Frjáls verslun - 01.08.2014, Page 181

FRJÁLS VERSLUN 8-9 tbl. 014 181
Leikaraval gagnrýnt
Ridley Scott treystir vissulega á
tæknina við gerð þeirra atriða
sem hvað flóknust eru, t.d. í
göngunni í gegnum Rauða­
hafið, en lætur hana þó ekki
ráða för, eins og því miður
gerist í æ meiri mæli í stórum
ævintýrakvikmyndum, heldur
eru mörg atriði sem krefjast
mik ils mannfjölda og átaka
tekin á Spáni í landslagi sem
þykir komast næst því landslagi
sem menn hafa ímyndað sér að
at burðirnir hafi átt sér stað í. Og
miðað við umfang myndarinnar
og að Exodus: King and Gods
er líklegast dýrasta kvikmynd
sem Scott hefur gert þá fóru
ekki nema 74 dagar í tökur og
aðrar framkvæmdir, sem þykir
ekki mikið við gerð kvikmyndar
af þessari stærðargráðu.
Sú kvikmynd Scotts sem
margir eiga eftir að miða Exo dus:
Gods and Kings við í efnis tökum
er Gladiator, sem hlaut á sínum
tíma mörg óskarsverðlaun.
Scott var spurð ur hvort hann
sæi mikinn mun í gerð þessara
tveggja kvikmynda. „Ég hef
meira á til finningunni að Exodus:
Gods and Kings sé stór kvik­
mynd. Þegar ég gerði Gladi­
ator var ég í raun með litla og
per sónulega sögu og það kom
mér vissu lega á óvart hversu
stór sagan varð þegar hún var
komin á hvíta tjaldið.“
Þrátt fyrir að Exodus: Gods
and Kings verði ekki frumsýnd
fyrr en um miðjan desember
eru þegar komnar háværar
gagnrýnisraddir sem snúa að
leikaravalinu, en enginn svartur
leikari er í burðarhlutverki. Fjórir
hvítir leikarar eru í aðalhlutverk­
um, Christian Bale leikur eins
og áður sagði Móses, Joel
Edgerton, tiltölulega lítt þekktur
leikari, er í hlutverki Ramses,
Sigourney Weaver leikur móður
þeirra og John Turturo leikur
faraóinn Seti. Auk þess leikur
Ben Kingsley stórt hlutverk, en
hann lék Móses í sjónvarps­
mynd sem gerð var 1995.
Þeir sem gagnrýna leikara­
valið segja að persónurnar hafi
ekki verið hvítar og sjálfsagt
hafa þeir eitthvað til síns máls
enda gerast atburðirnir í Afríku
og ekki er reiðin minni þegar
fram hefur komið að svartir
leikarar eru í yfirgnæfandi
meiri hluta þegar kemur að
þræl um og almúgafólki. Þegar
eru einstaka samtök farin að
leggja til við meðlimi sína að sjá
ekki myndina. Handritið skrifar
að mestu leyti Steve Zaillian,
margverðlaunaður handritshöf­
undur sem hefur áður unnið
með Scott, var handritshöf­
undur Hannibal og American
Gangster.
Ridley Scott
Ridley Scott, sem verður 78
ára í lok nóvember, er einn
þekktasti kvikmyndaleikstjóri
nútímans og hefur aldrei verið
jafnafkastamikill og á þessari
öld, en Exodus: Gods and
Kings er áttunda kvikmyndin
sem hann leikstýrir frá alda ­
mótum auk þess sem hann
hefur tekið þátt í gerð margra
kvikmynda og sjónvarpsþátta ­
raða sem framleiðandi. Tvær
kvikmyndir í upphafi ferils hans
hafa þá ekki átt svo lítinn þátt í
að halda nafni hans sem kvik ­
myndasnillingur á lofti; Alien
(1979) og Blade Runner (1982).
Þessar myndir eru klassískar
í dag og hafa haft mikil áhrif á
gerð fjölda kvikmynda og ófáir
kvikmyndaleikstjórar hafa fetað
í fótspor Scotts síðan þessar
tvær kvikmyndir komu fram á
sjónarsviðið.
Á löngum ferli liggja eftir
Ridley Scott margar fleiri góðar
myndir eins og Thelma and
Louise (1991), Gladiator (2000),
Black Hawk Down, (2001)
American Gangster (2009) og
Promenthus (2012), sem var að
hluta tekin upp á Íslandi. Scott
hefur þó einnig misstigið sig og
eru kvikmyndir á borð við Leg­
end (1985), 1492: Conquest
of Paradise (1992) og síðasta
kvikmynd hans Conselour
(2013) dæmi um slíkar kvik­
myndir. Bróðir Ridleys Scotts,
Tony Scott, var vinsæll leikstjóri
spennumynda á borð við Top
Gun (1986), Days of Thunder
(1990), Crimson Tide (1995),
Enemy of the State (1998) og
Man on Fire (2004), en hann
framdi sjálfsmorð fyrir tveimur
árum með því að stökkva fram
af brú í Los Angeles.
Ridley Scott er langt frá því að
vera hættur þótt hann nálgist
áttrætt. Hann er þegar farinn
að undirbúa tökur á the The
Martian með Matt Damon,
Jessicu Chastain og Kate Mara
í aðalhlutverkum, kvikmynd
sem fjallar um geimfara sem er
strandaglópur á Mars. Þá er víst
kominn skriður á Blade Runner
2 og þótt Scott hafi lítið sem
ekkert gefið út á hvenær tökur
hefjast hefur Harrison Ford ekki
verið jafnþögull og segir undir­
búninginn kominn vel á veg. Þá
verður Promethus 2 gerð, en
að öllum líkindum verður Scott
eingöngu í hlutverki framleið­
anda. Fleiri verkefni eru á uppi
á borðinu hjá honum, verkefni
sem ættu að duga honum vel
yfir á níræðisaldur haldi hann
heilsu.
Sú kvikmynd Scotts
sem margir eiga eftir
að miða Exo dus: Gods
and Kings við í efnis ­
tök um er Gladiator, sem
hlaut á sínum tíma mörg
óskarsverðlaun.
Bræður munu berjast. Joel Edgerton og Christian Bale í hlutverkum sínum.
kvikmyNdir