Ægir - 01.04.2003, Side 27

27
B RY G G J U S P J A L L
að rétt væri að flytja sjómannadaginn, ef til vill væri
best að finna honum stað öðru hvoru megin við versl-
unarmannahelgina. Meðal annars hefur verið vísað til
þess að tímasetning sjómannadagsins fyrstu helgina í
júní hafi tekið mið af vertíðarlokum bátaflotans hér á
árum áður, en nú sé öldin önnur og allt annað mynst-
ur í veiðiskap báta og togskipa. Til dæmis séu út-
hafskarfaveiðar í fullum gangi einmitt á þessum tíma
árs og óhentugt geti verið og dýrt fyrir útgerðina að
kalla flotann í land vegna sjómannadagsins. Sævar
segist hafa heyrt umræðu á þessum nótum, en hins
vegar sé hann ekki sammála því að flytja sjómanna-
daginn. „Í mínum huga er ekki inni í myndinni að
flytja sjómannadaginn. Ég veit af mönnum sem eru
hlynntir því að færa sjómannadaginn til á almanaks-
árinu, en ég þekki líka menn sem eru á allt annarri
skoðun. Sumir frystitogaramenn hafa sagt mér að það
komi sér mjög vel að fá þetta frí á þessum tíma árs.
Ég heyri líka á eldri sjómönnum að þeir líti á það
sem hluta af vorkomunni að halda sjómannadaginn í
byrjun júní. Það eru vissulega ýmsar hliðar á þessu
máli, en ég tel að þegar á allt er litið séu plúsarnir
fleiri en mínusarnir við að hafa sjómannadaginn á
þessum tíma árs og því tel ég ekki ástæðu til breyt-
inga.”
Á undanförnum árum hefur eitthvað verið um að
skip væru úti á sjómannadaginn og viðkomandi út-
gerðir þannig kosið að greiða sekt fyrir að halda skip-
unum úti þrátt fyrir að lögbundið sé að þau séu í
höfn á sjómannadaginn. Sævar segist ekki óttast að
þetta eigi eftir að aukast á næstu árum.
Þokkaleg staða sjómanna
Formaður Sjómannasambandsins segist almennt
telja að staða sjómanna sé þokkalega góð nú um
stundir. „Það verður þó ekki horft framhjá því að sjó-
menn á vinnsluskipunum eru öðrum fremur að taka á
sig sterka stöðu gengisins og af þeim sökum hafa
laun þeirra lækkað um 10-12% frá því á sama tíma í
fyrra. En burtséð frá þessu finnst mér hljóðið í sjó-
mönnum vera ágætt um þessar mundir. Menn eru
nokkuð bjartsýnir á stöðu fiskistofnanna, enda virðist
vera mjög hagstætt árferði til sjávarins. Sem dæmi
segja línusjómenn mér að þeir séu að fá 30-40 kíló-
um meira af þorski á bala í vetur en í fyrra. Ýsan er
örugglega í vexti og svo virðist sem bæði karfi og
kolmunni séu í góðu lagi. Loðnan er sú tegund sem
maður hefur hvað mestar áhyggjur af. Það virðast
vera blikur á lofti með loðnuna, en á hitt ber að líta
að vegna þess hve hlýr sjórinn við landið er um þessar
mundir er líklegt að loðnan hegði sér öðruvísi en
venjulega.”
Mikilvægt að ná sátt
Umræða um fiskveiðistjórnunarkerfið var mjög
áberandi fyrir þingkosningarnar 10. maí sl. Sævar
segir að eins og við hafi mátt búast hafi sú umræða
farið út um víðan völl. „Stjórnmálamennirnir þurfa
að taka afstöðu til þeirra tillagna sem sjómenn og út-
vegsmenn lögðu fram í fyrra. Þá var þessum tillögum
hafnað illu heilli, en ég heyrði núna fyrir kosningarn-
ar að fulltrúar stjórnarflokkanna voru farnir að tala í
anda þeirra. Ég bind því vonir við að ákveðnar breyt-
ingar verði gerðar á næstunni þannig að sæmilega
góð sátt verði um kerfið. Ég tel til dæmis skynsam-
legt að auka veiðiskylduna og taka á leiguframsalinu.
Eitt af stóru verkefnunum er að minnka flotann. Það
var tilgangur laganna, en hefur ekki gengið eftir.”
Erilsamt starf
Sævar segir ekki hægt að neita því að starf for-
manns Sjómannasambandsins sé erilsamt. „Já, vissu-
lega er þetta erilsamt starf. Tæplega helmingur
starfsins er utan skrifstofu, ef svo má segja. Í því fel-
ast m.a. gríðarlega miklar fundasetur í hinum og
þessum opinberum nefndum sem Sjómannasamband-
ið á fulltrúa í. Þarna er um að ræða til dæmis slysa-
varnamál, fiskveiðistjórnunarmál, réttindamál og
menntamál. Sumar vikurnar geri maður vart neitt
annað en að sinna þessum nefndarstörfum. Ég get
nefnt að í dag fékk ég tvö skipunarbréf í slíkar nefnd-
ir, annars vegar um möskvastærð í þorskanetum og
hrygningartímabil og hins vegar um slysavarnamál
sjómanna.”
Sævar segist kunna því mjög vel að sinna erindum
sjómanna á skrifstofunni. „Því miður hefur lengst að-
eins á milli mín og minna umbjóðenda vegna þessar-
ar miklu vinnu í opinberum nefndum. En ég reyni að
sinna eins mörgum erindum og kostur er. Flest erindi
sjómanna sem koma inn á mitt borð tengjast slysum
og réttindamálum sjómanna í sambandi við þau,”
segir Sævar Gunnarsson.