Tímarit Máls og menningar - 01.05.1980, Qupperneq 62

Tímarit Máls og menningar
Það er eins og ég haldi
ég geri þig afbrýðisama
með þessu móti
eða töfri þig til mín
með hinum víðfræga galdri skáldskaparins.
Kannski er ég bara að yrkja mig
frá þessu öllu saman,
ég veit það ekki.
Eg færist í aukana
gýs táknum líkt og eldfjall
skrifa súrrealt ljóð
með ofsafengnum takti.
Það er farið að skrifa sig sjálft
ég fálma ekki lengur eftir orðum,
ég legg frá mér pennann
og lít yfir það sem ég hef skrifað
ánægður.
Einhvers staðar í þessari borg
kannski í næsta húsi
brosir þú afslöppuð við ástvini þínum.
í ENGRAKVENNALANDI
Ég fylli verk mín dögum
og sting lífi mínu í umslag
og reyni svo að gleyma
að konur hafi þýðgenga vél
milli fótanna
52
Og tíminn er mér eimlest
sem flytur mig frá þér