Ægir - 01.08.2011, Page 66
64
„Við höfum séð stöðuga aukningu í
verkefnum erlendis síðustu ár og stefnir
í að þau verði í fyrsta sinn meirihluti
veltu fyrirtækisins . Á sama tíma höfum
við komið að mörgum stórum
verkefnum hér heima, sérstaklega í
breytingum á bæði skipum og vinnslu-
húsum vegna makrílveiðanna . Við
getum því vel við unað en engu að
síður er það grafalvarleg staðreynd að
fjárfesting í sjávarútvegi hér á landi er í
gíslingu stjórnvalda og í engu samræmi
við þörf . Ég á langan lista yfir verkefni
sem við höfum lagt grunn að fyrir fyrir-
tæki í greininni en þau bíða þess
undantekningarlítið að linni þeirri óvissu
sem stjórnvöld halda greininni í . Þegar
menn vita ekkert hvað verður er enginn
vilji til að ráðast í fjárfestingar og fram-
kvæmdir í sjávarútvegi . Nú gera menn
bara það nauðsynlegasta,“ segir Guð-
mundur Hannesson, sölustjóri
Kælismiðjunnar Frosts .
Frost kemur víða við
Meðal verkefna sem Frost hefur komið
að síðustu misserin eru breytingar upp-
sjávarfrystihúsa á Vopnafirði, í Neskaup-
stað og í Vestmanneyjum, Frost sá um
að gera viðamiklar breytingar á togur-
unum Guðmundi í Nesi og Brimnesi fyrir
makrílvertíðina . Bolfiskskipið Havtind frá
Noregi var á Akureyri framan af ári þar
sem Frost setti nýtt 70t/24 NH3
frystikerfi í skipið ásamt þeim
breytingum sem Slippurinn og Rafeyri
sáu um . Einnig hefur Frost verið mikið í
fisk- og kjötvinnslum í Noregi,
Danmörku og Þýskalandi, ásamt
þjónustu við verksmiðjuskip í Afríku . í
dag er Frost að vinna að hönnun og
afhendingu á nýju NH3 (ammoníak)
80t/24 frystikerfi fyrir togarann Normu
Mary sem er í viðamiklum breytingum
og lengingu í Póllandi . Og er hér aðeins
fátt eitt talið .
„Að mínu mati er það fyrst og síðast
orðsporið hjá okkar viðskiptavinum sem
skýrir hversu vel okkur hefur tekist til,
þrátt fyrir kreppu hér heima . Hér er
kjarni starfsmanna sem hefur unnið
lengi saman, starfsmenn sem búa yfir
mjög mikilli sérþekkingu á öllu sem lýtur
að frystikerfum bæði á sjó og landi,“
segir Guðmundur en Frost annast alla
þætti verkefna á kælisviðinu, allt frá ráð-
gjöf, hönnun, sölu búnaðar, umsjón
verkefna, uppsetningu búnaðar og fyrir-
byggjandi viðhaldi og daglegri
þjónustu, þar sem Frost leggur ríka
áherslu á að skila verkefnum með hag-
kvæmni og rekstaröryggi fyrir viðskipta-
vini sína .
Allt frá hönnun til uppsetningar
Guðmundur segir fyrirtækið hafa með
árunum styrkt allar grunnstoðir sínar,
bæði hönnun, sölumál, verktöku og
þjónustu . „Við stigum á sínum tíma það
gæfuskref að í stað þess að vera um-
boðsaðilar fyrir ákveðna framleiðendur
kælibúnaðar þá seljum við búnað frá
öllum - allt eftir því hvað viðskipta-
vinurinn vill hverju sinni og hvað hentar
hverjum . Í dag getum við boðið búnað
frá öllum stærstu og þekktustu merkjum
í frysti- og kælibúnaði í heiminum og við
finnum að þeir keppast um að komast
að hjá okkur . Enda er það svo að við
fundum aldrei fyrir neinum breytingum
hjá okkar birgjum þó efnahaghrunið hafi
dunið yfir á Íslandi . Það er okkur mikils
virði að geta haft slíkt traust hjá fram-
leiðendum búnaðar,“ segir Guðmundur .
Starfsstöðvar Frosts á Akureyri og í
Garðabæ en um 40 manns starfa hjá
fyrirtækinu að jafnaði nú um stundir .
„Sjávarútvegssýningin er mikilvægur
vettvangur fyrir okkur, bæði til að hitta
viðskiptavini, kynna hvað við höfum gert
og sýna búnað . Í ár munum við til
dæmis sýna sjókælikerfi sem er hannað
af okkur en framleitt erlendis . Með því
undirstrikum þá breidd sem við búum
yfir í fyrirtækinu .“
Kælismiðjan Frost
Fjölnisgata 4b
600 Akureyri
Sími 464 9400
www.frost.is
Hér má sjá blástursfrysti í uppsjávarfrystihúsi HB Granda á Vopnafirði sem Kælismiðjan Frost
hannaði og setti upp . Þessi frystir hefur komið mjög vel út á makrílvertíðinni í sumar .
Orðsporið er besta
auglýsingin
Guðmundur Hannesson, sölustjóri Frosts .