Fréttatíminn - 10.04.2015, Blaðsíða 4

B rýnasta verkefni nýs rektors er fjár-mögnun Háskólans,“ segir Jón Atli Benediktsson, aðstoðarrektor vísinda
og kennslu og prófessor í rafmagns- og tölvu-
verkfræði við Háskóla Íslands, sem býður sig
fram í starf rektors Háskóla Íslands. „Skólinn
var þegar undirfjármagnaður fyrir hrun,
síðan var skorið niður um 20% og við það hef-
ur bæst 20% fjölgun nemenda. Ég mun leita
eftir samningum við ríkið til að fjármagna
2/3 af því sem til þarf til að ná sambærilegri
fjármögnun og norrænir rannsóknaháskólar
en síðan leita leiða til að HÍ afli 1/3 með
sjálfsaflafé, til að mynda með vísindastyrkj-
um, stuðningi frá samfélaginu og hollvinum
skólans. Aukið fjármagn til Háskólans er
nauðsynleg forsenda fyrir mörgum þeim
breytingum sem ráðast þarf í,“ segir hann.
Nýr rektor verður kjörinn af bæði starfs-
mönnum háskólans og stúdentum þann 13.
apríl. Auk Jóns Atla eru í framboði þau Einar
Steingrímsson, prófessor við Strathclyde-há-
skóla í Glasgow í Skotlandi og Guðrún Nor-
dal, forstöðumaður Stofnunar Árna Magnús-
sonar í íslenskum fræðum og prófessor við
Íslensku- og menningardeild Háskóla Íslands
sem var í viðtali í Fréttatímanum fyrir viku.
Jón Atli er einn afkastamesti vísindamaður
háskólans. Hann er höfundur meira en 300
fræðigreina og bókarkafla. Rannsóknir hans
hafa vakið athygli sem sést meðal annars af
því að mikið er vitnað til verka hans og hann
er eftirsóttur fyrirlesari á alþjóðavettvangi.
Áhugamál hans kunna að koma á óvart en
Jón Atli er sérlegur áhugamaður um rokk- og
pönktónlist og á dágott plötusafn.
„Á unglingsárunum hlustaði ég á Deep
Purple og Led Zeppelin en þegar pönktón-
listin kom átti hún hug minn allan og ég er
mikill aðdáandi Clash og The Fall en hef líka
mjög gaman af því að hlusta á Bob Dylan,
Joni Mitchell og alls konar nýrri tónlist,“
segir hann. Jón Atli stýrði um tíma þætti á
Rás 2 og árið 1992 tók hann ítarlegt viðtal við
Frank Zappa, ásamt félaga sínum Kolbeini
Árnasyni, sem var spilað í útvarpsþættinum
Smiðjunni. „Við vorum búnir að fá að gera
fimm þætti um goðsögnina Frank Zappa en
fengum vilyrði um sex þætti ef við myndum
útvega viðtal við hann. Við skrifuðum því
bréf og sendum fax og loksins var viðtals-
beiðnin samþykkt. Þetta var ári áður en hann
lést úr krabbameini en hann hafði ekki veitt
viðtal eftir að hann veiktist. Við urðum að
vonum kátir þegar Zappa féllst á að tala við
okkur í síma þótt það þýddi að við urðum að
tala við hann um miðja nótt. Hann var mjög
skemmtilegur viðmælandi og á endanum
var hann farinn að spyrja okkur um Ísland
og eldfjöllin,“ segir hann en þeir eru einu Ís-
lendingarnir sem hafa tekið viðtal við Frank
Zappa.
Jón Atli er kvæntur Stefaníu Óskarsdóttur,
stjórnmálafræðingi og dósent við Stjórnmála-
fræðideild Háskóla Íslands. Þau eiga tvo syni,
Benedikt Atla, sem er nemi í rafmagns- og
tölvuverkfræði við Háskóla Íslands, og Frið-
rik sem er nemi í Melaskóla.
Eitt af áherslumálum Jóns Atla er að gera
HÍ að fjölskylduvænni vinnustað. „Það teng-
ist fjárþörfinni að álag á starfsmenn hefur
verið gríðarlegt, ekki bara kennara heldur
líka innan stjórnsýslunnar. Hlutfall nemenda
á hvern kennara er tvöfalt hærra hér en skól-
um á Norðurlöndum sem við berum okkur
saman við. Við þurfum að fjölga starfsfólki,
bjóða upp á endurmenntun, auka námsfram-
boð á framhaldsstigi og koma með nýja fjöl-
skyldustefnu. Háskólinn verður að bjóða upp
á samkeppnishæf laun. Ég vil leita allra leiða
til að bæta kjör og aðbúnað starfsfólks, draga
úr álagi, og auka starfsánægju.,“ segir hann
Fyrst og síðast sé meginmarkmið Háskóla
Íslands að þjóna nemendum sem best. „Með
betri fjármögnun getum við tryggt bestu
kennsluhætti sem kostur er á. Þrátt fyrir
sársaukafullan niðurskurð hefur rannsóknar-
starf við skólann aukist og mikilvægt er að
halda sókninni áfram á öllum vígstöðvum
svo hægt sé að þjóna íslensku samfélagi sem
best,“ segir hann.
Erla Hlynsdóttir
erla@frettatiminn.is
Síminn á markað
Stærsta fjarskiptafyrirtæki landsins,
Síminn, verður skráð á hlutabréfa-
markað í haust. Orri Hauksson, forstjóri
Símans, greindi frá þessu á Kaup-
hallardögum Arion banka. Þetta verður
í annað sinn sem Síminn verður skráður
á markað, en félagið var skráð í upphafi
árs 2008.
Afdrif Fiskistofu enn óráðin
Sigurður Ingi Jóhannsson, sjávarútvegs-
og landbúnaðarráðherra, segir að
ekki verði kapp lagt á að áætlanir um
flutning Fiskistofu til Akureyrar á þessu
ári standist. Í samtali við Morgun-
blaðið vill hann ekki gefa upp hvenær
flutningurinn muni eiga sér stað. Eyþór
Björnsson fiskistofustjóri er ósáttur við
þessar tafir og segir að annað hvort
eigi að hætta við flutninginn eða taka
skrefið og klára dæmið.
183.000
farþegar ferðuðust með Icelandair
í millilandaflugi í mars. Þetta er 15
prósent aukning frá í fyrra.
Eik hagnast
Hagnaður fasteignafélagsins Eikar á
síðasta ári nam 1.336 milljónum króna.
Það er um 110 milljónum meiri hagn-
aður en árið áður.
 Vikan sem Var
Varð fyrir eldingu
Flugvél Icelandair,
Herðubreið, varð fyrir
eldingu á þriðjudag á
leið frá Keflavíkurflug-
velli til Denver. Eldingin
gataði nef vélarinnar
sem lenti þó heilu og
höldnu í Denver.
Drottningarnar deila
Lífsstílsdrottningarnar Ellý Ármannsdóttir
og Marta María Jónasdóttir eru komnar í
hár saman vegna fréttaskrifa um líf fræga
fólksins. Ellý, sem nýverið opnaði Fréttanet-
ið, hefur kvartað undan vinnubrögðum stall-
systur sinnar til framkvæmdastjóra Morgun-
blaðsins. Ellý er ósátt við að á Smartlandi
Mörtu hafi birst fréttir sem áður birtust hjá
henni – án þess að heimilda væri getið.
 menntamál næsti rektor Háskóla Íslands kjörinn á mánudag
Þegar
pönk-
tónlistin
kom átti
hún hug
minn
allan.
Tók viðtal við Frank Zappa
Jón Atli Benediktsson er einn afkastamesti vísindamaður Háskóla Íslands og er höfundur meira
en 300 fræðigreina og bókarkafla. Hann er prófessor í rafmagns- og tölvuverkfræði en færri vita
að hann er mikill áhugamaður um pönktónlist, hann safnar hljómplötum og tók viðtal við sjálfan
Frank Zappa skömmu áður en hann lést. Jón Atli býður sig fram til embættis rekstors Háskóla Ís-
lands en kosið verður á mánudag.
Jón Atli
Benedikts-
son er einn
þriggja
frambjóð-
enda til
embættis
rektors
Háskóla
Íslands.
Hann segir
mikilvægt
að blása til
sóknar eftir
sársauka-
fullan
niðurskurð.
Ljósmynd/
Hari
Veður Föstudagur laugardagur sunnudagur
HæglætisVEður, En Vægt frost.
snjók. A-lAnds síðdEgis.
HöfuðborgArsVæðið: ÚrKOMulAuSt
Og nOKKuð BJArt.
n-stórHríðArVEður norðAntil,
VætA AustAst, En þurrt s-lAnds.
HöfuðborgArsVæðið: StrEKKIngSvInDur
En Að MEStu Þurrt.
Hægur Vindur Aftur og kAlt í VEðri.
fEr Að rignA sV-lAnds síðdEgis.
HöfuðborgArsVæðið:BJArt og vægt FroSt,
En HLýnAr og MEð rIgnIngu.
norðan hret í vændum
Ef páskar hefðu verið um helginni
síðar hefði komandi hret á laugardaginn
mögulega verið flokkað með verri
páskahretum. Það lítur út fyrir að lægð
dýpki fyrir austan land og stórhríð verði á
laugardag, fyrst á vestfjörðum, en síðan
á norður- og norðaustur-
landi. Í byggðum austast
mun hins vegar blotna.
gengur niður að mestu um
nóttina, en á sunnudags-
kvöldið verður vaxandi
vindur suðvestantil með
rigningu en snjókomu á
fjallvegum.
1
-1 0
-1
-1
-1
-3 -2
0
-1
-2
-4 -6
-5
-3
Einar sveinbjörnsson
vedurvaktin@vedurvaktin.is
4 fréttir Helgin 10.-12. apríl 2015