Frjáls verslun - 01.08.2014, Qupperneq 180

180 FRJÁLS VERSLUN 8-9 tbl. 2014
Móses (Christian Bale) í herklæðum meðan hann og bróðir hans, faraóinn Ramses, voru enn samherjar.
Nú er von á einni biblíu ­mynd til viðbótar, Exodus: Gods and Kings. Þar er
við stjórnvölinn Ridley Scott og
miðað við viðtökur á hálftíma
sýnishorni sem út valdir fengu
að sjá, er myndin mik ið sjónar­
spil og spáð glæstri framtíð.
Noah og Exodus: Gods and
Kings eiga það sameiginlegt
að vera byggðar á sögum úr
Gamla testamentinu. Exodus
er önnur Mósebókin og hefur
kvikmynda bransinn oft leitað í
söguna af Móses og hvernig
stóð á því að egypskur prins
gerðist leiðtogi þeirra sem minna
máttu sín. Upprunalega átti
kvikmyndin eingöngu að heita
Exodus og Ridley Scott segir
að það hafi verið einlægur vilji
allra að halda því nafni en það
reyndist ómögulegt þar sem
einkaréttur er á kvikmynd með
nafninu og enginn vildi gefa
eftir. Sjálfsagt er Scott að vísa í
kvikmyndina Exodus sem gerð
var 1960 með Paul Newman í
aðalhlutverki en sú mynd var
ekki byggð á Mósebók. Kvik­
myndin sem verður viðmiðunin
við Exodus: Gods and Kings
er The Ten Commandments
sem fjallar einnig um Móses og
baráttu þeirra bræðra Móses og
faraósins Ramses. Sá Móses
sem við sjáum í eldri myndinni
er leikinn af Charlton Heston og
hefur enginn leikari náð sömu
áhrifum í hlutverkinu síðan. Eitt
það fyrsta sem blaðamenn
spurðu Christan Bale, sem nú
bregður sér í hlutverk Móses,
var hvort hann miðaði leik sinn
við leik Hestons. Bale svaraði
einfaldlega að enginn gæti
leikið Charlton Heston nema
Heston sjálfur og af því má ráða
að Bale taki einhvern annan
pól í hæðina enda orðin 58 ár
síðan Heston, í ógleymanlegu
atriði, rauf gat á Rauðahafið
og birtist okkur síðan á fjallinu
Sínaí með boðorðin tíu greypt í
steintöflu. Þess má geta að The
Ten Commandments er sjöunda
vinsælasta kvikmynd allra tíma.
Á sjötta og sjöunda áratug síðustu aldar voru epískar biblíumyndir stærstu og dýrustu
kvikmyndir sem framleiddar voru í Bandaríkjunum. Í kjölfar hippabyltingarinnar og
stríðsins í Víetnam döluðu vinsældir slíkra kvikmynda og hafa nánast verið bannvara í
Hollywood eða allt þar til Darren Aronofsky kom með Noah í fyrra.
Epísk biblíumynd frá ridley Scott
TexTi: Hilmar Karlsson
Móses (Christian Bale)
leiðir Ísraelsmenn frá
Egyptalandi. Til að
komast á leiðarenda
þurfti að kljúfa
Rauðahafið.
kvikmyNdir
Exodus: Gods and Kings: