Frjáls verslun - 01.08.2014, Qupperneq 166

166 FRJÁLS VERSLUN 8-9 tbl. 2014
guðmundur Jóhann Jónsson, forstjóri Varðar:
1. Hvar finnst þér hafa tekist best til í
viðskiptalífinu undanfarið ár?

Það er komið betra jafnvægi á viðskipta ­
lífið. Stjórnendur horfa í auknum mæli
fram á veginn í stað þess að rýna í bak ­
sýnisspegilinn. Við byggjum ofan á þessa
stöðu.

2. Hverjir eru helstu veikleikar íslensks
viðskiptalífs?
Það er klárlega veikleiki hversu lokað
landið er. Við aukum súrefnið með því
að heimila innlendum fyrirtækjum að
fjárfesta erlendis og erlendum að fjárfesta
áhyggjulaust á Íslandi. Þurfum að afnema
höftin.

3. Hvaða þrír lykilþættir í stjórnun finnst
þér mikilvægastir?
a. Skýr framtíðarsýn
b. Sigurvilji
c. Heiðarleiki

4. Finnst þér lífeyrissjóðir orðnir of
áhrifamiklir í viðskiptalífinu?
Lífeyrissjóðirnir eru gríðarlega fjársterkir
og sem slíkir hafa þeir mikið forskot á aðra
fjárfesta. Það er mikilvægt að þeir misbeiti
ekki styrk sínum. Stutta svarið er, já þeir
eru orðnir of áhrifamiklir.

5. Hyggst fyrirtæki þitt fjárfesta á næstu
sex mánuðum og/eða bæta við sig
starfsfólki?
Trúlegast verða ekki miklar breytingar á
þessum þáttum rekstrarins en samhliða
batnandi ástandi í efnahagslífinu eykst
svigrúm til fjárfestinga og fjölgunar
starfsfólks.

6. Einhver erlendur leiðtogi – lífs eða
liðinn – sem hefur hrifið þig vegna
stjórnkænsku?
Ef ég á að nefna einhvern sem er lífs
þá dettur mér í hug Frans páfi. Hann er
tilbúinn að brjóta upp rótgrónar hefðir
Vatíkansins. Það þarf hugrekki til þess en
hann hefur kjark til að fara nýjar leiðir í
sínu verkefni.

7. Á að selja áfengi í matvörubúðum?
Vínbúðirnar standa sig vel í að þjónusta
landsmenn en ég þekki það sjálfur að
utan að það er gott að grípa vínflösku
samhliða innkaupum á matvöru. Ekki
forgangsverkefni.
„Það er komið betra jafnvægi
á viðskipta lífið. Stjórnendur
horfa í auknum mæli fram á
veginn í stað þess að rýna í bak ­
sýnisspegilinn. Við byggjum ofan
á þessa stöðu.“ Guðmundur Jóhann Jónsson, forstjóri Varðar.
BETRA JAFNVægi
Hvernig MEtA ÞAU stöðuna?
Í lok síðustu aldar var dregið í efa
að milljónir manna myndu spila
íslenskan tölvuleik á netinu.
Við höfðum hins vegar trú á CCP áður
en fyrsta geimskipið hófst á loft, byggðum
tölvukerfi þeirra og höfum síðan ferðast
með þeim og spilurum þeirra til fleiri
en 67 þúsund pláneta.
Við vinnum með mörgum snjöllustu
fyrirtækjum landsins við að láta
tækni og tækifæri mætast.
Við köllum það tæknifæri. 
TÆKNIFÆRI
NÝHERJI ER LEIÐANDI FYRIRTÆKI Á SVIÐI UPPLÝSINGATÆKNI
Við höfum góða reynslu af framtíðinni!
BORGARTÚNI 37
SÍMI 569 7700
WWW.NYHERJI.IS
E
N
N
E
M
M
/
N
M
6
4
9
9
8