Ægir - 01.08.2011, Page 23

skulum heldur ekki gleyma því að Ís-
lendingar eru að greiða inn í
rammaáætlun Evrópusambandsins um
1,5 milljarða á ári og mjög mikilvægt er
að við berum okkur eftir að sækja þá
fjármuni til baka og nýta þá í verkefnum
með íslenskum aðilum,“ segir Sveinn .
Sjávarútvegurinn á hrós skilið
Út frá þeirri þungu umræðu sem verið
hefur um sjávarútveginn hér heima
síðustu misserin, bankahrunið og
efnahagsþrengingar er eðlilegt að
spyrja þeirrar spurningar hvort
sjávarútvegurinn hafi dregið að sér
hendur hvað varðar þátttöku í rann-
sókna- og þróunarverkefnum . Sveinn
segir vissulega merki um slíkt en segir
samt fulla ástæðu til að hrósa greininni
fyrir að menn hafi ekki dregið hendur
fastar að sér í aðhaldi . „Þetta finnst mér
að einhverju leyti vera einmitt til marks
um að menn vilji viðhalda og byggja
upp öflugan sjávarútveg – og mat-
vælaframleiðslu í heild sinni . Og það er
rökrétt að draga þá ályktun að aðilar í
sjávarútvegi skynji vel þá möguleika til
verðmætasköpunar sem felast í rann-
sókna- og þróunarstarfi og vilji ekki
fórna þeim þrátt fyrir erfið skilyrði í um-
hverfinu . Í þessu samhengi má líka
benda á að á sínum tíma juku Finnar út-
gjöld til þróunarmála í þrengingum
sínum og það er talið hafa skilað þeim
miklum árangri á leið sinni upp úr
öldudalnum,“ segir Sveinn .
Umhverfismál og líftækni meðal
tækifæra í sjávarútvegi
Umhverfismál verða æ greinilegri sem
virkur þáttur í nýsköpunar- og þróunar-
starfi . Á því sviði eiga Íslendingar tals-
verð tækifæri, að sögn Sveins, ekki
aðeins vegna hreinleikans í hafinu við
landið .
„Eitt af mörgum áhugaverðum
verkefnum hjá okkur á næstu mánuðum
er samstarfsverkefni með bæði Sam-
tökum fiskvinnslustöðva, Landssam-
bandi útvegsmanna, Matís og norskum
aðilum og fleirum þar sem þróuð verður
aðferð til að reikna umhverfisálag
sjávarafurða . Þetta verður tæki sem
nýtast mun öllum sjávarútvegi á Íslandi
til að marka sér aukna sérstöðu og að-
greina sig t .d . frá eldisfiski úr Asíu og
víðar þar sem umhverfisálag er mun
meira en hér . Þetta er dæmi um fjöl-
þjóðlegt verkefni sem fjármagn hefur
fengist erlendis frá til að vinna . Og sem
er um leið verkefni sem styrkir okkur Ís-
lendinga á sjávarútvegssviðinu og sem
framleiðendur á eftirsóttum sjávar-
afurðum,“ segir Sveinn og bætir við að
líftækniþekking innan Matís muni einnig
eiga eftir að skila mörgum áhuga-
verðum nýsköpunartækifærum fyrir Ís-
lendinga í framtíðinni . Ekki hvað síst í
sjávarútvegi .
„Bara til að nefna tvö atriði í þessu
sambandi má nefna aukaafurðir í fiski
og nýtingu á þara . Hvort tveggja mjög
áhugaverðir þættir sem við vitum nú
þegar að miklir möguleikar eru í . Við
eigum tækifæri víðs vegar um
sjávarútveginn og ef við lítum áratugi
aftur í tímann þá höfum við þróast úr
veiðimannasamfélaginu yfir í að horfa
heildstæðar á virðiskeðju sjávarút-
vegsins og að nýta tækifæri víðs vegar í
henni . Í heild stöndum við Íslendingar
vel með okkar sjávarútveg og þurfum
að gæta þess að draga ekki tennurnar
úr greininni heldur þvert á móti beita
henni okkur til hagsbóta,“ segir Sveinn
Margeirsson .
SKEIFAN 3E-F · SÍMI 581-2333 · FAX 568-0215 · WWW.RAFVER.IS
Skrúfupressur
lofthreinsibúnaður - loftkútar - loftsíur
lofttengibúnaður - loftþurrkarar
Ýmsar stærðir!
Hafið samand við sölumann.
21