Frjáls verslun - 01.08.2014, Blaðsíða 46

46 FRJÁLS VERSLUN 8-9 tbl. 2014
Þ
egar alþjóðlegum hluta­
bréfamarkaði var lokað
föstudag 17. október
hafði heimsvísitalan
lækkað nær samfellt í sex vikur.
Gildi hennar var þá 10% lægra
en áður en lækkun hófst og um
2,5% lægra en upphafsgildið í
janúar sl. Lækkunin kann að vera
upphaf að lengri bjarnarmarkaði,
lengri aðlögunartíma hlutabréfa á
heimsmarkaði að 40 til 50% hærra
verði en í byrjun árs 2012.“
Sigurður B. Stefánsson segir
að hlutabréf í Bandaríkjunum hafi
sýnt mikinn hlutfallslegan styrk í
sex vikna lækkun til 17. október.
S&P 500­vísitala stórfyrirtækjanna
á Wall Street er aðeins ofan við
upphafsgildið frá janúar 2014 og
sama á við um Nasdaq­vísitölu
tæknifyrirtækja.
„Á sterkasta hluta alþjóðlegs
markaðar vekja viss teikn von
um umskipti. Í lok föstudags 17.
október höfðu hlutabréf fyrirtækja
í helstu atvinnugreinum unnið upp
meira en 50% af lækkun í fyrri
hluta vikunnar og bein hækkun var
í fáeinum mikilvægum greinum.“
Sigurður segir að hlutabréf í
Evrópu séu veikasti hluti heims­
markaðs. Evrópuvísitala Dow
Jones er 10% neðan við upphafs ­
verð ársins, FTSE í London er
6,5% neðan við áramótagildið og
DAX í Frankfurt hefur lækkað 7,5%
frá áramótum. 
„Á gjaldeyrismarkaði hefur
Banda ríkjadollari hækkað um 8%
á árinu gagnvart evru en öll sú
hækkun kemur fram frá byrjun
maí. Hækkunin hefur djúpstæð
áhrif á hrávöru­ og olíuverð sem
skráð er í dollurum. Hrávöruverð
hefur lækkað um 14% frá miðju
ári 2014 og er nú skráð 4% neðan
við upphafsverð ársins. Verð á
hráolíu í Texas hefur lækkað um
23% frá miðju ári og skráð verð
17. október var 17% neðan við
upphafsverð ársins.
Mikið fé rennur um alþjóðleg ­
an fjármálamarkað til kaupa á
dollurum og síðan skuldabréf um
og hlutabréfum í Bandaríkj unum.
Fram undan eru hagstæðustu
mánuðir ársins á hlutabréfa mark ­
aði. Líklegt verður að telja að
bróðurhluti leiðréttingar á verði
sé að baki. Nokkurn tíma mun þó
taka að ná jafnvægi í verslun á
alþjóðlegum fjármálamarkaði á
nýjan leik.“ Von um snúning eftir lækkun
SiGURðUR B. StEFÁNSSON
– hagfræðingur hjá hagfræðideild
landsbankans
ERLEND
HLUTABRÉF
Dow Jones síðustu tólf mánuðina.
T
homas Möller segir að
aðeins um 10% vinn­
andi fólks á íslandi sé
sjálfstætt starfandi og
að Ísland sé í 46. sæti í nýlegri
skýrslu Alþjóða efnahagsráðs­
ins um nýsköpunarhæfni
landsins. „Samt erum við í fyrsta
sæti hvað varðar netnotkun og
12. sæti hvað varðar tíma sem
tekur að stofna fyrirtæki. Rafræn
greiðslumiðlun er með mesta
móti. Þannig eru allar forsendur
hér á landi til að auka hlut sjálf­
stætt starfandi fyrirtækja sem
byggja á netinu og greiðslu­
kortum sem bakland.
Mikilvægt er að skattaleg
hvatn ing sé til þess að einstakl ­
ingar hefji atvinnustarfsemi
með heimilið sem skrifstofu og
netið sem atvinnutækið. Með
nýjum forritum er orðið mun
auð veld ara en áður að halda
utan um bókhald launaútreikn ­
inga og skattskil einyrkja. Ég
hf er fyrirtæki framtíðarinnar
að mati Larrys C Farrell sem
hefur skrifað nokkrar bækur um
frumkvöðlafræði.“
Thomas segir að nú séu kjör ­
aðstæður fyrir frumkvöðla og
einyrkja þar sem netið, rafrænar
greiðslur og samskiptamiðlar
séu hvatar til stofnunar lítilla
fyrirtækja með litla yfirbyggingu
kringum eina góða hugmynd.
„Skiptihagkerfið ýtir undir
þetta og býr til frumkvöðla og
einyrkja „á færibandi“ eins og
Larry C Farrell orðar það. Með
netinu geta ráðgjafar, miðlarar,
hönnuðir og markaðsfólk
unnið heima hjá sér með litlum
tilkostnaði. Ein faldleiki, lágur
kostnaður og hraði ein kennir
þetta umhverfi.
tHOMAS MÖllER
– framkvæmdastjóri Rýmis
STJÓRNUN
Áfram einyrkjar!
Kynntu þér kostina á kreditkort.is
Frítt bílastæði Flýti-innritun í Leifsstöð Ferðatryggingar Viðbótarfarangur Einstaklingskort
án endurgjalds
Njóttu ferðalagsins með Business og Premium Icelandair American Express®.
Þú getur slakað á í betri stofunni í Leifsstöð þegar þú flýgur með áætlunarflugi Icelandair.
Álitsgjafar