Frjáls verslun - 01.08.2011, Blaðsíða 66

66 FRJÁLS VERSLUN 8.- 9. TBL. 2011
Gylfi Sigfússon, forstjóri Eimskips:
tekur tíma að byggja upp traust
1. Hver verða forgangs verk ­
efni fyrirtækis þíns næstu
mánuði?
Áframhaldandi vinna við hag ­
ræðingu í rekstri, bæta enn
frekar þjónustu félagsins og
fylgja eftir útvíkkun félagsins
á siglingakerfinu á Norður­
Atlantshafi.
2. Hvernig metur þú endur ­
reisn atvinnulífsins eftir
hrun?
Það hefur gengið hægt að
end ur reisa fyrirtæki og gera
þeim kleift að komast úr þeim
öldudal sem þau rötuðu í. Það
er áhyggjuefni að við endur ­
skipu lagningu fyrirtækja sé
verið að sníða þeim of þröngan
stakk með mikilli áfram hald ­
andi skuldsetningu og þ.a.l.
hafa sala, fjárfesting og fram ­
kvæmdir ekki orðið eins miklar
og þær þurfa að vera.
3. Hversu mikið vantar upp á
að skuldavandi fyrirtækja sé
leystur?
Mörg af þeim fyrirtækjum
sem við erum í viðskiptum við
þurfa aukið lánsfjármagn til að
geta fjármagnað birgðahald en
þær lausnir hafa staðið á sér hjá
bönkunum og það er skylda
þeirra að aðstoða þau fyrirtæki
sem eiga sér rekstrargrundvöll.
4. Hvaða árangur ert þú
ánægðastur með hjá fyrir ­
tæki þínu á þessu ári?
Almennt hefur endurreisnin
og reksturinn gengið vel hjá
Eimskip. Í öllum mælingum
varðandi ánægju viðskiptavina
með þjónustu félagsins og
starfsmannaánægju höfum
við skorað hærra en áður hef ­
ur þekkst hjá fyrirtækinu.
Eimskip hefur komið víða við
í samfélagslegum verkefnum
og hjálpað til þar sem neyðin
er mest, auk þess að styðja við
íþrótta­ og æskulýðsstarf.
5. Finnst þér gæta tortryggni
í garð atvinnulífs og stór­
fyrir tækja eftir hrunið?
Að sjálfsögðu er það skiljanlegt
eftir hrunið og allt sem á und ­
an er gengið og því eðlilegt að
tortryggni gæti í garð atvinnu ­
lífsins. Eftir því sem tím inn líður
frá hruni hafa flest fyrirtækin
náð að byggja upp meira
traust en allt tekur þetta tíma
bæði fyrir ímynd fyrir tækja
og stjórnenda. Það er mjög
mikilvægt að stjórnendur séu
meðvitaðir um að þetta traust
þarf að ávinna sér og byggja
upp að nýju og það er í þeirra
höndum að snúa þessu við með
athöfnum sínum.
6. Hversu skaðleg eru gjald­
eyrishöftin að þínu mati?
Þau eru aðallega skaðleg hvað
varðar nýja fjárfestingu og allt
eðlilegt flæði gjaldeyris en öll
höft eru erfið atvinnulífi og
fjárfestingu.
7. Hvaða styrkleika sérð þú
í íslensku viðskiptalífi um
þessar mundir?
Ætli það sé ekki neyðin sem
kennir okkur að hugsa út
fyrir boxið og það hafa menn
svo sannarlega verið að gera
með frjóu hugmyndaflugi og
útsjónarsemi í frumgreinum
okkar, tæknigeiranum og
ferðaiðnaði. Lærdómurinn sem
við getum dregið af hruninu
er líka mjög dýrmætur en
aðeins ef við notum hann á
uppbyggilegan hátt.
Gylfi Sigfússon, forstjóri Eimskips.
„Það er áhyggjuefni að við endur-
skipulagningu fyrirtækja sé ver ið
að sníða þeim of þröngan stakk
með mikilli áframhaldandi skuld -
setningu.“