Frjáls verslun - 01.08.2014, Síða 48

48 FRJÁLS VERSLUN 8-9 tbl. 2014
GÍSli KRiStJÁNSSON
– blaðamaður
STJÓRNUNAR-
MOLI
U
msókn um nýja stöðu
skilaði ekki nýju
starfi. Þar fór það!
Hvað er að? Leist
væntanlegum yfirmönnum ekki á
mig vegna þess að skórnir voru
illa pússaðir? Eða var ferilskráin
mín svo óspennandi að ég
kom aldrei til greina? Margir
stjórnunar fræðingar telja að
einmitt ferilskráin skipti miklu og
geti ráðið úrslitum í atvinnuleit.
Það er án efa hægt að skrifa
svo leiðinlega og ruglingslega
ferilskrá að hún kosti höfundinn
stafið.
Þetta er vandamál sem sænska
stjórnunarritið Chef lagði fyrir
stóran hóp sérfræðinga og bað
þá að koma með ráð við að setja
saman álitlega ferilskrá. Hverjar
eru algengustu villurnar sem fólk
gerir og hvað er hægt að gera
betur. Lítum á nokkur svör:
• Já, en hvað gerir þú? Oft
segir fólk frá núverandi
vinnustað en gleymir að segja
hvað það gerir þar í raun og
veru. Hver er vinnan sem
þú innir af hendi núna? Ekki
gleyma þessu.
• Þetta hef ég afrekað.
Segðu gjarnan frá árangri í
núverandi starfi og helst með
samanburði við það sem
almennt gerist í hliðstæðum
fyrirtækjum. Þetta dregur að
sér athygli.
• Hér vinn ég núna. Segðu al­
mennt frá núverandi vinnustað
og hvernig þér líkar þar. Það
er líklegast að fáir viti hvað er
gert í raun og veru á staðnum
þótt fyrirtækið sé þekkt.
• Ekki menntun fyrst. Það er
rangt að hafa menntun fremst
í ferilskrá nema umsækjandi
sé nýr á vinnumarkaði. Betra
að byrja á sjálfum starfsferl­
inum.
• Engar langlokur. Ein
algengasta villan er að skrifa
of langa ferilskrá. Hættan er
að enginn lesi og skráin virki
ruglingsleg. Miklu skiptir að
allt sé skýrt og aðalatriðin
komi fram.
• Hlédrægur til vansa. Algeng
villa er að draga um of úr
eigin afrekum. Sjálfshól dugar
skammt en það er ekki mont
að segja skýrt og heiðarlega
frá árangri á vinnustað.
• Ekki halda að þú sért heims­
frægur. Sumir telja sig svo
fræga í bransanum að þeir
þurfi ekki einu sinni að skrifa
ferilskrá – allir fylgist hvort eð
er með ferli þeirra. Þetta er
sjaldan satt.
• Okkar í milli. Stundum líta
umsækjendur á sig sem hluta
af klíku innan starfsgreinar.
Þeir skrifa kumpánlega feril ­
skrá fyrir félagana í klíkunni
og halda að það skili nýju
starfi. Stundum heppnast
það þó.
• Ég um mig frá mér til
mín. Sumir skrifa i fyrstu
persónu um árangur sem
allir í fyrirtækinu hafa náð.
Eigna sér allt og skrifa „ég“ í
hverri setningu. Þetta virkar
fráhrindandi.
• Oflof. Það er ekki gott
að segj ast vera „fluent in
English“, skrifa ferilskrána á
ensku og þar sést greini­
lega að þú ert ekki „fluent
in English“. Fólki hættir til
að gera of mikið úr kunnáttu
sinni, sérstaklega í tungu­
málum.
• Haga seglum eftir vindi. Það
er í lagi að miða ferilskrána
við starfið sem sótt er um.
Óþarfi að skrifa langlokur um
eitthvað sem ekki skiptir máli.
• Engar ýkjur. Alvarleg en al­
geng villa er að gera of mikið
úr menntun sinni og segjast
hafa öll tilskilin réttindi. Síðar
kemur í ljós að aðeins prófun­
um var ólokið. Upp komast
svik um síðir.
• Ræstitæknir. Í umsókn um
stjórnunarstöður er mikilvægt
að geta bent á árangursríkar
skipulagsbreytingar fyrr á
ferlinum. Í fyrirtækjum er alltaf
verið að leita að fólki sem
getur hagrætt og endurskipu­
lagt – hreinsað til.
Ferilskrá sem skilar starfi

STÓRIR, LITLIR, LANGIR
OG STUTTIR PAKKAR
Við flytjum nánast hvað sem er, hvert sem er. Ef þú átt von
á pakka þá geturðu pantað heimkeyrslu.
www.postur.is
Álitsgjafar