Frjáls verslun - 01.01.2005, Qupperneq 86

86 F R J Á L S V E R S L U N • 1 . T B L . 2 0 0 5
RÁÐSTEFNUR OG FUNDIR
M iklu skiptir við ráðstefnu- og fundahald að gestum séu boðnar góðar veitingar
Að fólk geti slakað á milli erinda,
rabbað saman og bragðað á góðum
mat skiptir miklu máli svo fundastarf
verði sem árangursríkast. Þessi þýð-
ingarmikli þáttur í undirbúningi vegna
ráðstefnuhalds verður þó oft aftarlega
í röðinni og þá er gott að leita til víðþekktrar Veisluþjónustu Osta- og
smjörsölunnar. „Í dag notar fólk osta allt öðruvísi en áður. Ostur er
meira en bara álegg. Ef þú átt ost getur þú alltaf tekið á móti gestum.
Þú getur verið með glæsilegt boð þar sem osturinn er aðalalatriðið,
borinn fram með brauði, ávöxtum og grænmeti. Möguleikarnir eru
óendanlegir,“ segir Dómhildur A. Sigfúsdóttir sem veitir veisluþjón-
ustunni forstöðu.
Pinnamatur í tólf tegundum „Við bjóðum upp á pinnamat í einum
tólf tegundum,“ segir Dómhildur og nefnir í þessu sambandi osta-
pinna, skinkurúllur, fylltar döðlur, brauðrúllur, laxarúllur, partý-
pítsur, ólífukúlur, spínatskeljar, fylltar vatnsdeigsbollur, partýkollur
og hreindýrapate. „Einnig erum við með sætan pinnamat sem er
seldur frosinn. Litlar ostakökur í súkkulaðiskel eru bæði fallegar
og góðar. Síðan erum við með þrjár stærðir af ostabökkum. Á þeim
eru ostarnir ýmist heilir eða niðurskornir, kex og vínber, en engir
skreyttir pinnar.“
Ostur og smjör eru í öllum þeim veitingum
sem Veisluþjónustan býður. „Við bjóðum bæði
aðal- og ábætisrétti. Af ábætisréttum má nefna
tíramísú, sem framleiddur er í þremur stærðum.
Einnig getur fólk komið með sínar skálar og við
útbúum tíramísú í þær. Þá get ég nefnt sérbakaðar
ostatertur, sem eru mikið teknar í veislur. Þær eru oft sér-
skreyttar og slíkar tertur þriggja hæða eru teknar í brúðkaup og
í fermingar. Veitingastaðirnir taka mikið af ostakökum og -bökum
sem við bjóðum í úrvali,“ segir Dómhildur.
Skinkurúllur og fylltar döðlur Veisluþjónustan reiknar með að á
veisluborði, sem látið er standa uppi í tvær klukkustundir og ostur-
inn er aðalréttur, borinn fram með brauði, ávöxtum og grænmeti,
þurfi í hvern munn 200 til 250 grömm. Fólk getur kynnt sér það sem
í boði er á heimasíðunni www.ostur.is - og pantað svo, en Dóm-
hildur segir marga nýta sér þennan möguleika. Um helgar þurfa
pantanir að koma með minnst tveggja daga fyrirvara.
„Fólk þekkir vissulega hvað við bjóðum, en síðan höfum á undan-
förnu verið að koma með nýja rétti sem hafa fengið góðar viðtökur.
Sérskreyttu ostakökurnar okkar eru vinsælar, en upp úr standa
skinkurúllur og ferskar fylltar döðlur. Við komum fyrst með
þessa rétti og allar hinar veisluþjónusturnar fylgdu í kjölfarið.
Með því var tilgangi okkar náð, það er að auka sölu
og neyslu á osti.“
Kökur, bökur og bakkar Veisluþjónusta Osta-
og smjörsölunnar er staðsett í höfuðstöðvum
fyrirtækisins við Bitruháls. Fimm konur
starfa að jafnaði við þessa þjónustu – og fleiri
á álagstímum. „Pinnamatur og bakkar eru mikið
teknir fyrir brautskráningar skóla í maí, sem er einn annasamasti
mánuðurinn hjá okkur. Sumrin eru rólegri en þá koma kaffihúsin
mikið inn með kökur og bökur. Þá er einnig alltaf talsvert að gera
á útmánuðum, því í vöxt færist að bjóða gestum á fundum og ráð-
stefnum upp á ýmiss konar ostarétti,“ sagði Dómhildur að lokum.
Ostur er meira
en álegg
OSTA- OG SMJÖRSALAN
„Ef þú átt ost, getur þú alltaf tekið á móti gestum,“ segir
Dómhildur A. Sigfúsdóttir hjá Veisluþjónustu Osta- og
smjörsölunnar.
Ostaréttir eru vin sælir
og fjölbreytnin er
mikil. Pinnamatur á
ráðstefnur og osta-
kökur á kaffihús.
Hver býður betur?
V E I S L U Þ J Ó N U S T A
O S T A - O G S M J Ö R S Ö L U N N A R
W W W . O S T U R . I S • S Í M I 5 6 9 1 6 0 0
að er gaman að geta notið
veislunnar án þess að hafa áhyggjur
af nokkrum hlut. Þú hefur nægan
tíma til að búa þig, leggja á borð
og komast í veisluskap.
Þ
Reykjavíkurostakaka