Ægir - 01.01.2004, Blaðsíða 20
20
F Y R I RT Æ K J A K Y N N I N G
Þessi breyting á eignarhaldi
fyrirtækisins var gerð í kjölfar
þess að Bergsteinn Gunnarsson,
framkvæmdastjóri og aðaleigandi
Verkfræðistofunnar Fengs, var
ráðinn framkvæmdastjóri hins
nýstofnaða rækjufyrirtækis Íshafs
hf á Húsavík og fluttist til Húsa-
víkur.
Bæði Verkfræðistofan Fengur
ehf. og Navis ehf. hafa til þessa
starfað á sama markaði sem óháð-
ar ráðgjafastofur á sviði skipa-
hönnunar, vélahönnunar og eftir-
lits. Fimm starfsmenn starfa nú
hjá Navis-Feng ehf.: Hjörtur Em-
ilsson, skipatæknifræðingur,
framkvæmdastjóri, Frímann
Sturluson, skipasmiður og skipa-
tæknifræðingur, G. Herbert
Bjarnason, vélstjóri og skipa-
tæknifræðingur, Agnar Erlings-
son, skipaverkfræðingur, og Einar
A. Kristinsson, véltæknifræðing-
ur.
Hjörtur, Herbert og Frímann
störfuðu um árabil hjá Skipa-
tækni ehf., en þeir stofnuðu Nav-
is snemma á síðasta ári ásamt
Agnari Erlingssyni, sem er fyrr-
verandi framkvæmdastjóri Det
Norske Veritas á Íslandi. Einar A.
Kristinsson starfaði áður hjá
Verkfræðistofunni Feng.
Navis-Fengur ehf. er til húsa að
Trönuhrauni 1 í Hafnarfirði, þar
sem Verkfræðistofan Fengur var
áður til húsa.
Fjölbreytt verkefni
Helstu verkefni Navis-Fengs er
verkfræðiþjónusta er varðar skipa-
hönnun, breytingar jafnt sem ný-
smíði, eftirlit og umsjón með við-
gerðum og nýsmíði, gerð útboðs-
gagna, smíða- og verklýsinga, val
á vélbúnaði, vinnslulínur, kostn-
aðaráætlanir, hallaprófanir, stöð-
ugleikaútreikningar og BT-mæl-
ingar, ástandsskoðun við kaup,
sölu og leigu skipa, ýmsar úttekt-
ir og skoðanir (s.s. „Draught
Survey“), þykktarmælingar, og
matsgerðir, ráðgjöf varðandi ISM-
og ISP-kóða og alhliða ráðgjöf á
sviði skipa-og vélaverkfræði.
Í góðum höndum
Bergsteinn Gunnarsson, fyrrver-
andi framkvæmdastjóri Verk-
fræðistofunnar Fengs, vill koma á
framfæri til viðskiptavina Fengs
og þar áður Skipahönnunar þakk-
læti fyrir traust og góð viðskipti í
gegnum tíðina. „Það er mér léttir
að öll gögn varðandi þau verkefni
sem unnin hafa verið hjá Verk-
fræðistofunni Fengi ehf. og áður
Skipahönnun ehf. verða í góðum
og traustum höndum Navís-Feng
ehf. Hjá þessum nýja fyrirtæki
starfa mjög hæfir einstaklingar
sem mynda sterka heild og ég er
þess fullviss að koma til með að
þjóna vel hagsmunum viðskipta-
vina Verkfræðistofunnar Fengs,“
segir Bergsteinn.
Verkefni fyrir
kanadíska útgerð
Hjörtur Emilsson, framkvæmda-
stjóri Navis-Fengs, segir að starfs-
menn fyrirtækisins muni halda
áfram af fullum krafti því starfi
og þjónustu sem unnið hefur ver-
ið að á undanförnum árum hjá
bæði Verkfræðistofunni Feng og
Navis. „Við munum fylgja eftir
verkefnum sem Verkfræðistofan
Fengur hefur verið að vinna að.
Til dæmis get ég nefnt viðamikl-
ar endurbætur og breytingar sem
unnið hefur verið að á Heinaste,
togara Sjólaskipa hf., úti í Pól-
landi. Og einnig get ég nefnt að
þessar vikurnar erum við að vinna
að stóru verkefni fyrir kanadíska
útgerð, Clearwater Seafoods. Um
er að ræða stálteikningar í kúfisk-
veiðiskipi sem Clearwater
Seafoods er að fara bjóða út smíði
á,“ segir Hjörtur Emilsson.
„Stærstur hluti okkar verkefna nú
um stundir kemur erlendis frá.
Nútíma fjarskiptatækni gerir það
að verkum að engu máli skiptir
hvar maður er staðsettur, allar
teikningar og önnur gögn eru
auðveldlega send milli staða í
tölvupósti. Fjarlægðir eru því af-
stæðar,“ segir Hjörtur sem telur
að íslensk skipahönnun hafi al-
mennt mjög gott orð á sér og því
hafi hún ágæta möguleika erlend-
is. „Tæknilega tel ég að við Ís-
lendingar stöndum vel af vígi á
þessu sviði og það finnum við vel
í samstarfsverkefnum með erlend-
um aðilum,“ segir hann.
Navis-Fengur ehf. í skipa-
hönnun, ráðgjöf og eftirliti
Navis ehf. og Verkfræðistofan Fengur ehf. sam-
einuðu krafta sína um síðustu áramót. Navis
ehf., sem var sett á stofn á síðasta ári í kjölfar
gjaldþrots Skipatækni, tók yfir rekstur og gögn
Verkfræðistofunnar Fengs ehf. og í kjölfarið
var nafni fyrirtækisins breytt í Navis-Fengur
ehf.
Starfsmenn Navis-
Fengs ehf. Stand-
andi frá vinstri:
Agnar Erlingsson,
G. Herbert Bjarna-
son og Einar A.
Kristinsson. Sitj-
andi frá vinstri: Frí-
mann Sturluson og
Hjörtur Emilsson.