Ægir - 01.09.2003, Blaðsíða 28

28
H R E F N U V E I Ð A R
Gísli Víkingsson, verkefna-
stjóri hjá Hafrannsóknastofn-
uninni, segist vera ágætlega
sáttur við hvernig til tókst með
hrefnuveiðarnar á sl. sumri.
Framundan sé mikil vinna við
að vinna úr þeim rannsóknum
sem voru gerðar á dýrunum og
hann reiknar með að niðurstöð-
ur þeirra verði lagðar fyrir árs-
fund Alþjóðahvalveiðiráðsins í
júní á næsta ári.
Til stóð að veiða 38 dýr, en inn-
an þess tímaramma sem hafði ver-
ið ákveðinn tókst ekki að veiða
nema 36 hrefnur. „Það vantaði
tvö dýr upp á töluna, sem helgað-
ist af því að ekki fékkst hrefna á
einu veiðisvæðinu sem við höfð-
um fyrirfram skilgreint. Ég hygg
að ef þessir þrír bátar hefðu feng-
ið frjálsar hendur með veiði á dýr-
unum hefði kvótinn verði veiddur
á hálfum mánuði. Veiðunum var
hins vegar stjórnað mjög ná-
kvæmlega eftir svæðum, þannig
að við gætum m.a. gert okkur
grein fyrir útbreiðslunni,“ segir
Gísli.
Minni umræða
en búast mátti við
Gísli segir að fyrirfram hafi menn
búist við mikilli umræðu um vís-
indaveiðarnar og þær hafi vissu-
lega verið miklar til að byrja með.
Síðan hafi þær smám saman fjarað
út og þegar á heildina er litið
megi segja að þær hafi ekki verið
eins áberandi og búast hefði mátt
við. „Ég hef sáralítil viðbrögð
fengið erlendis frá og það er í
samræmi við þá sögu sem starfs-
menn sendiráða Íslands erlendis
hafa að segja.“
Gísli segir viðamikið verkefni
að vinna úr fyrirliggjandi gögn-
um. „Það er að sjálfsögðu mjög
mikið verk. Úrvinnsla gagna mun
fara fram bæði hér á landi og er-
lendis,“ segir hann. Yfirlýst
markmið með vísindaveiðunum
er að afla vitneskju um fæðuvist-
fræði hrefnunnar við Ísland. Þá
verður orkubúskapurinn rannsak-
aður, metnar árstíðabundnar
breytingar á fjölda, útbreiðsla
hrefnunnar og fæðuþörf, könnuð
sníkjudýr og sjúkdómar í hrefnu-
stofninum og kannað magn líf-
rænna og ólífrænna mengunar-
efna í hrefnunni.
Minna kvikasilfur en í norsk-
um hrefnum
„Það er rétt að kvikasilfursmagn-
ið í kjöti af hrefnunum sem
veiddar voru í sumar er töluvert
lægra en hefur mælst í hrefnum
sem veiddust við Noreg. Til þess
að mæla kvikasilfrið tókum við
sýni úr sex dýrum og völdum þar
sex tarfa. Við töldum að ef þessi
stóru dýr væru ekki yfir mörkum,
þá væru gildin enn lægri í minni
dýrunum. Rétt er að hafa í huga
að Norðmenn eru að veiða hrefn-
ur á mjög stóru hafsvæði, allt frá
Norðursjó og upp í Barentshaf og
það er vitað að á öllu þessu svæði
er sjórinn misjafnlega mikið
mengaður. Við munum skoða
þessar niðurstöður betur, en reyn-
ist það tilfellið að marktækur
munur sé á kvikasilfursmagni í
kjöti sem við erum að veiða hér
við Ísland og Norðmenn veiða, þá
eru það athyglisverðar niðurstöð-
ur. Það kann að staðfesta það, sem
við höfum talið, að um sé að ræða
tvo aðskilda stofna og ekki sé
erfðafræðileg blöndun á milli
þeirra,“ segir Gísli.
Stefnt að því að hefja veiðar
í apríl eða maí
Gísli segir að sjávarútvegsráðu-
neytið taki formlega ákvörðun
um framhald vísindaáætlunarinn-
ar. Hann segist fastlega gera ráð
fyrir að strax næsta vor verði vís-
indaveiðunum haldið áfram. „Í
upphaflegri áætlun var gert ráð
fyrir að veidd yrðu 200 dýr á
tveimur árum, 100 hvort ár. Í
þeirri áætlun var miðað við að
hefja veiðar fyrsta júlí. Við hófum
hins vegar veiðar um miðjan
ágúst í sumar og höfum því ein-
ungis fengið haustsýni, sem er
ekki nægilegt í fullburða rann-
sókn. Samkvæmt okkar áætlun-
um munum við byrja næsta vor, í
apríl eða maí, og veiða eitthvað
fram á sumarið,“ segir Gísli og
býst við því að í júní verði lögð
fram skýrsla á aðalfundi Alþjóða-
hvalveiðiráðsins á Ítalíu um stöðu
vísindaveiðanna og frumniður-
stöður einhverra þátta rannsókn-
anna.
Unnið í vetur úr rannsóknasýnum vegna vísindaveiða á hrefnu:
Úrvinnsla hér á landi
og erlendis
Myndir: Hafrannsóknastofnunin Vísindaveiðar sumarið 2003.