Ægir - 01.08.2011, Qupperneq 52

50
Efnamóttakan hf . var stofnuð árið 1998
en áður var starfsemi hennar hluti af
þjónustu Sorpu . Jón H . Steingrímsson,
framkvæmdastjóri fyrirtækisins, segir að
Efnamóttakan hf . sérhæfi sig í
meðhöndlun og frágangi á spilliefnum til
eyðingar eða endurnýtingar . Fyrirtækið
vinnur samkvæmt reglum gæða-
staðalsins ISO 9002 og er eini sérhæfði
aðilinn í móttöku spilliefna á Íslandi .
Efnamóttakan hf . rekur fullkomna
móttökustöð fyrir spilliefni þar sem efnin
eru flokkuð eftir tegundum og þeim
eyðingarleiðum sem þau þurfa að fara í .
Efnamóttakan hf . býður hagkvæmar
lausnir til faglegrar og öruggrar
meðhöndlunar og eyðingar efna sem
samkvæmt reglugerðum eru skilgreind
sem umhverfislega óæskileg eða
hættuleg .
,,Við höfum m .a . verið að sækjast eftir
nælonnetum eða afskurði af netum sem
eru án króka, línu, tóga, þara og annars .
Hjá okkur eru þau sett í pressu og
gerðir úr þeim baggar sem henta til að
hlaða í gám til útflutnings . Erlendis er
efnið brætt niður og búnar til úr þessu
perlur sem notaðar eru til framleiðslu á
ýmsu úr næloni . En fyrst og fremst erum
við taka hér á móti spilliefnum, ekki síst
frá útgerðinni en þar fellur til mikið af
slíkum efnum . Hér er t .d . tekið á móti úr-
gangsolíu, rafgeymum,
málningarafgöngum, leysiefnum og
fleiru . Það er því miður ekki markvisst
boðið upp á móttöku á spilliefnum í
mörgum höfnum landsins en eðlilegast
væri að þegar skip koma til hafnar geti
þau losað sig við þessi efni á hafnar-
svæði í þar til gerð ílát sem
Efnamóttakan gæti lagt til . Æskilegt er
að slík ílát séu annað hvort aðgangs-
stýrð eða undir eftirliti til að tryggja rétta
umgengni . Við veitum þessa þjónustu
um allt land og hvetjum hafnir til að
bjóða upp á þessa þjónustu og þá
sendum við til þeirra viðeigandi ílát,“
segir Jón .
- Hefur meðferð á spilliefnum
batnað?
,,Að einhverju leyti en maður veit
ekki alltaf hvað gerist úti á sjó . Það
skortir stundum aðstöðu til að geyma
þessi efni þar til í land er komið og við
getum ekki neytt neinn í viðskipti við
okkur . Það er í gangi ákveðið úrvinnslu-
gjaldskerfi en það er lagt úrvinnslugjald
á öll helstu spilliefni við innflutning og
Úrvinnslusjóður setur upp gjaldskrá
sem við störfum eftir og fáum greitt úr .
Við skil á efnum sem ekki er lagt á úr-
vinnslugjald þarf sá sem skilar þeim að
greiða móttökugjald eða skilagjald fyrir
förgun á þeim . Það geta t .d . verið sýrur
eða vatnsmálning .
Flokkun úrgangs hefur aukist hér-
lendis og það er vaxandi um-
hverfisvakning meðal fólks og hjá fyrir-
tækjum . Börn læra um þetta í grunn-
skólum svo það er að vaxa kynslóð úr
grasi sem er mun meðvitaðri um ýmis
efni sem ekki eiga að fara út í náttúruna
eða í hafið . Sveitarfélög víða um land
hafa líka verið að fara í naflaskoðun í
þessum málum og gera átak í sínum
heimaranni, m .a . við flokkun á úrgangi
sem um leið dregur úr urðun .
Við erum að nálgast önnur Norður-
lönd í þessum efnum en erum kannski
ennþá einhverjum árum á eftir þeim .
Gott dæmi um aukinn skilning og áhuga
á verndun náttúrunnar er að fólk er
tilbúið að greiða fyrir endurvinnslu-
tunnur .“
Efnamóttakan hf.
Gufunesi
112 Reykjavík
Sími 520-2220
www.efnamottakan.is
Jón H . Steingrímsson framkvæmdastjóri ásamt Birni Sigurðssyni starfsmanni við netaafskurð
sem fer í pressun .
Spilliefni, raftæki
og netaafskurður
Tekið er á móti ýmsum plastefnum .