Ægir - 01.01.2004, Side 41

41
K Æ L I T Æ K N I
Optimar hf. í Reykjavík þjón-
ustar sjálfvirk og handvirk frysti-
kerfi, vacum-dælur, RSW kerfi,
ósonkerfi og fiskvinnslukerfi fyrir
bæði fiskiskip og frystihús.
Einnig framleiðir fyrirtækið og
markaðssetur Optim-Ice ís-
þykknivélar ásamt forkælum og
forðatönkum. Þessar vélar voru
áður á hendi Ískerfa, sem Optim-
ar keypti á síðasta ári, og frá árinu
1999 voru þær markaðssettar
undir nafninu Liquid Ice.
Merkilegt þróunarstarf
„Það verður að segjast þeim Ís-
kerfismönnum til hróss að þeir
unnu mjög merkilegt starf við að
þróa lausnir á þessu sviði. Áður
höfðu Brunnar unnið að þessari
þróun. Ískerfi héldu þróuninni
áfram og þegar við komum að
þessu á síðasta ári voru ísþykkni-
vélarnar fulltækar fyrir markað-
inn og hafa nú þegar reynst mjög
vel. Reynslan hefur sýnt að þessi
lausn er framúrskarandi til ísunar
í kössum og körum í lestum
fiskiskipa. Eigendur þeirra skipa
sem hafa tekið þessa tækni í
notkun gefa henni mjög góða ein-
kunn og segja að þeir selji aflann
á hæstu mögulegu verðum á
mörkuðunum. Þetta segir okkur
að vel hafi tekist til með þróun á
þessari tækni og hún sé mjög vel
boðleg,“ segir Guðmundur.
Á fjölda vörusýninga
erlendis á þessu ári
„Þessi tækni er farin að vekja
töluverða athygli erlendis. Við
höfum fengið fjölda fyrirspurna
og gerum ráð fyrir að verða mjög
sýnilegir á ýmsum sjávarútvegs-
sýningum út um allan heim á
þessu ári. Við byrjum á sýningu í
Chile í mars og síðan rekur hver
sýningin aðra út árið. Á
næstunni munum við
leggja sérstaka áherslu á
Noregsmarkaðinn, enda
er mikil vakning í Nor-
egi eins og hér á Íslandi
varðandi ferska fiskinn.
Ég geri ráð fyrir að þetta
sé ákveðið svar bæði
Norðmanna og Íslendinga
við fiskvinnslunni í Kína
og menn meti það svo að
leggja verði mikla áherslu á
kælingu og ferskleika fisksins,
allt frá því að hann kemur inn
fyrir borðstokkinn út á sjó og þar
til hann er kominn á borð neyt-
enda erlendis.
Varðandi þróun á krapalausn-
um leyfi ég mér að fullyrða að við
Íslendingar erum í forystu í
heiminum. Við vitum hverjir
keppinautar okkar eru á þessu
sviði og hvaða áhuga þeir hafa
sýnt okkar framleiðsluvörum. Úti
í heimi bera menn sem sagt virð-
ingu fyrir okkar lausnum og ég
tel alveg ljóst að við erum með í
höndunum tækni sem getur, ef
rétt er á málum haldið, náð langt
á heimsmarkaði,“ segir Guð-
mundur.
Rekkalausnir
„Menn hafa lagt mikið undir í að
þróa ísþykknitæknina. Við leggj-
um áherslu á að fylgja okkar við-
skiptavinum eftir og taka áhafn-
irnar í kennslustund þar sem ítar-
lega er farið yfir hvernig notkun
kerfisins skuli háttað.
Eins og er eru fyrirliggjandi
nokkrar pantanir í ísþykknivélar
hér innanlands og einnig erlendis
frá. Við erum einnig að setja á
markað nýja framleiðslu, svokall-
aðar rekkalausnir sem hægt er að
tengja við frysti- og kælikerfi sem
eru
til staðar
hjá viðkomandi
kaupanda. Við höfum verið
að prufukeyra fyrsta slíka kerfið
og það verður sett upp á næst-
unni í Íran.“
Guðmundur segir að Optimar
hafi þróað smíði á ísþykknikerf-
unum frá a-ö. „Já, það er það
skemmtilega við þetta. Þó að
nokkrir aðilar séu að búa til slíkar
vélar, þá eiga þeir það flestir sam-
merkt að þeir eru að kaupa sjálfan
ísgeneratórinn af einum framleið-
anda í Flensborg í Þýskalandi.
Trúlega erum við eitt þriggja fyr-
irtækja í heiminum sem smíðum
„hjartað“ í kerfinu alveg frá
grunni og teljum okkur hafa náð
mjög góðum árangri á því sviði.“
Einbeitum okkur að
sjávarútveginum
„Það er ekki gott að segja hvernig
þetta þróast. Þó svo að mikill og
vaxandi áhugi sé á krapalausnun-
um er ekkert fast í hendi í þeim
efnum. Það er oft þungt að koma
nýrri vöru á markað og við gerum
okkur grein fyrir því að til fram-
tíðar mun íslenski markaðurinn
ekki duga okkur. Þess vegna horf-
um við út fyrir landsteinana og að
því erum við að vinna. Það mun
síðar koma í ljós hvernig okkur
tekst til, en við munum sem sagt
Aukin spurn eftir
ískrapakerfum
Óhætt er að segja að á síðustu mánuðum hafi orðið mikil vakning í
notkun á ísþykknikerfum, sem margir spá að sé aðeins forsmekkurinn
að því sem koma skal. Guðmundur Jón Marteinsson, framkvæmdastjóri
Optimar, segir að Optim-Ice ísþykknivélar séu nú komnar í um fjörutíu
fiskiskip á norðanverðu Atlantshafi, þar af tæplega þrjátíu hér á landi.