Fréttatíminn - 11.09.2015, Qupperneq 72

 Í takt við tÍmann arna Ýr Jónsdóttir
Stangarstökkvarinn sem varð Ungfrú Ísland
Arna Ýr Jónsdóttir var kjörin Ungfrú Ísland í Hörpu um síðustu helgi. Hún er tvítug Kópavogsmær sem
dreymir um að verða ljósmóðir í framtíðinni. Arna Ýr er nýbyrjuð að búa með kærastanum og elskar að
ganga í litríkum kjólum.
Staðalbúnaður
Fatastíllinn minn er mjög klassískur. Ég
geng yfirleitt í litríkum, fallegum kjólum.
Þegar ég var yngri var ég stundum feimin
að vera í þannig kjólum en eftir að ég fór í
Ungfrú Ísland er ég alveg óhrædd að vera
ég sjálf. Ég á mér enga uppáhalds búð en
ætli ég versli ekki mest í Zöru. Kjólarnir
úr Karen Millen eru líka algjör draumur.
Ég fór einmitt í einum slíkum í dómara-
viðtalið.
Hugbúnaður
Ég á tvíburabróður og draumurinn er
að verða ljósmóðir í framtíðinni. Ég á
kærasta og við erum nýflutt inn saman.
Okkur finnst gaman að ferðast saman
eða að elda eða fara út að borða. Svo er
líka voða fínt að hafa það kósí heima og
horfa á sjónvarpið. Við erum til dæmis
„húkkt“ á matreiðsluþáttum þessa dag-
ana. Mér finnst gott að borða gott kjöt,
ég gæti ekki verið grænmetisæta. Sushi
er líka í miklu uppáhaldi hjá mér. Ég
drekk ekki áfengi og hef engan áhuga
á djammi. Ég var meira að segja farin
heim fyrir miðnætti eftir Ungfrú Ísland-
keppnina – í kuldaskóm við fína kjólinn
í þokkabót. Ég æfði stangarstökk frá því
ég var 13 ára og komst í landsliðið þegar
ég var 15 ára. Ég keppti á Evrópumótum
og Norðurlandamótum og í fyrrasumar
lenti ég í þriðja sæti á Evrópumóti í
Georgíu. Ég er hætt í frjálsum í bili en
sé til hvort ég byrja aftur. Ég er dugleg
að hreyfa mig sjálf og æfi, þó það sé
ekki með þjálfara. Það hentar mér vel að
mæta niður á völl.
Vélbúnaður
Ég hef aldrei verið mikið tæknitröll en
ég hef verið að koma til upp á síðkastið.
Ég kann ágætlega á netið og á Facebook,
það dugar mér. En það hefur reynst stórt
vandamál að ég kann ekki á sjónvarp, ef
ég er ein heima á ég í mestu vandræðum
með að finna rétta stöð.
Aukabúnaður
Ég geri mikið af því að mála og selja
málverk ef ég hef tíma. Ég mála alls-
konar myndir, blóm upp í sólarlag eða
einhverjar fantasíumyndir. Í hvert sinn
sem ég prófa eitthvað nýtt heppnast það.
Ég sendi málverk í hæfileikaprófið fyrir
Ungfrú Ísland og Dísa og Bjössi, sem
eiga keppnina, hengdu málverkið upp
í World Class í Laugum. Það er mikið
framundan hjá mér. Ég fer út til Kína
um miðjan nóvember til að keppa í Miss
World og verð úti í heilan mánuð. Svo
verð ég andlit Goss næsta árið og það
kallar á fullt af myndatökum og auglýs-
ingum. En fyrst ætla ég að fara til Te-
nerife með kærastanum. Það verður gott
að fá smá pásu, bara við tvö. Ég er búin
að vera með símann fastan við andlitið
síðustu daga.
Lj
ós
m
yn
d/
H
ar
i
Sushi Samba
Þingholtsstræti 5 • 101 Reykjavík
Tel. 568 6600 • sushisamba.is
MATSEÐILL KAZ
Kóngakrabba Sunomono 2.290 kr.
Kóngakrabba salat með gúrku, wacame, rauðlauk
og sesamfræjum
Bleikju Sashimi með fennel 1.390 kr.
Bleikju Sashimi með fennel, rauðlauk og mozzarella
Nikujaga 1.890 kr.
Japansk kartöflu „stew“ með þunnskornu nauta-
kjöti, gulrótum, kartöflum og Dashi-mirinseiði
Okonomiyaki 1.890 kr.
Kál pönnukaka með þunnskorinni svínasíðu,
rauðum engifer og bonito-flögum
Kushiage 2.290 kr.
Stökk hörpuskel með svíni, lauk, aspas
og misosósu
Chawanmushi 1.990 kr.
„Custard“ súpa með sætri kartöflu, rækjum
og skötusel
Sushi platti 5.990 kr.
Laxa nigiri með „créme fresh“
Skarkola nigiri með konbusölum og shiso
Túnfisk nigiri með kalamata ólífum
Bleikju nigiri með límónuberki
Laxa maki rúlla með basilíku og ananas
Eftirréttur 1.790 kr.
Græn te Tiramísu
Borðapantanir í síma 568 6600
Í tillefni JAPANSKRA DAGA heimsækir alþjóðlegi matreiðslusnillinginn og gesta-
kokkurinn Kaz (Kazuhiro) Okochi Sushi Samba og bíður upp á bragð af Japan.
Á síðustu 25 árum hefur Kaz unnið sér nafn í matreiðsluheiminum fyrir
að endurskapa hefðbunda japanska rétti með skemmtilegu „tvisti“
– eitthvað sem hann kallar sjálfur „Freestyle Japanese Cuisine“.
JAPANSKIR
DAGAR
15.–20. september
Kazuhiro Okochi
Bragð af Japan
72 dægurmál Helgin 11.-13. september 2015