Fréttatíminn - 10.04.2015, Síða 20

Strákurinn okkar
20
0
0
K nattspyrnumaðurinn Eiður Smári Guðjohn-sen hefur sýnt það og
sannað að undanförnu að
hann er enn með töfra í
skónum. Eiður spilaði
á dögunum sinn fyrsta landsleik í
eitt og hálft ár þegar Ísland mætti
Kasakstan og auðvitað lék hann á
als oddi og skoraði. Eftir leikinn
var hann viðstaddur fæðingu fjórða
barns síns, stúlku sem hann og eig-
inkonan, Ragnhildur Sveinsdóttur,
eignuðust 1. apríl. Eiður var síður en
svo hættur eftir þetta og hefur skor-
að í tveimur síðustu leikjum sínum
með Bolton. Þar með tókst honum
að skora þrjú mörk og eignast barn
á tíu dögum. Eiður verður 37 ára
síðar á árinu en hefur sett stefnuna
á að spila með íslenska landsliðinu
á EM í Frakklandi sumarið 2016.
Fréttatíminn rifjar upp feril þess-
arar miklu kempu.
Heimildir: Transfermarkt, Knattspyrnusamband
Íslands, Vísir, Mbl.is, Fótbolti.net, Wikipedia.
Valur
1994
Leikir/mörk: 17/7
PSV
Eindhoven
1995-1997
Leikir/mörk: 15/3
n Lék fyrsta landsleik
sinn í apríl á móti Eist-
landi þegar hann kom
inn á fyrir föður sinn.
Ætlunin var að þeir myndu
leika saman í næsta landsleik
á eftir en meiðsli komu í veg
fyrir það.
n Varð meistari í Hollandi 1997.
KR
1998
Leikir/mörk: 6/0
Bolton Wanderers
1998-1999
Leikir/mörk: 18/5
n Lék fyrst með varaliði
félagsins en fékk tæki-
færi á seinni hluta
tímabilsins og stóð
sig vel.
1999-2000
Leikir/
mörk: 55/21
n Sló í gegn
á sínu fyrsta
heila tímabili.
Raðaði inn mörkum í
ensku B-deildinni.
n Skoraði fyrsta lands-
liðsmarkið gegn Andorra í
september.
Chelsea
2000-2001
Leikir/mörk: 36/13
n Keyptur fyrir um fjórar millj-
ónir punda.
n Knattspyrnumaður ársins.
2001-2002
Leikir/mörk: 47/23
n Gjöfulasta tímabilið á
ferlinum. Þarna myndaði
Eiður Smári frábært fram-
herjapar með Jimmy Floyd
Hasselbaink.
2002-2003
Leikir/mörk: 44/10
n Knattspyrnumaður ársins.
n Viðurkenndi að hann ætti við
spilafíkn að stríða og hefði tapað
háum fjárhæðum í spilavítum.
2003-2004
Leikir/mörk: 41/13
n Íþróttamaður ársins.
n Knattspyrnumaður ársins.
2004-2005
Leikir/mörk: 57/16
n Englandsmeistari og Deildar-
bikarmeistari.
n Íþróttamaður ársins.
n Knattspyrnumaður ársins.
n Sæmdur heiðursmerki hinnar
íslensku fálkaorðu fyrir afrek sín.
2005-2006
Leikir/mörk: 36/3
n Englandsmeistari.
n Knattspyrnumaður ársins.
Barcelona
2006-2007
Leikir/mörk: 41/11
n Seldur til Barcelona fyrir 10,5
milljónir punda og gerði fjögurra
ára samning. Klæddist treyju
númer 7.
2007-2008
Leikir/mörk: 37/3
n Knattspyrnumaður ársins.
2008-2009
Leikir/mörk: 34/4
n Vann sögufræga
þrennu með liðinu;
spænsku deildina,
spænsku bikarkeppnina
og Meistaradeildina.
n Knattspyrnumaður ársins.
Mónakó
2009-2010
Leikir/mörk: 11/0
n Seldur til Mónakó fyrir 1.8
milljónir punda. Gerði tveggja
ára samning en náði sér aldrei á
strik þar.
n Skoraði gegn Norðmönnum í
undankeppni HM á Laugardals-
velli í september. Það átti eftir
að verða síðasta landsliðsmarkið
– þar til Eiður Smári sneri aftur
og skoraði gegn Kasakstan á
dögunum.
Tottenham
Hotspur
2010
Leikir/mörk: 14/2
n Gekkst undir læknisskoðun hjá
West Ham en valdi að fara til Tot-
tenham á láni út tímabilið.
Stoke City
2010-2011
Leikir/mörk: 5/0
n Gerði eins árs samning við
Stoke en passaði ekki inn hjá
Tony Pulis.
Fulham
2011
Leikir/mörk: 10/0
n Gerði lánssamning út tíma-
bilið á síðasta degi félags-
skiptagluggans í janúar.
AEK Aþena
2011-2012
Leikir/mörk: 14/1
n Gerði tveggja ára samning og
sagðist vera kominn til að vinna
titla. Fótbrotnaði í leik gegn
Olympiakos í október og var frá
út tímabilið.
Cercle Brugge
2012-2013
Leikir/mörk: 14/7
n Flutti sig yfir til Belgíu og náði
sér aftur á strik eftir fótbrotið.
Gerði eins árs samning.
Club Brugge
2012-2013
Leikir/mörk: 18/3
n Flutti sig um set í Brugge
og gerði eins og hálfs árs
samning við erkifjendurna
eftir góða byrjun.
2013-2014
Leikir/mörk: 30/4
n Kláraði tímabilið og leitaði sér
í kjölfarið að nýju liði. Var til að
mynda orðaður við FCK.
Bolton Wanderers
2014-2015
Leikir/mörk: 20/6
n Gekk til liðs við sitt gamla félag
í desember.
n Skoraði í endurkomuleik sínum
með landsliðinu gegn Kasakstan.
n Varð þar með elsti Íslendingur-
inn til að skora mark í landsleik,
36 ára og 195 daga gamall. Sló 17
ára gamalt met föður síns, Arn-
órs Guðjohnsen, sem var 36 ára
og 74 daga gamall þegar hann
skoraði sitt síðasta landsliðsmark
árið 1998.
n Eiður varð fjórði elsti marka-
skorarinn í sögu undankeppni
EM á eftir Jari Litmanen, John
Aldridge og Krasimir Balakov.
n Mark Eiðs kom 6.913 dögum
eftir að hann lék sinn fyrsta
landsleik.
n Alls hefur Eiður Smári leikið
79 landsleiki og skorað í þeim
25 mörk.
20
15
20
10
20
0
5
www.sgs.is
300 þúsund króna
lágmarkslaun
– atkvæðagreiðsla um verkfall
hefst aftur mánudaginn 13. apríl
20 fótbolti Helgin 10.-12. apríl 2015