Frjáls verslun - 01.08.2014, Qupperneq 168

168 FRJÁLS VERSLUN 8-9 tbl. 2014
„Lækkun verðbólgu og sá stöðug­
leiki sem hefur náðst í íslensku
efnahagslífi styrkir stöðu bæði
fyrirtækja og heimila.“
Birna Einarsdóttir, bankastjóri íslandsbanka:
óVENJuLEgur STÖðUglEIKI
1. Hvar finnst þér hafa tekist best til í
viðskiptalífinu undanfarið ár?

Lækkun verðbólgu og sá stöðugleiki sem
hefur náðst í íslensku efnahagslífi styrkir
stöðu bæði fyrirtækja og heimila. Stöðug ­
leiki eins og sá sem við upplifum nú er ekki
algengur í hagsögu íslands.
2. Hverjir eru helstu veikleikar íslensks
viðskiptalífs?
Það eru gjaldeyrishöftin og sú staðreynd
að við höfum ekki séð áætlun um hvernig
við ætlum að afnema þau. Það er ákveðin
hætta á því að við munum ekki þora
að rugga bátnum horfandi til þess góða
árangurs sem náðst hefur í efnahagsmálum.
3. Hvaða þrír lykilþættir í stjórnun finnst
þér mikilvægastir?
Hlutverk stjórnenda er að hafa skýra
framtíðarsýn og fá starfsfólkið með í þá
vinnu sem er nauðsynleg til að ná mark ­
miðunum. Stjórnanda verður að vera annt
um starfsfólkið sitt. Góð upplý singagjöf er
svo lykilatriði svo að allir rói í sömu átt.
4. Finnst þér lífeyrissjóðir vera orðnir of
áhrifamiklir í viðskiptalífinu?
Lífeyrissjóðirnir þurfa að uppfylla
ákveðna fjárfestingaþörf en hafa haft tak ­
markaða möguleika til fjárfestinga vegna
gjaldeyrishafta. Því virðast þeir vera stórir
í fjárfestingum þar sem þær eiga sér stað
hér á landi. Ég trúi því að þeir séu vel
meðvitaðir um hlutverk sitt sem stórir
aðilar á markaði.
5. Hyggst fyrirtæki þitt fjárfesta á næstu
sex mánuðum og/eða bæta við sig
starfsfólki?
Það er ólíklegt að við bætum við okkur
starfsfólki á næstunni en fjárfestingar í
jafnstóru fyrirtæki og Íslandsbanki er eru
alltaf nauðsynlegar. Það er t.a.m. fyrirhugað
að sameina höfuðstöðvar bankans og því
fylgja framkvæmdir. Þá er einnig á áætlun
nokkur fjárfesting í upplýsingatæknimálum.
6. Einhver erlendur leiðtogi – lífs eða
liðinn – sem hefur hrifið þig vegna
stjórnkænsku?
Ég var svo heppin að sjá Bill Gates,
forstjóra Microsoft, tala á ráðstefnu fyrir
nokkrum árum. Það sem mér finnst heill ­
andi við hann er hans sterka fram tíðarsýn.
Hann er skemmtileg blanda af manni sem
hefur mjög sterkar skoðanir á hvaða leiðir
skuli taka inn í framtíðina og ákveðinni
íhaldssemi. Þetta kórónaði hann með
einstaklega auðmjúku fasi.
7. Á að selja áfengi í matvörubúðum?
Ég hef ekki myndað mér skoðun á því en
get auðveldlega séð bæði kosti og galla við
þá leið.
Birna Einarsdóttir, bankastjóri Íslandsbanka.
Hvernig MEtA ÞAU stöðuna?
Orka til
framtíðar
landsvirkjun.is
Ísland er ríkt af orkuauðlindum og mikil
verðmæti felast í því að nýta íslenskt hugvit
til þess að þróa nýja vitneskju og tækni í
orkunýtingu.
Orkurannsóknasjóður Landsvirkjunar styrkir
námsmenn og rannsóknir á sviði umhverfis-
og orkumála. Með sjóðnum vill Landsvirkjun
deila þekkingu og stuðla að nýsköpun og
þróun fyrir framtíðarorkuvinnslu á Íslandi.
Sjóðurinn hefur frá stofnun árið 2008
veitt styrki að heildarupphæð 319 milljón
króna. Sjóðurinn hefur veitt hátt í 30
styrki til doktorsnáms, yfir 60 styrki til
meistaranáms og um 130 styrki til annarra
rannsóknarverkefna.
Opnað verður fyrir umsóknir í lok nóvember.
Skilafrestur rennur út 9. janúar 2015 og fer
úthlutun fram mánuði síðar.
Nánari upplýsingar má finna á
landsvirkjun.is/orkurannsoknasjodur