Ægir - 01.01.2004, Blaðsíða 29

29
Ekki hafa allir verið á eitt sáttir
um þær tölulegu upplýsingar sem
hafa verið settar fram um hvala-
skoðun við Ísland. Margir þeirra
sem styðja hvalveiðar við Ísland
hafa dregið mjög í efa tölur um
fjölda þeirra ferðamanna sem fara
í hvalaskoðun og efnhagslegt gildi
hennar fyrir ferðaþjónustuna í
landinu. Ásbjörn Björgvinsson
segir að í þessu ljósi sé mikilvægt
að fá fram niðurstöður þessarar
könnunar frá hlutlausum aðila. Í
framhaldinu verði áhersla lögð á
að hlutlaus aðili meti efnahagslegt
gildi hvalaskoðunar við Ísland.
Hvalaskoðun gekk nokkuð vel
við Ísland sl. sumar. Hins vegar
segir Ásbjörn að hvalurinn hafi
hagað sér öðruvísi en áður og á
sumum svæðum hafi hann ekki
verið eins líflegur og undanfarin
ár. Þannig hafi steypireyður lítið
sést sl. sumar í ferðum frá Stykk-
ishólmi, sem er af sem áður var.
„Við vitum ekki hvað veldur
þessu, en það var greinileg breyt-
ing sl. sumar miðað við undanfar-
in sumur,“ segir Ásbjörn.
Í það heila fóru um 70 þúsund
manns í hvalaskoðun á sl. ári, sem
Ásbjörn segir að sé um 16%
aukning frá fyrra ári.
Líflegt í Eyjafirði
Síðastliðið sumar var boðið upp á
hvalaskoðun frá Keflavík, Hafnar-
firði, Reykjavík, Vestmannaeyj-
um, Stykkishólmi, Hauganesi við
Eyjafjörð, Húsavík og Djúpavogi.
„Það var nokkuð líflegt á Eyja-
firði, enda voru þar tveir hnúfu-
bakar að leika sér þar í allt sl.
sumar.“ Einnig var nokkuð líflegt
í ferðum hvalaskoðunarfyrirtækja
sem gera út frá Hafnarfirði,
Reykjavík og Keflavík.
Sem fyrr fara flestir í hvalaskoð-
un frá Húsavík. Þar eru tvö fyrir-
tæki sem gera út hvalaskoðunar-
báta - annars vegar Norðursigling
sem gerir út fjóra báta og hins
vegar Hvalaferðir sem gera út
einn bát.
Ánægður með áhuga
Íslendinga
Ásbjörn segir að hvalasafnið á
Húsavík dragi til sín fjölda gesta.
Á árinu 2002 var velta safnsins af
inngangseyri og sölu minjagripa
um 8 milljónir króna. Í Hvala-
miðstöðina á Húsavík komu á
milli 19 og 20 þúsund gestir á sl.
ári, sem er nokkur fjölgun gesta
frá fyrra ári.
Í fyrra voru um sex af hverjum
tíu gestum útlendingar. „Ég er
afskaplega ánægður með hversu
margir Íslendingar koma á safn-
ið,“ segir Ásbjörn.
Um 70 þúsund
manns í hvala-
skoðun sl. ár
„Það var ýmislegt í þessari könnun sem kom okkur
á óvart. Til dæmis finnst okkur athyglisvert að 25%
þeirra sem svöruðu í könnuninni sögðu að hvala-
skoðun hafi haft afgerandi áhrif á það að þeir
ákváðu að fara til Íslands. Og okkur þótti líka at-
hyglisvert að 60% þeirra sem spurðir voru sögðust
hafa ákveðið að fara í hvalaskoðun áður en komið
var til landsins,“ segir Ásbjörn Björgvinsson,
forstöðumaður Hvalamiðstöðvarinnar á Húsavík,
um viðhorfskönnun sem rekstrarfræðinemar við
Háskólann á Akureyri hafa unnið að á síðustu mán-
uðum um hvalaskoðun við Ísland. Könnunin var
lögð fyrir um 1.400 erlenda hvalaskoðunargesti.
Á efri hæð Hvalamiðstöðvar-
innar gefur m.a. að líta nokkr-
ar beinagrindur af hvölum.
Hvalamiðstöðin á Húsavík hefur á undanförnum árum verið að byggja upp hvalasafn af miklum krafti og er safnið farið að draga til
sín mörg þúsund gesti á ári hverju.