Tímarit Máls og menningar - 01.05.1980, Síða 34

Tímarit Máls og menningar
ViÖ getum fullvissað ykkur um að því meiri sem iðnvæðingin og framfarirnar
verða í heiminum, þeim mun fjörugri verða viðskiptin, og það er öllum í hag.
Þetta er ástæðan fyrir því að við setjum fram kröfur fyrir hönd allra þróun-
arríkja og tölum máli þjóða okkar. Við biðjum ekki um gjafir. Ef við finnum
engar raunhæfar lausnir verðum við öll fórnardýr hörmungarinnar.
Réttindi mannkyns
Herra forseti, háttvirtu þingfulltrúar:
Það er mikið talað um mannréttindi, en við verðum líka að tala um réttindi
mannkynsins.
Hvers vegna skyldu sumir ganga berfættir til þess að aðrir geti ekið um á
dýrum bílum? Hvers vegna skyldu sumir lifa í 35 ár til þess að aðrir geti lifað í 70
ár? Hvers vegna skyldu sumir vera bláfátækir til þess að aðrir geti verið óhóflega
ríkir?
Ég tala fyrir hönd þeirra barna í heiminum sem eiga ekki einu sinni brauð-
bita. Eg tala fyrir hönd þeirra sjúku sem fá engin lyf. Ég tala fyrir hönd þeirra
sem hafa verið sviptir réttinum til að lifa, sviptir mannlegri reisn.
Sum lönd hafa aðgang að sjó, önnur ekki; sum lönd búa yfir orkugjöfum,
önnur ekki. Sum lönd eiga nóg af ræktarlandi þar sem hægt er að framleiða
matvæli, önnur ekki. Sum lönd eru svo yfirfull af vélum og verksmiðjum að það
er ekki einu sinni hægt að anda að sér eitruðu andrúmslofti þeirra; í öðrum
löndum eiga þegnarnir ekkert nema skinhoraða handleggi til að vinna fyrir
brauði sínu.
I stuttu máli sagt: sum lönd eiga ríkuleg auðæfi á sama tíma og önnur lönd
eiga ekkert. Hver verða örlög þeirra síðarnefndu? Að deyja úr hungri? Að vera
eilíflega snauð? Til hvers er þá siðmenningin? Til hvers er þá samviska manns-
ins? Til hvers eru þá Sameinuðu þjóðirnar? Til hvers er þá heimurinn? Það er
ekki hægt að tala um frið í nafni þeirra tugmiljóna manna sem deyja árlega úr
hungri eða úr læknanlegum sjúkdómum. Það er ekki hægt að tala um frið í
nafni 900 miljóna ólæsra manna.
Arðráni riku þjóðanna á þeim fátæku verður að linna.
Ég veit að í mörgum fátækum löndum eru líka bæði arðræningjar og
arðrændir.
Ég skora á ríku þjóðirnar að leggja fram sinn skerf. Ég skora á fátæku
þjóðirnar að tryggja dreifingu þess framlags.
Nú er nóg komið af orðum! Við þörfnumst athafna. Nóg er komið af
24