Ægir - 01.01.2003, Blaðsíða 24

24
F I S K A R
Pálsfiskur, Zenopsis conchifer
Seint í apríl veiddist fiskur þessarar tegundar í fyrsta skipti á
Íslandsmiðum. Hann fékkst á Sandvík norðan Reykjaness í
dragnót Reykjaborgar RE. Hann mældist 24,5 cm.
Þessi tegund hefur áður fundist næst Íslandi undan Norð-
vestur-Írlandi og þaðan suður til Biskajaflóa og áfram til Suður-
Afríku. Einnig lifir pálsfiskur í Norðvestur-Atlantshafi undan
ströndum BNA, í Suðvestur-Atlantshafi við Argentínu og Úr-
úgvæ. Þá er hann í Indlandshafi.
Einar Jónsson, fiskifræðingur gaf tegundinni íslenska nafnið
þegar hann frétti að til væri pétursfiskur sömu ættar úti í hinum
stóra heimi.
Stóra sænál, Entelurus aequoraeus
Í nóvember veiddist ein í net í Rennunum í Faxaflóa og önn-
ur veiddist einnig í nóvember út af Garðskaga. Hún mældist
um 20 cm og náðist lifandi og var sett í búr til sýnis almenningi
í Sædýrasafninu í Sandgerði. Þá fyrri veiddi Ársæll Sigurðsson
HF en þá seinni Hólmsteinn GK.
Karfalingur, Ectreposebastes imus
Vísindanafn karfalings hefur verið hjá okkur undanfarið Set-
arches guenteri en komið hefur í ljós að sú tegund mun ekki
hafa fundist hér heldur þessi.
Alls bárust okkur fimm fiskar þessarar tegundar til rann-
sókna á Hafrannsóknastofnun. Einn 27 cm langur og um leið
sá lengsti sem veiðst hefur á Íslandsmiðum hingað til fékkst í
botnvörpu á 732-824 m dýpi á grálúðuslóð vestan Víkuráls í
byrjun mars. Veiðiskip Mánaberg ÓF. Annar veiddist í botn-
vörpu Barða NK á 660 m dýpi í Skerjadjúpi (62°51´N,
24°05´V). Sá þriðji veiddist í apríl/maí í flotvörpu Höfrungs III
AK á 677-750 m dýpi suðvestur af Reykjanesi (61°51´N,
29°16´V). Hann mældist 12 cm að sporði, kynþroska hængur,
fjögurra ára gamall. Fjórði veiddist um miðjan maí í flotvörpu
Snorra Sturlusonar VE á 732 m dýpi suðvestan Reykjaness
(62°28´N, 26°55´V). Hann var 20,5 cm langur. Loks fékkst sá
fimmti, kynþroska hængur, 24 cm langur, í júní í flotvörpu á
677-842 metra dýpi á Reykjaneshrygg (61°32´N, 27°31´V).
Veiðiskip Arnar HF.
Urrari, Eutrigla gurnardus
Tveir veiddust seint í september og var annar 40 cm langur
og fékkst í dragnót á 37 m dýpi á Skarðsvík við Snæfellsnes
(64°53´5N, 24°02´V). Veiðiskip Þorsteinn SH. Hinn veiddist á
Breiðafirði (65°14´N, 23°33´V) á 57 m dýpi í dragnót og
mældist 31 cm. Þá veiddist einn 29 cm sennilega í október en
hann barst okkur frá Akranesi án frekari upplýsinga.
Stóri sogfiskur, Liparis liparis
Í leiðangri á rs. Árna Friðrikssyni í mars veiddust 11 sogfisk-
ar (5 hængar og 6 hrygnur) 48-70 mm langir í botnvörpu á 70-
78 m dýpi í mynni Ísafjarðardjúps (66°31´N, 23°19´V) og í
október veiddist einn 3,5 cm langur í hörpudisksplóg á 49-29
m dýpi í Breiðafirði (65°19´3N, 22°46´8V).
Blákarpi, Polyprion americanus
Einn 60 cm langur og 4 kg á þyngd veiddist í september.
Veiðiskip Sturlaugur Böðvarsson AK. Annar 51 cm og 2,5 kg á
þýngd veiddist á línu Mumma GK í október undan Suður-
ströndinni.
Silfurbrami, Pterycombus brama
Í maí veiddist einn 44 cm langur í kolmunnavörpu Ásgríms
Halldórssonar SF á Ísland-Færeyjahryggnum vestan Rósagarðs
(63°55´N, 12°32´V).
Ennisfiskur, Platyberyx opalescens
Í apríl veiddust þrír, 18, 24 og 26 cm langir á 677-732 m
dýpi á Reykjaneshrygg (61°45´N, 27°30´V) og í lok júlí veidd-
ist einn 20 cm langur á 1060 m dýpi á grálúðuslóð vestan Vík-
uráls (65°34´N, 28°24´V). Veiðiskip Snorri Sturluson VE. Loks
veiddist einn 23 cm langur í júlíbyrjun utan 200 sjómílna lög-
sögunnar suðvestur af Reykjanesi. Veiðiskip Sléttbakur EA.
Kambhríslungur, Chirolophis ascanii
Einn 12 cm langur veiddist á 128-139 m dýpi í Víkuráls-
botni (65°53´N, 25°29´V) í togararalli í mars.
Svarthveðnir, Centrolophus niger
Í byrjun september veiddist einn 39 cm langur í kolmunna-
vörpu Ásgríms Halldórssonar SF á Íslands-Færeyjahrygg
(63°22´N, 12°45´V).
Bretahveðnir, Schedophilus medusophagus
Í mars veiddist einn 55 cm langur og 1,1 kg á þyngd í botn-
vörpu í Skerjadjúpi. Veiðiskip Sturla GK.
Í maí veiddust tveir, 40,5 og 47,5 cm langir í flotvörpu á 732
m dýpi suðvestan Reykjaness (62°28´N, 26°55´V). Veiðiskip
Snorri Sturluson VE. Einnig í maí veiddi Sléttbakur EA einn 51
cm , 1,2 kg í flotvörpu á 850 m dýpi suðvestan Reykjaness
(61°30´N, 28°54´V).
Sandhverfa, Psetta maxima
Ein veiddist í byrjun september á 67-77 m dýpi út af Kóp
(65°55´N, 24°28´V). Þetta var 66 cm kynþroska hrygna. Í
byrjun október veiddist önnur, 61 cm löng, í botnvörpu Ottós
N. Þorlákssonar RE á Reykjaneshrygg.
Flundra, Platichthys flesus
Alls fréttist af 16 flundrum sem veiddust árið 2002. Ellefu
þeirra veiddust í sjó og fimm í árvatni.
Sjóveiddu flundrurnar veiddust allar í dragnót Farsæls GK.
Sú fyrsta í byrjun febrúar á 15 m dýpi út af Selvogi (63°51´N,
21°47´V). Hún var 34,5 cm kynþroska hrygna og 6 ára gömul.
Önnur fékkst á 13 m dýpi á Hraunsvík við Grindavík
(63°50´N, 22°20´V) í maí. Þetta var 31 cm hængur, fjögurra
ára gamall og með laus svil. Á Herdísarvík (63°51´N, 21°47´V)
á 14 m dýpi veiddist einnig í maí 32 cm flundruhængur, 4 ára
gamall. Þá veiddust á 4 m dýpi á Herdísarvík (63°51´N,
21°45´V) átta flundrur.
Þær flundrur sem veiddust í árvatni veiddust allar í Ölfusá.
Fjórar þeirra veiddust í gildru um einn km ofan við Óseyrarbrú.
Sú fyrsta um miðjan júlí, önnur skömmu síðar. Hún var um 20
cm löng. Sú þriðja sem var 13 cm veiddist í byrjun ágúst og sú
fjórða, 34,5 cm veiddist um miðjan ágúst. Auk þess veiddist ein
í júlí í net fyrir landi Ósgerðis. Hún var 27 cm.
Fiskar úr leiðöngrum rannsóknaskipa
Í haustralli dagana 6. október til 4. nóvember á rs. Árna Frið-
rikssyni (Leiðangur A9-2002) veiddust allmargar athyglisverðar
tegundir. Þar á meðal voru:
Sæsteinsuga, Petromyzon marinus, stöð 318, grálúðuslóð
vestan Víkuráls (65°29´N, 28°41´V), 1153 m dýpi, eitt stk. og
stöð 363, utanverður Berufjarðaráll (63°48´N, 13°10´V), 788-
836 m dýpi, eitt stk.
Digurnefur, Hydrolagus mirabilis, st. 270, suðvestur af
Reykjanesi (63°28´N, 26°17´V), 847-885 m, 88 cm og st. 473,
utanvert Háfadjúp (63°13´N, 19°54´V), 630-670 m, 3 stk.
Pálsfiskur, Zenopsis conchifer. Ný tegund á Íslandsmiðum veiddist í apríl
2002 við Reykjanes.