Tímarit Máls og menningar - 01.05.1980, Qupperneq 38

Tímarit Máls og menningar
almannaheill. Skáldið Reinaldo Ferreira orti uppskrift á hvernig hrært er
deig í venjulega hetjuköku:
Hetjuuppskrift
Takið einhvern
sem er ekkert,
eins og við öll,
af algengri stærð.
Leggið hann síðan
— hægt og sígandi —
í sannfæringarkraft
sem er óskynsamlegur og alger,
en eldheitur
á borð við hatur og hungrið.
Að svo búnu,
undir lokin,
veifið fána
og flautið í lúðra.
Berið réttinn á borð
sem liðið lík.
Raunveruleg frelsisbarátta angolsku þjóðarinnar átti lítt skylt við vopn
og valdatafl leiðtoga. Hún hófst á vissri stefnu í ljóðlist og ákveðinni
tegund af tónlist og dansi. Fræðimönnum flýgur sjaldan í hug, að dans og
söngur og breyttar aðferðir við að binda mál í ljóðform geti bent til svars
við hvers vegna mannkynið stígur ákveðin menningarspor, þótt lýðum sé
ljóst að jafn fámennri hljómsveit og Bítlunum hafi tekist að breyta
heiminum meira á ytra borði en byltingarhópar hins vestræna heims
saman lagðir.
Baráttan í Angola hófst á öldinni sem leið, á svipuðum tíma og
raunveruleg frelsisbarátta annarra þjóða. Öldin sem leið var öld hug-
mynda og hugsjóna sem skáld og menntamenn börðust fyrir, og fórnuðu
jafnvel lífinu fremur en sjálfstæðri hugsun og skoðun. Menntamenn
hinnar rísandi borgarastéttar hrópuðu sig ekki hása í kór, með sama hætti
28