Ægir - 01.09.2003, Blaðsíða 18

E Y J A F J Ö R Ð U R
18
Tónlistin er greinilega í háveg-
um höfð á Kleifaberginu, en eng-
inn leggur þó eins mikla alúð við
hana og stýrimaðurinn Björn Val-
ur Gíslason, sem semur flest laga
og texta Roðlaust og beinlaust.
Hann er auðvitað með kassagítar-
inn með sér úti á sjó og notar
þann tíma sem gefst til þess að
festa melódíur á blað.
Á svipuðum slóðum og áður
„Þessi nýi diskur er svona rökrétt
framhald af fyrri diskinum okk-
ar,“ segir Björn Valur í samtali
við Ægi. „Við erum á svipuðum
slóðum og áður,“ bætir hann við
en vill ekki gefa alltof mikið upp
um efni disksins að svo komnu
máli.
Ágætur tími gafst í september
til þess að taka upp nýja diskinn á
meðan Kleifabergið var í slipp á
Akureyri. Og félagarnir í Roð-
lausu og beinlausu gerðu meira.
Þeir tóku sig til og unnu mynd-
band við jólalagið „Í friði og ró“.
Myndbandið var tekið upp um
borð í trillunni Torfa ÓF og voru
hljómsveitarmeðlimir allir klædd-
ir jólasveinabúningum. Vakti
þetta uppátæki að vonum mikla
athygli, enda ekki á hverjum degi
sem jólasveinar einn og átta
stefna á haf út í september.
Um sölu og dreifingu á fyrsta
geisladiski Roðlaust og beinlaust
önnuðust björgunarsveitir um allt
land. Bróðurpartur ágóða af disk-
inum rann til björgunarsveitanna.
Björn Valur segist fastlega reikna
með að sama fyrirkomulag verði
með sölu og dreifingu á nýja
diskinum. „Okkur þykir gott ef
við getum með þessum hætti
stutt við björgunarsveitirnar. Við
erum ekki að þessu til þess að
græða á því, síður en svo. Okkar
markmið er að eignast aldrei pen-
ing,“ segir Björn Valur.
Þetta er gaman!
„Við erum að brölta í þessu vegna
þess að okkur finnst þetta gaman.
Svona tómstundagaman áhafnar-
meðlima utan vinnunnar þjappar
hópnum saman og það er mjög
jákvætt. Auk tónlistarinnar ger-
um við ýmislegt skemmtilegt
saman, t.d. efnum við til golf-
móts, við höldum þorrablót og
ýmislegt fleira. Um borð eru
nokkrir mjög vel liðtækir
kylfingar sem keppa á golfmót-
um. Til þess að þeir geti haldið
sér í þjálfun úti á sjó hafa þeir
sett upp á æfingaaðstöðu upp á
brú skipsins þar sem þeir geta
slegið. Þegar við vorum á karfan-
um í vor lönduðum við fyrir
sunnan og á meðan á löndunum
stóð skruppu golfararnir okkar á
völlinn. Það er liðin tíð að menn
fari á krána í landlegum, nú er
farið á völlinn,“ segir Björn Valur
og hlær.
Aflaverðmætið um 4,5 millj-
arðar króna
Kleifabergið hefur jafnan verið
eitt af aflahæstu skipum landsins.
Björn Valur segir að skipið hafi
reynst mjög vel og áhöfnin sé
framúrskarandi góð. Á heimasíðu
Björns Vals - www.bvg.is - eru
birtar skemmtilegar upplýsingar
um sjómennskuna og hvernig
gengur í hverjum túr. Á síðunni
kemur fram að á þeim sex árum
sem Kleifabergið hefur verið gert
út frá Ólafsfirði hafi það veitt um
34 þúsund tonn, þar af á þrett-
ánda þúsund tonn af þorski. Afla-
verðmætið á núvirði eru röskir
4,5 milljarðar króna. Að meðal-
tali hefur skipið aflað á þessum
sex árum fyrir um 750 milljónir
króna á ári.
JÓLASVEINAR
á Kleifaberginu
- ný plata með Roðlausu og beinlausu
væntanleg á markaðinn
Stýrimaðurinn og
tónlistarsprautan
Björn Valur fær sér
kríublund í brúnni.
Kleifabergsmenn á fullu í áhugamálinu - tónlistarsköpun. Nýjasta
afurða Roðlaust og beinlaust er væntanleg á markaðinn innan tíð-
ar.
Sjómennirnir á Kleifaberginu í Ólafsfirði, sem kalla sig Roðlaust
og beinlaust, láta ekki deigan síga. Fyrir tveimur árum fóru þeir í
hljóðverið og festu á geisladisk nokkur ágætis lög. Í fyrra sendu
þeir síðan frá sér jólalag sem vakti mikla athygli - Í friði og ró - og
nú eru þeir aftur komnir á kreik með nýjan disk sem væntanlegur
er á markaðinn á næstunni.