Frjáls verslun - 01.08.2014, Qupperneq 154

154 FRJÁLS VERSLUN 8-9 tbl. 2014
„Almennt hefur gengið vel í út ­
flutn ings grein um okkar og mjög
ánægjulegt að sjá aukningu í
ferðaþjónustu.“
Sigurður Atli Jónsson, bankastjóri MP­banka:
FER BAtNANDi
1. Hvar finnst þér hafa tekist best til í
viðskiptalífinu undanfarið ár?

Almennt hefur gengið vel í útflutn ings ­
grein um okkar og mjög ánægjulegt að sjá
aukningu í ferðaþjónustu. Umgjörð við ­
skiptalífsins fer líka batnandi, sem er mikil ­
vægt þótt ákveðin úrlausnarefni séu eftir.
2. Hverjir eru helstu veikleikar íslensks
viðskiptalífs?
Höft á fjármagnsflutninga eru mestu veik ­
leik arnir i viðskiptalífinu og hagkerfinu í
heild. Þau voru og eru enn nauðsynleg en
mikilvægt að afnám þeirra geti hafist sem
fyrst.

3. Hvaða þrír lykilþættir í stjórnun finnst
þér mikilvægastir?
Heiðarleiki, gæfa til að velja sér gott sam ­
starfsfólk og geta til að taka ákvarðanir.
4. Finnst þér lífeyrissjóðir vera orðnir of
áhrifamiklir í viðskiptalífinu?
Nei, það finnst mér nú ekki en rétt auð ­
vitað að huga vel að því hvernig stjórn ­
unar ahrifum þeirra er beitt í ljósi þess hve
stóran hluta af langtíma sparn aði almennings
sjóðirnir fara með. Það er hins vegar
líka mikilvægt að fjár fest ar og eigendur
fyrirtækja hafi áhrif á stjórnun þeirra og
stefnumótun, lifeyris sjóðir sem og aðrir.

5. Hyggst fyrirtæki þitt fjárfesta á næstu
sex mánuðum og/eða bæta við sig
starfsfólki?
Mögulega ef rétt tækifæri verða til.

6. Einhver erlendur leiðtogi – lífs eða
liðinn – sem hefur hrifið þig vegna
stjórnkænsku?
Sir Alex Ferguson.

7. Á að selja áfengi í matvörubúðum?
Já.
Sigurður Atli Jónsson, bankastjóri MP­banka.
Hvernig MEtA ÞAU stöðuna?