Ægir - 01.08.2011, Side 56

54
Viking björgunarbúnaður ehf . er
dótturfyrirtæki danska stórfyrirtækisins
Viking Lifesafe Equipment . Viking
björgunarvörurnar hafa verið til sölu hér
á landi um langt árabil við góðan orðstír
og síðustu 10 árin hefur sala og
þjónusta við björgunarvörurnar á Íslandi
verið í höndum dótturfyrirtækis Viking í
Danmörku . Nýlega tók fyrirtækið við
korta- og áttavitaþjónustu sem Raför
hefur veitt undanfarin ár og um svipað
leyti flutti fyrirtækið aðsetur sitt í Íshellu
7 í Hafnarfirði . Meginverkefni Viking
björgunarbúnaðar er sala og skoðun á
öryggisbúnaði og er vöruúrvalið fjöl-
breytt allt frá brunagöllum til
björgunarbáta . Alls starfa 14 manns hjá
Viking hér á landi og er slökkvitækja-
og eldvarnarþjónustan í Keflavík en sala
og þjónusta við annan björgunarbúnað
fer fram í Hafnarfirði .
„Viking hefur verið á íslenska
markaðinum áratugum saman og okkur
hefur gengið ljómandi vel . Sú velgengni
helgast fyrst og fremst af því að við
erum með toppmannskap með mikla
reynslu í þjónustunni og íslenskir
sjómenn treysta vörumerkinu,“ segir
Einar G . Haraldsson framkvæmdastjóri .
Einar segir að þótt ekki sé verið að
kynna byltingakenndar nýjungar á
hverju ári í hefðbundnum öryggisbúnaði
þá séu vörurnar í sífelldri þróun sem
miðar að því að hámarka öryggið um
leið og kappkostað er að halda
kostnaði í skefjum . Aðspurður hvort
menn hafi ekki orðið varir við niðurskurð
á þessu sviði eins og öðrum í efnahags-
kreppunni hér á landi segir Einar að þeir
kvarti ekki . „Okkar helstu viðskiptavinir
eru útgerðirnar og íslenska útgerðin eru
nú einu sinni þannig að hún leggur
mikla áherslu á öryggi sjómanna . Þótt
menn reyni að spara á sumum sviðum
þá spara þeir ekki þegar kemur að
örygginu,“ segir Einar G . Haraldsson,
framkvæmdastjóri Viking björgunarbún-
aðar .
Viking björgunarbúnaður
Íshellu 7
221 Hafnarfirði
Sími 544 2270
www.viking-life.is
Sjómenn treysta
Viking vörumerkinu
Einar G . Haraldsson framkvæmdastjóri segir velgengni Viking björgunarbúnaðar helgast af
því að fyrirtækið er með úrvals mannskap í þjónustunni og að íslenskir sjómenn treysta
vörumerkinu .