Ægir - 01.09.2003, Blaðsíða 34
34
E N D U R B Æ T T S K I P
„Mér líst vel á þetta. Það má
segja að þetta sé nýtt skip,”
segir Sigurður Kristjónsson,
útgerðarmaður neta- og snur-
voðarbátsins Magnúsar SH-
205, sem kom til heimahafnar
á Hellissandi 9. október sl. eft-
ir gagngerar endurbætur hjá
Þorgeiri & Ellert hf. á Akra-
nesi. Magnús SH er 142
brúttólestir að stærð.
Ekki er ofsögum sagt að Magn-
ús SH-205 sé eins og nýr eftir
þessar breytingar, enda ekki
margir þumlungarnir í skipinu
sem ekki voru „teknir í nefið”.
Útgerð Magnúsar, Skarðsvík ehf.
á Hellissandi, sem er í eigu þeirra
feðga Sigurðar Kristjónssonar og
Sigurðar V. Sigurðssonar, keypti
þetta skip á Patreksfirði, en áður
hét það Sigurvon BA 55.
Það má í raun segja að skipið sé
aftur komið heim því árið 1974
var það smíðað í Slippstöðinni á
Akureyri fyrir Ólafsvíkinga og
bar þá nafnið Garðar II SH. Áður
hafði skipið borið nöfnin Eyja-
berg VE, Garðar II SF og Sigur-
von RE.
„Alveg með ólíkindum”
Endurbætur á Magnúsi SH hófust
6. mars sl. og því tóku þær í það
heila um sjö mánuði. „Blessaður
vertu, skipið var allt tekið í gegn
og það má segja að það sé óþekkj-
anlegt frá því sem það var. Þor-
geir & Ellert hafa séð um þessar
breytingar og það er mjög góð
vinna á þessu öllu,” segir Sigurð-
ur Kristjónsson.
Gamli Magnús SH, sem er 116
brúttólestir að stærð, er nú til
sölu án aflaheimilda. Aflaheim-
ildirnar af honum, á milli 6 og
700 tonn, hafa verið færðar yfir á
nýja skipið, þar af eru 4-500 tonn
af þorski.
„Til að byrja með förum við á
net. Við seljum aflann á mörkuð-
um,” segir Sigurður, sem er fjarri
því að vera ánægður með hvernig
þrengt hafi verið að útgerðum
netabáta á undanförnum árum.
„Við höfum verið markvisst
skornir niður ár frá ári. Það er al-
veg með ólíkindum að stjórn-
málamenn skuli hafa látið hafa
sig út í þetta kjaftæði. Það er ein-
faldlega enginn kraftur í útgerð
þessara báta lengur vegna þess að
það er búið að taka allan kvóta af
okkur. Ég fullyrði að það hafa
engir farið jafn illa út úr þessu
kerfi og bátar af þessari stærð.
Þessir bátar hafa enga aðra mögu-
leika en veiða úthlutaðan kvóta,
en margir stærri togarar hafa
þann möguleika að sækja í úthaf-
ið, t.d. í Barentshaf eða í út-
hafskarfann. Og trillurnar fara
endalaust fram úr heimildum og
komast upp með það. Það er al-
veg með ólíkindum. Kannski er
vandamálið það að við höfum
enga til þess að tala okkar máli,”
segir Sigurður, sem er sjálfur
hættur að róa. „Já, ég er kominn í
land. Ég er í því að borga reikn-
ingana og annað sem þarf að gera
í landi,” segir hann.
Skipstjóri á Magnúsi SH-205
er Sigurður V. Sigurðsson en Atli
Már Gunnarsson er yfirvélstjóri.
Magnús SH-205
Að útgerð Magnúsar SH, sem heitir Skarðsvík ehf., standa
feðgarnir Sigurður Kristjónsson og Sigurður V. Sigurðsson.
Myndir: Alfons Finnsson
Magnús SH-205 hét áður Sigurvon BA-55. Þessi mynd var tekin fyrir breytingarnar og eins og sjá má er skipið
gjörbreytt.