Bæjarins besta - 22.12.2010, Síða 10

10 MIÐVIKUDAGUR 22. DESEMBER 2010
Við óskum Samfylkingarfólki og öllum
íbúum Norðvesturkjördæmis gleði-
legra jóla og farsældar á nýju ári.
Guðbjartur Hannesson, alþingismaður og
Ólína Þorvarðardóttir, alþingismaður
Bæjarráð Ísafjarðarbæjar hefur samþykkt að nýta for-
kaupsrétt sinn til kaupa á hlutafé í Melrakkasetri Íslands
ehf. Leggur bæjarráð til að keypt verði hlutir fyrir 200.000
krónur. Stjórn Melrakkasetursins ákvað fyrr í haust að
auka við hlutafé setursins úr rúmum 2 milljónum króna í 5
milljónir. Í viðtali við bb.is sagði Ester Rut Unnsteinsdóttir,
framkvæmdastjóri setursins að langflestir hluthafar hafi
ákveðið að nýta forkaupsrétt sinn en kaupin voru á gjalddaga
þann 20. desember. Hluturinn kostar 10 þús. krónur á genginu
einn.
Nýta forkaupsréttinn
Ákveðið hefur verið að árleg vetrarfuglatalning Náttúru-
fræðistofnunar Íslands fari fram 9. janúar. Markmið vetrar-
fuglatalninga er að safna upplýsingum um fjölda og dreifingu
fugla að vetrarlagi. Í síðustu talningu á norðanverðum Vest-
fjörðum var æðarfugl algengastur í vetrartalningu sem fór
fram í lok síðasta árs. Tæplega 8800 æðarfuglar voru taldir
og var hávellan næst algengust eða um 1700 fuglar. Flestar
hávellur sáust í Súgandafirði eða 6-700 fuglar. Heildarfjöldi
fugla svipaður og árið áður ári og má nefna að aðeins munaði
um 70 æðarfuglum á milli ára. Árlegar vetrarfuglatalningar
hófust á Íslandi um jólaleytið 1952 að amerískri fyrirmynd.
Þetta verkefni er ein lengsta samfellda vöktun sem stunduð
hefur verið hér á landi og sú sem tekur til flestra fuglategunda.
Árleg vetrarfuglatalning
Súðavíkurhreppur hefur lagt fram kröfulýsingu á hendur
þrotabúi Sparisjóðsins í Keflavík. Var hún send var til slita-
stjórnar 6. desember. Kröfulýsingin er byggð á því að for-
sendur fyrir stofnfjáraukningu í Sparisjóði Vestfjarða hafi
verið rangar m.a. þannig að eignir Sparisjóðsins í Keflavík
hafi við samruna sparisjóðanna verið stórlega ofmetnar og
aldrei hefði komið til umræddra stofnfjáraukninga, ef réttar
upplýsingar hefðu legið fyrir á þeim tíma sem þær fóru fram
og samruni sparisjóðanna var samþykktur. Sveitarstjóra
hefur verið falið að fylgja málinu eftir í samvinnu við lögfræð-
ing Súðavíkurhrepps.
Lýsa kröfu í þrotabúið
Síðasti hópurinn var útskrifaður fyrir jól frá Fræðslumið-
stöð Vestfjarða í síðustu viku. Um var að ræða fólk sem hefur
lokið á milli 50 og 60 kennslustundum í nokkrum greinum,
einkum þeim sem flokkast undir sköpun, svo sem tónlist og
hannyrðir. Samstarfsaðilar Fræðslumiðstöðvarinnar voru
Svæðisskrifstofa málefna fatlaðra á Vestfjörðum og Fræðslu-
setrið. Í tilefni útskriftarinnar var slegið upp veislu og borið
fram heitt súkkulaði og bakkelsi. Þá voru jólalögin sungin og
leikin undir öruggri stjórn kennarans Guðrúnar Jónsdóttur
söngkonu og meðreiðarsveina hennar, þeirra hafnarkarlanna
Guðmundar Kristjánssonar og Hjalta Einars Þórarinssonar.
Útskriftir í FRMST
Þessi myndarlegi hópur var sá síðasti til að út-
skrifast frá Fræðslumiðstöð Vestfjarða fyrir þessi jól.
„Akstursþjónusta
dýr og lítið notuð“
Félagsmálanefnd Súðavíkur-
hrepps hefur lagt til að skoðaðir
verði aðrir möguleikar á aksturs-
þjónustu við dreifbýli. Segir
nefndin það fyrirkomulag sem
nú er til staðar vera bæði dýrt og
ekki mikið notað af þeim sem á
því þurfa að halda. „Mikilvægt
er að það fjármagn sem lagt er í
slíka þjónustu sé notað mark-
visst,“ segir í fundarbókun. Súða-
víkurhreppur hefur undanfarin ár
greitt Íslandspósti hluta af kostn-
aði af póstferðum frá Ísafjarðar-
djúpi til Ísafjarðar í þeim tilgangi
að íbúar í Djúpinu geti nýtt ferð-
irnar sjálfir til að sækja þjónustu
á Ísafjörð.
„Ef þessar greiðslur hreppsins
hefðu ekki komið til þá hefði
póstþjónusta Íslandspóst verið
einungis frá Ísafirði í djúpið og
til baka. Á þessu ári greiðir Súða-
víkurhreppur eina og hálfa millj-
ón vegna ferða einu sinni í viku,“
segir í fundarbókun. Nefndin seg-
ir að ferðirnar hafi ekki verið
mikið nýttar af farþegum, aðeins
37 ferðir (aðra leiðina) hafa verið
nýttar það sem af er þessu ári og
aðeins hluti þeirra eru ferðir íbúa
með lögheimili í Súðavíkurhreppi.
Félagsmálanefnd telur mikil-
vægt að áfram verði veitt aksturs-
þjónusta, til að sækja þjónustu á
Ísafjörð, við þá íbúa í djúpinu
sem eiga lögheimili í hreppnum
og eru ekki færir um að keyra
sjálfir. Í fundarbókun segir að
þetta eigi mögulega við um tvö
til þrjú heimili.
– thelma@bb.is
Súðavík. Ljósm: © Mats Wibe Lund.