Bæjarins besta - 22.12.2010, Síða 31

MIÐVIKUDAGUR 22. DESEMBER 2010 31
Auglýsing um deiliskipulag, Tungu-
skógur í Tungudal, Ísafjarðarbæ
Bæjarstjórn Ísafjarðarbæjar auglýsir hér með tillögu að deiliskipu-
lagi, Tunguskógur í Tungudal, Ísafjarðarbæ skv. 25. gr. skipulags- og
byggingarlaga nr. 73/1997 með síðari breytingum.
Deiliskipulagstillagan tekur svæðis sem er rúmir 13,5 ha. að stærð
og liggur í 25-80 m hæð. Skipulagstillagan gerir ráð fyrir heimild til að
byggja 6 ný sumarhús. Á sumarhúsalóð er heimild fyrir einu sumarhúsi
ásamt geymsluskúr og/eða garðhúsi. Húsið skal vera einnar hæðar
en jafnframt er heimilt að nýta rishæð. Á lóðum sem þegar eru byggð-
ar er heimilt að stækka hús að þeim mörkum sbr. töflu á uppdrætti.
Deiliskipulagstillagan verður til sýnis á bæjarskrifstofum í Stjórn-
sýsluhúsinu, Hafnarstræti 1, Ísafirði og á heimasíðu Ísafjarðarbæjar
www.isafjordur.is frá og með 23. desember 2010 til og með 20. janúar
2011. Þeim sem telja sig eiga hagsmuna að gæta er hér með gefinn
kostur á að gera athugasemdir við deiliskipulagstillöguna. Frestur til
að skila inn athugasemdum rennur út 3. febrúar 2011. Skila skal inn
athugasemdum á bæjarskrifstofur Ísafjarðarbæjar, Stjórnsýsluhúsinu,
Hafnarstræti 1, Ísafirði. Þeir sem ekki gera athugasemdir við skipulags-
tillöguna fyrir tilskilinn frest teljast samþykkir henni.
Ísafirði 14. desember 2010.
Jóhann Birkir Helgason, sviðstjóri
framkvæmda- og rekstarsviðs.
Niðurskurður dregur verulega úr
efnhaglegum áhrifum Háskólaseturs
Fyrir hverja krónu sem Há-
skólasetur Vestfjarða fékk í fram-
lög og tekjur árin 2009 og 2010
skiluðu sér tvær krónur til baka
sem efnahagsleg áhrif fyrir Vest-
firði. Þetta kemur fram í nýlegri
skýrslu sem Atvinnuþróunarfé-
lag Vestfjarða (Atvest) vann ný-
lega á efnahagslegum áhrifum af
starfsemi Háskólaseturs . Tekjur
og framlög til Háskólaseturins ár-
ið 2009 voru 128 milljónir króna
og samkvæmt útreikningum
skýrsluhöfunda voru efnhagsleg
áhrif stofnunarinnar fyrir Vest-
firði það ár 203 milljónir króna.
Í ár nema framlög til Háskóla-
setursins 91 milljón króna og eru
áhrifin fyrir Vestfirði talin vera
um 189 milljónir króna. Ef
boðaður niðurskurður í fjárlögum
næsta árs upp á 30%, nær fram
að ganga, er ljóst að leggja þarf
niður meistaranám í haf og
strandsvæðastjórnun. Slíkt myndi
draga verulega úr efnahagslegum
áhrifum Háskólasetursins. Sam-
kvæmt útreikningum Atvest yrðu
framlög til stofnunarinnar þá 64
milljónir króna og efnhagsleg
áhrif fyrir Vestfirði yrðu um 68
milljónir króna.
Ástæðan fyrir þessum mikla
mun liggur aðallega í því að hve
mikil efnhagsleg áhrif nemendur
í haf- og strandsvæðastjórnun
hafa á svæðið. Hjá Háskólasetr-
inu eru um 50 nemar í staðbund-
nu námi í haf- og strandsvæða-
stjórnun. Þeir fjármagna nám sitt
að mestu leyti með erlendu fjár-
magni og kemur 94,5% af fram-
færslufé þeirra erlendis frá. Þessir
fjármunir fara í að greiða fyrir
neyslu og uppihald á svæðinu.
Samkvæmt útreikningum skýr-
sluhöfunda er aukning á neyslu á
ársgrundvelli um 49 milljónir
króna. Þá sækja einnig nemar
styttri námskeið til Vestfjarða og
er áætluð neysluaukning vegna
þeirra um 11 milljónir króna. Til
viðbótar við nemana koma til
þeirra gestir sem nýta sér verslun
og aðra þjóustu á svæðinu og er
árleg neysluaukning vegna þeirra
áætluð um 17 milljónir króna.
Háskólasetrið er launagreið-
andi og greiðir um 60 milljónir
króna til aðila innan Vestfjarða.
Ætla má að þeir fjármunir fari í
að greiða einkaneyslu viðkom-
andi starfsmanna. Háskólasetrið
kaupir einnig þjónustu innan
svæðisins fyrir 63 milljónir króna
og af aðilum utan þess fyrir 32
milljónir króna, sem þýðir að
keypt þjónusta nemur samtals 95
milljónum króna. Þá fær Há-
skólasetrið kennara og fyrirlesara
og er áætlað að neysla slíkra aðila
sé í kringum 3 milljónir króna.
Atvinnuþróunarfélagið hefur unnið úttekt á efnahagslegum áhrifum af starfsemi Háskólasetursins.
Eldisbátar fengu
ekki byggðakvóta
Aðalsteinn Ó. Ásgeirsson og
Konráð Eggertsson á Ísafirði hafa
farið þess á leit við bæjaryfirvöld
í Ísafjarðarbæ að þau beiti sér
fyrir því við sjávarútvegs- og land-
búnaðarráðuneytið að bátar, sem
eiga heimahöfn á Ísafirði og
landa í kvíar HG, eigi sama rétt
til byggðakvóta sveitarfélagsins
og bátar sem landa í kvíar í Skut-
ulsfirði. Í bréfinu til bæjarstjóra
vísa þeir til fundar um byggða-
kvóta sveitarfélagsins frá því í
nóvember þar sem fram kom að
þeim bátum með heimahöfn á
Ísafirði og veitt hafa í eldiskvíar
Hraðfrystihússins - Gunnvarar
hefur verið hafnað við úthlutun
byggðakvótans. „Ástæðan er
sögð sú að eldisfiskurinn úr kví-
um HG er að lang stærstum hluta
landað í Súðavík (þó einnig á
Ísafirði) og ekið til vinnslu í fisk-
vinnslu HG á Ísafirði og í Hnífs-
dal,“ segir í bréfinu.
Bréfaritarar segja að sam-
kvæmt upplýsingum frá sjávarút-
vegs- og landbúnaðarráðuneyt-
inu þurfi að koma beiðni frá Ísa-
fjarðarbæ þess efnis að bátar sem
fiska í Álftafirði og sem að mestu
leiti er landað í Súðavík og fer til
vinnslu á Ísafirði og Hnífsdal,
eigi sama rétt og þeir bátar sem
landa í kvíar í Skutulsfirði. „Þess
ber einnig að geta að allur eldis-
fiskur HG, nálægt 1.000 tonnum,
hefur verið unninn í landvinnslu
HG á Ísafirði og Hnífsdal auk
þeirrar ýsu sem komið hefur með
sem meðafli við veiðarnar.“
Bæjarráð hefur óskað eftir
frekari upplýsingum áður en
tekin verður ákvörðun um erind-
ið. Bæjarstjóra hefur verið falið
að taka saman þær upplýsingar.
Frá þorskeldi Hraðfrystihússins-Gunnvarar í Álftafirði.