Bæjarins besta - 22.12.2010, Blaðsíða 39
MIÐVIKUDAGUR 22. DESEMBER 2010 39
Sælkeri vikunnar er Ingiríður Á. Karlsdóttir á Ísafirði
Leyndarmálsdrykkur
og Þórhildarhleifur
Þessi föngulegi hópur hjálpaði mér að smala í haust. Ég sendi þeim öllum bestu
óskir um gleðileg jól og farsælt nýtt ár. Flest af þessu fólki er búið að koma í leitir í
mörg haust. Bestu kveðjur til ykkar allra. Ragna á Laugabóli.
„Þrátt fyrir að blaðið komi
út á Þorláksmessu langar mig
að deila með ykkur uppskrift
af hinum vinsæla drykk My
secret og hægt er að lesa nánar
um hann á síðunni mysecret.is.
Hér er líka hollustubrauð sem
ég kalla Þórhildarhleif og kjúkl-
ingaréttur.“
My secret –engiferdrykkur
150 g engifer – skorið í
þunnar sneiðar
3 msk límónu-/sítrónusafi
2 msk agave síróp
2 greinar myntulauf
1,5L vatn
Allt sett í pott og láta suðuna
koma upp. Látið kólna í pottin-
um í 2 klst. Sigtið, setjið safann á
flösku og kælið. Ráðlagt er að
drekka 250 ml á dag.
Þórhildarhleifur
1dl haframjöl
1 dl graskersfræ
6-7 stk döðlur
4 dl spelt (fínt)
½ tsk salt
½ tsk kúmen
1 dl kúmen (sleppti)
1 dl hörfræ
1 msk vínsteinslyftiduft
2 ½ dl vatn
1 msk sítrónusafi
2 msk hunang
2 msk olía
Blandið þurrefnum saman.
Hrærið vandlega saman með
skeið. Bakið við 180° ca. í 35
mín.
Kjúklingabringur – fylltar
4 kjúklingabringur
20g rautt pestó úr sólþurrk-
uðum tómötum
250 g rjómaostur m sólþurrk-
uðum tómötum
4 sólþurrkaðir tómatar
Nokkrar svartar ólífur saxaðar
Salt og grófmalaður pipar
Örlítil mjólk
Fletjið/ berjið kjúklingabring-
urnar aðeins út með bufffhamri.
Maukið tómatpestóið og látið
marinerast í um 30 mín. Setjið
þá 1 msk af rjómaosti á miðju
hverrar bringu og 1 sólþurrkaðan
tómat og ólífur. Lokið bringunni
og festið með tannstöngli. Raðið
síðan bringunum upprúlluðum í
eldfast mót, stráið salti og pipar
yfir og bakið við 180° í um 40
mín. Búið til sósuna rétt áður en
elduninni lýkur.
Takið afganginn af rjómaostin-
um og hitið varlega í potti eða
örbylgjuofni. Þynnið sósuna með
örlítilli mjólk. Berið fram með
fersku salati, risottó eða soðn-
um hrísgrjónum.
Ég skora á Rögnu Arnalds-
dóttur á Ísafirði. Ragna er frá-
bær kokkur og sér um að elda
hádegismat handa okkur í
Landsbankanum, allt sem hún
gerir er bæði gott og glæsilega
framborið. Maturinn hennar
er eitt af fjölmörgu sem ég mun
sakna héðan frá Ísafirði.
Tilkynningum til barnaverndar-
yfirvalda á Vestfjörðum fjölgar
Tilkynningum til barnavernd-
aryfirvalda á norðanverðum
Vestfjörðum fjölgaði töluvert
fyrstu níu mánuði ársins miðað við
sama tíma í fyrra. Einnig fjölg-
aði tilkynningum í Vesturbyggð
og á Tálknafirði á tímabilinu en
þó ekki eins mikið. Frá ársbyrjun
og fram í nóvember bárust barna-
verndarnefnd 142 tilkynningar
vegna 116 barna en tilkynning-
arnar voru 99 vegna 95 barna á
sama tímabili í fyrra. Tilkynn-
ingarnar eru 2% af öllum tilkynn-
ingum sem bárust á landinu í ár.
Í Vesturbyggð og á Tálknafirði
bárust 15 tilkynningar vegna 14
barna en þær voru 11 á sama tíma
í fyrra. Er það 0,2% af tilkynn-
ingum á landsvísu. Þetta kemur
fram í samantekt Barnaverndar-
stofu.
Ef litið er á landið í heild fjölg-
aði tilkynningum til barnavernd-
arnefnda um rúmlega 1% fyrstu
níu mánuði ársins 2010 saman-
borið við fyrstu níu mánuði ársins
2009. Þetta er minni fjölgun en
var í samanburði fyrstu þrjá mán-
uði og fyrstu sex mánuði áranna
2009 og 2010, en fjölgunin þá
var um 3%. Nokkur munur er
eftir landsvæðum, en í þessum
samanburði kemur fram að til-
kynningum fækkaði um tæplega
2% á höfuðborgarsvæðinu, en
fjölgunina á landsbyggðinni var
tæplega 7%.
Flestar tilkynningar voru vegna
áhættuhegðunar barna eða 47,1%
tilkynninga fyrstu níu mánuði
ársins 2010, en 46,3% fyrstu níu
mánuði ársins 2009. Alls voru
31,3% tilkynninga vegna van-
rækslu fyrstu níu mánuði ársins
2010, en 35,2% fyrstu níu mán-
uði ársins 2009. Hlutfall tilkynn-
inga um ofbeldi var 21,1% fyrstu
níu mánuði ársins 2010, en
18,0% fyrstu níu mánuði ársins
2009. Hlutfall tilkynninga vegna
þess að heilsu eða lífi ófædds
barns var stefnt í hættu var 0,5%
fyrstu níu mánuði ársins 2010,
en 0,4% fyrstu níu mánuði ársins
2009.
Samanlagður fjöldi barna sem
tilkynnt var um fyrstu níu mánuði
ársins 2010 var 5.773 börn, en
sambærileg tala fyrir árið 2009
var 5.720 börn. Tilkynnt var því
um tæplega 1,0% fleiri börn
fyrstu níu mánuði ársins 2010 en
fyrstu níu mánuði ársins 2009.
Þess ber að geta að tilkynning til
barnaverndarnefndar verður að
barnaverndarmáli ef tekin er
ákvörðun um könnun máls í kjöl-
far tilkynningar.
230 milljónir í fræðslumál
Gert er ráð fyrir að kostnaður vegna grunnskóla, leikskóla og
tónlistarskóla í Bolungarvík á næsta ári verði alls 230,6 milljónir
króna en tekjur verði 26,4 milljónir króna. Af skatttekjum fara
því í fræðslumál 204 milljónir kr. sem skiptast þannig að Grunn-
skólinn fær til sín 152,5 milljónir eða 75%, Leikskólinn 18% eða
37 milljónir kr.og Tónlistarskólinn 7% eða 13,3 milljónir kr.
Þetta kemur fram í stefnuræðu bæjarstjóra Bolungarvíkur, Elíasar
Jónatanssonar, með frumvarpi að fjárhagsáætlun.
Tilkynningar bárust til barnaverndarnefndar á norðanverð-
um Vestfjörðum vegna 116 barna á fyrstu níu mánuðum ársins.