Ægir - 01.04.2003, Blaðsíða 16

16
þinginu. Þetta var vissulega löng barátta sem skilaði
loks árangri. Fyrir það er ég þakklátur,” segir Ingi
Björn sem fór fyrst inn á þing fyrir Borgaraflokkinn.
Faðir hans, Albert heitinn Guðmundsson, stofnaði
þann flokk á sínum tíma eftir að leiðir hans og Sjálf-
stæðisflokksins skildu. Ingi Björn hafði hreint ekki
ætlað sér að skella sér í hinn pólitíska slag, en mál
æxluðust þó á þann veg. Erfiðlega gekk að finna
kandídat í efsta sæti Borgaraflokksins í Vesturlands-
kjördæmi og úr varð að Ingi Björn tók það sæti og
var nokkrum vikum síðar kominn inn á þing. „Þing-
sætið kom mér mjög á óvart, ég verð að viðurkenna
að ég hafði vart leitt hugann að þeim möguleika,”
segir Ingi Björn og rifjar upp að í kjölfarið hafi hann
einbeitt sér að því að setja sig inn í hina ýmsu mála-
flokka, m.a. landbúnaðarmálin, enda er Vesturland
mikið landbúnaðarhérað.
Síðar átti þingflokkur Borgaraflokksins eftir að
klofna og stofnuðu þeir Ingi Björn og Hreggviður
Jónsson Frjálslynda hægriflokkinn. Næsta kjörtíma-
bil sat Ingi Björn hins vegar á þingi sem þingmaður
Reykvíkinga fyrir Sjálfstæðisflokkinn.
„Satt best að segja hafði ég aldrei áhuga á pólitík
og ég vil orða það svo að ég hafi slysast inn á þing. Í
ræðustól hafði ég aldrei komið og pólitíska frétt í
blöðunum las ég ekki fyrr en ég var orðinn þingmað-
ur. Sennilega hef ég fengið móteitur gegn pólitík í
æsku. En eftir að ég var kominn inn á þing hellti ég
mér af fullum krafti í slaginn og í kjölfarið kviknaði
áhuginn á pólitísku starfi. Strax þetta fyrsta sumar
þvældist ég um allt kjördæmið og reyndi eftir mætti
að setja mig inn í öll mál. Það tók vissulega tíma að
komast inn í starfið og losna við sviðsskrekkinn. En
eftir á að hyggja líkaði mér þetta starf ágætlega og
það er vissulega gríðarlega góð reynsla að hafa setið í
átta ár á Alþingi,” segir Ingi Björn.
Er og verð Valsari
Undanfarin ár hefur Ingi Björn Albertsson átt og
rekið veitingastaðinn Si Senor í Lækjargötu í Reykja-
vík. „Það má segja að ég reyni að gera allt hér nema
elda. Þér er því alveg óhætt að koma í heimsókn
hingað, það er engin hætta á öðru en þú fáir hér
skínandi góðan mat,” segir Ingi Björn og hlær.
Fótboltann segist Ingi Björn hafa lagt á hilluna.
Til fjölda ára spilaði hann sem kunnugt er með Val
og síðan kom hann víða við í þjálfun. „Núna er ég
bara á hliðarlínunni og fylgist með börnum mínum
og barnabörnum. Elsti strákurinn minn er í Val, sá í
miðið í Víkingi Ólafsvík og yngsti í Fylki. Og afa-
strákurinn er síðan í KR! En sjálfur er og verð ég
Valsari, því verður aldrei breytt. Ég var í fótboltan-
um meira og minna í fjörutíu ár og ég held að það sé
alveg nóg. Lappirnar mínar eru ónýtar eftir fótbolt-
Ingi Björn Albertsson
er nú veitingamaður
á Si Senor í miðborg
Reykjavíkur. Hann
segir átta ára
þingsetu hafa verið
góða reynslu, en hins
vegar sakni hann ekki
þingmennskunnar.
Myndir: Sverrir Jónsson.