upphafið að því að ég fór að
vinna á endurskoðunarskrif­
stofu var að fulltrúar PwC
spurðu kennara í Versló hvort
það væru ekki einhverjir
hæfileikaríkir bókfærslu menn
að ljúka stúdentsprófi frá skól­
anum vorið 1974 og bent var á
mig og fleiri.“
ótrúlega skemmtileg mynd frá gamla Melavellinum árið 1964 þegar Reynir Vignir og Vals­
menn urðu Íslandsmeistarar í knattspyrnu í 5. flokki. Reynir er fjórði frá hægri í miðröð­
inni. Faðir Reynis, Ragnar Vignir, tók myndina. takið eftir Baldri Jónssyni vallarverði á
útkikkinu í glugganum þar sem hann fylgist með að allt fari eftir settum reglum.
Geir Gunnar bóndi á Vallá, tryggvi Jónsson endurskoðandi,
Hjördís Geirsdóttir og Stefán Hilmarsson endurskoðandi í
afmælisfagnað inum.
Systkinin Sigrún og Páll óskar Hjálmtýsbörn sungu fyrir gesti í
90 áraafmæli PwC. Pálmi Sigurhjartarson og Ásgeir Ásgeirson
eru við hlið þeirra.