Ægir - 01.01.2003, Blaðsíða 18
öryggismálanna, þar með taldar
æfingar, og þar geta skipin átt á
hættu að verða stöðvuð ef hlut-
irnir eru ekki í lagi. Það sama
teldi ég að þyrfti að taka upp hér-
lendis gagnvart fiskiskipum.
Þetta snýst fyrst og fremst um ör-
yggi áhafnar og skips.“
Smábátarnir og öryggismálin
Hvað smábátana varðar segir
Hilmar að lögskráningarskylda sé
ekki á bátum undir 12 metrum.
„Við höfum lögskráningarkerfi til
þess m.a. að fylgjast með atvinnu-
réttindum og öryggisfræðslu sjó-
manna og þá hvaða endurmennt-
un menn sæki sér á þessu sviði.
Þetta á sem sagt ekki við um
minnstu bátana, en ég tel þó að
flestir smábátasjómenn hafi sótt
sér grunnþekkingu sem nauðsyn-
leg er í öryggismálum. Það er
fyllileg þörf fyrir þá að sækja sér
endurmenntun en til dæmis er
nauðsynlegt fyrir smábátasjó-
menn að hafa yfir að ráða víðtækri
þekkingu í björgunarmálum og
hvernig bregðast eigi við ef eldur
kemur upp. Á hverju ári verður
fjöldi smábáta eldi að bráð, sem
er algjörlega óviðunandi,“ segir
Hilmar.
Notkun öryggishjálma
er lykilatriði
Flest slys til sjós verða vegna
mannlegra mistaka. Þetta er
gömul saga og ný. „Menn eru þá
að gera hluti sem þeir eiga ekki
að gera eða gera ekki hluti sem
þeir eiga að gera. Stóri draumur-
inn minn er að ekkert slys verði
til sjós. Út frá þessu markmiði er
unnið í fluginu og mér finnst að
það sama eigi að gilda um sjó-
sókn. Það er að mínu viti óásætt-
anlegt að samskonar slys skuli
endurtaka sig aftur og aftur, jafn-
vel á sömu skipunum. Það segir
okkur að menn bregðast ekki
nægilega vel við þeim slysagildr-
um sem upp koma. Algengustu
slys um borð í fiskiskipum í dag
eru þegar menn hrasa til í bleytu
og hálku eða falla um einhverja
hluti. Sem betur fer eru menn
meðvitaðir um hættuna á höfuð-
meiðslum og því er notkun
hjálma orðin nokkuð algeng.
Hjálmanotkun er lykilatriði og
hún gildir jafnt um undir- sem
yfirmenn. Þegar yfirmennirnir
fara út á dekk eiga þeir auðvitað
líka að vera með hjálma, en því
miður er allur gangur á því. Ör-
yggisreglur gilda um alla um
borð í skipunum, það er vert að
undirstrika. Það er til dæmis ekki
nóg fyrir vélstjóra að koma upp á
dekk með heyrnarhlífar á eyrun-
um, þar verða þeir líka að hafa ör-
yggishjálma,“ segir Hilmar
Snorrason.Sjómennirnir í viðbragðsstöðu að fara upp í þyrluna.
Þyrla Landhelgisgæslunnar tekur jafnan virkan þátt í björgunaræfingum Slysavarnaskóla sjómanna.