Frjáls verslun - 01.01.2005, Blaðsíða 58

58 F R J Á L S V E R S L U N • 1 . T B L . 2 0 0 5
S T J Ó R N U N – L E I Ð T O G A H L U R -
V E R K I Ð
„Eða eins og John C. Maxwell sagði eitt sinn um
leiðtogann. Hlutverk leiðtogans snýst um að hafa
áhrif. Það er ekkert meira eða minna.“
- Philip Sjögren, stjórnendaþjálfari Krauthammer í Svíþjóð.
„Við erum alltaf að leita leiða til hagræðingar í
rekstri og það kallar á aukið hlutverk leiðtogans.
Leiðtoginn er mikilvægur og hann dreifir valdinu.“
- Rannveig Rist, forstjóri Alcan á Íslandi.
þegar einstaklingur sannfærir hóp um að sækjast eftir markmiðum
leiðtogans eða sameiginlegum markmiðum leiðtogans og hópsins.
Það er alls ekki nóg fyrir stórt og framsækið fyrirtæki að hafa aðeins
einn stjórnanda. Það er hins vegar afar mikilvægt að stjórnandi fyrir-
tækis sé fyrirmynd starfsmanna þess. Fyrirtæki þarf að hafa fram-
tíðarsýn og stefna þangað. Starfsmenn þess verða að vera samstíga
og vinna sem liðsheild að settu marki og þar gagnast leiðtogar vel,“
sagði Ketill.
Hann sagði að það skipti ekki öllu máli hvað stjórnendur fyrir-
tækja segðu, heldur hvað þeir gerðu. Fyrirmyndirnar verða að vera
traustsins verðar. „Leiðtogar verða að fá viðbrögð, skammir eða hól.
Þögn er helsti óvinur leiðtogans. Ég vil að lokum hvetja öll fyrirtæki
til að rækta leiðtogahlutverkið vel þannig að leiðtogahugsunin verði
hjá sem flestum,“ sagði Ketill.
Rannveig Rist
Rannveig Rist, forstjóri Alcan á Íslandi, sagði í erindi sínu að
umræðan um stóriðjuna hafi oft á tíðum einkennst af fordómum og
þætti kannski ekki nýtískuleg í augum fólks. „Stóriðjan er þekkingar-
iðnaður þar sem hugvit og þekking hefur leyst handaflið af hólmi.
Stóriðjan býr yfir margbreytilegum störfum. Við erum í stöðugri
þróun,“ sagði hún. „Framleiðni álversins í Straumsvík hefur aukist
um 19% frá 1997 og hún gerði það ekki nema með tilkomu tækni
og verkþekkingar. Tölvan hefur tekið við af haka og skóflu, sem
aðalatvinnutæki verkamannsins. Við erum alltaf að leita leiða til
hagræðingar í rekstri og það kallar á aukið hlutverk leiðtogans hjá
fyrirtækinu,“ sagði Rannveig.
Hún sagði að auknar kröfur séu gerðar til starfsfólks í Straumsvík
og þá hefur fyrirtækið komið á fót stóriðjuskóla til að gefa starfsfólki
kost á aukinni menntun og fræðslu. Að loknu námi fái starfsmenn
aukna ábyrgð innan veggja fyrirtækisins og kauphækkun. „ Leiðtog-
inn er mikilvægur og hann dreifir valdinu. Við erum árlega að fagna
framleiðslumeti og valddreifingin innan fyrirtækisins á sinn þátt í
því,“ sagði Rannveig.
Philip Sjögren
Philip Sjögren, stjórnendaþjálfari Krauthammer í Svíþjóð, lagði mikla
áherslu á kúltúr í fyrirtækjum, þ.e. svonefnda fyrirtækjamenningu.
Stjórnunaraðferðir leiðtogans og kúltúrinn yrðu að liggja saman.
Mikilvægt væri að hafa samræmi í hlutunum. Allir starfmenn yrðu
að vera með það á hreinu hvað gildi væru í hávegum höfð, auk þess
sem þeir yrðu að vera meðvitaðir um þá hegðun sem krafist væri.
Hvað væri leyfilegt og hvað ekki. Hann nefndi nokkur fyrirtæki með
mjög ákveðinn kúltúr þar sem allir vissu nákvæmlega hvernig ætti
að gera hlutina. Þá vísaði hann í John C. Maxwell sem sagði eitt sinn:
„Leiðtogahlutverkið snýst um að hafa áhrif. Hvorki meira né minna.“
Þá vísaði hann í Albert Schweitzer sem sagði að góð fyrirmynd væri
ekki helsta leiðin til að hafa áhrif á aðra – hún væri eina leiðin.
Niðurstaða ráðstefnunnar hlýtur að vera sú að mjög mikilvægt
sé fyrir fyrirtæki að dreifa valdinu, nýta sér í auknum mæli leiðtoga-
hugsunina. Sannur leiðtogi hugsar meira um að heildin nái árangri
fremur en hann sjálfur. Þá þarf leiðtoginn að koma því til skila að
velgengni sé ekki sjálfsögð, leiðtogi þarf að gera kröfur en ekki
óraunhæfar kröfur.