Fréttatíminn - 14.08.2015, Qupperneq 12

Veldu f lot tustu
Guðrúnartúni 10, Reykjavík og Tryggvabraut 10, Akureyri. Opið mánudaga til föstudaga frá 8 til 17
Skoðaðu úrvalið af flo um DELL tölvum fyrir skólann
á advania.is/skoli, verð frá 69.990 kr.
una
É
g er búin að vera virk
innan samtakanna í
mörg ár og hjarta mitt
slær fyrir þessum mála-
flokki,“ segir Auður
Magndís Auðardóttir, nýr fram-
kvæmdastjóri Samtakanna ´78. Hún
bendir á að hinsegin samfélagið
sé sífellt að stækka og undir regn-
hlíf Samtakanna nú séu mun fleiri
hópar en hommar og lesbíur. Á
síðasta aðalfundi hafi til að mynda
bæst við ókynhneigðir (asexual),
persónuhneigðir (pansexual) og
intersex fólk sem líkamlega er ein-
hvers staðar á milli þess að vera
karlkyns og kvenkyns. „Transfólk
tilheyrir einnig félaginu og Trans
Ísland bauð nýverið velkomna þá
sem eru kynsegin, fólk sem hvorki
vill flokka sig sem karl né konu
held ur hvor ug kyn eða bæði í einu.
Ritar Hinsegin handbók
Tilkynnt var um ráðningu Auðar
Magndísar á mánudag. Hún út-
skrifaðist árið 2007 með meistara-
gráðu í stjórnmálafélagsfræði frá
London School of Economics með
áherslu á kynjafræði, þar á meðal
kynverund. Þá hefur hún BA próf
í félags- og kynjafræðum frá Há-
skóla Íslands og stúdentspróf frá
Menntaskólanum við Hamrahlíð.
Auður hefur gegnt starfi verkefna-
stjóra Jafnréttisskóla Reykjavíkur
frá 2013, þar sem hún sinnti meðal
annars jafnréttisráðgjöf til skóla
og frístundamiðstöðva og tók þar
einnig á málefnum hinsegin fólks. Í
starfinu hefur hún haldið vinnustof-
ur, útbúið kennsluverkefni og leið-
beiningar til kennara og starfsfólks.
Auður starfaði hjá Félagsvísinda-
stofnun Háskóla Íslands á árunum
2007-13 þar sem hún meðal annars
verkstýrði fjölda verkefna, vann
kostnaðaráætlanir og bar ábyrgð á
gæðum verkefna. Auður Magndís
hlaut nýverið ritlaunastyrk úr Þró-
unarsjóði námsgagna til ritunar
Hinsegin handbókar, ásamt dr. Írisi
Ellenberger, eiginkonu sinni, sem
mun koma út árið 2016.
Flytja á Suðurgötu
Samtökin festu fyrir nokkru kaup á
húsnæði við Suðurgötu 3. Flutning-
ur þangað hefur tafist vegna endur-
bóta á húsinu en Auður Magndís
segir loks sjá fyrir endann á þeim.
„Við reiknum með að það verði tölu-
verð vítamínsprauta fyrir félagið
að komast á svona sýnilegan og að-
gengilegan stað,“ segir hún en sam-
tökin hafa um árabil verið í bakhúsi
á þriðju hæð við Laugaveg. „Þarna
getur fólk komið inn af götunni og
aðgengi fyrir fatlaða er þarna mög
gott. Þó hinsegin fólk sé að miklu
leyti samþykkt í samfélaginu þá er
alltaf viss kraftur sem fylgir því að
geta tekið þátt í hinsegin samfé-
laginu, hitt fólk sem er á svipuðum
stað og þú og stundað hinsegin
félagslíf,“ segir hún.
Í gegnum tíðina hefur Auður
Magndís starfað mikið að fræðslu-
starf með ungu fólki. „Ég hef tekið
þátt í að valdefla ungt fólk í jafn-
réttisátt og Samtökin leggja einnig
mikið upp úr slíku. Ungliðahópur
Samtakanna er mjög öflugur. Fyrir
einhverjum árum samanstóð hann
af ungu fólki á aldrinum 18-25 ára
en meðalaldurinn hefur lækkað
mjög hratt á stuttum tíma. Fólk
kemur nú mun fyrr út úr skápnum
og þeir sem tilheyra ungliðahópn-
um nú eru að mestu unglingar í
efstu bekkjum grunnskóla, þeir
yngstu eru 13 ára. Það er mikil-
vægt að halda vel utan um þennan
dýrmæta hóp. Það er enginn dans
á rósum að koma út úr skápnum
nú til dags þó það sé auðveldara en
áður. Hinsegin börn og ungmenni
eru í margfaldri hættu á einelti og
annarri útskúfun. Fólk lendir enn í
mótlæti og okkur finnst mikilvægt
að ná til þessa hóps. Það eru börn
sem halda að þau séu eini hinsegin
krakkinn í skólanum og þau þurfa
einhvern til að tala við,“ segir hún.
Auður Magndís leggur áherslu
á að hún hafi ekki forystu um að
móta stefnu Samtakanna heldur
sé það samvinnuverkefni félags-
manna, stjórnarinnar sem félags-
Regnhlífin
stækkar sífellt
Auður Magndís Auðardóttir hefur um árabil verið virk innan Sam-
takanna ´78 og tekur í haust við sem framkvæmdastjóri þeirra.
Hún segir að þrátt fyrir að hinsegin fólk sé að miklu leyti samþykkt
í samfélaginu sé enn mikil þörf fyrir Samtökin ´78, ekki síst sem
vettvang til að hitta aðra í sömu stöðu og maður sjálfur. Auður
Magndís leggur áherslu á hversu mikilvægt sé að sinna öflugri
fræðslu fyrir ungt hinsegin fólk en sífellt fleiri hópar eru boðnir
velkomnir undir hinsegin regnhlíf Samtakanna.
Fædd: 15. apríl 1982.
Maki: Íris Ellenberger.
Börn: Ástrós Inga og
Bjartur Einar.
Menntun: Meistara­
gráða í stjórnmála­
félagsfræði með áherslu
á kynjafræði.
Áhugamál: Jafn­
réttismál í sínum víðasta
skilningi, dramatískar
sjónvarpsþáttaseríur,
prjón og hekl.
Leyndir hæfileikar:
Að kunna öll möguleg
prjónatækniorð á
norsku eftir að hafa
unnið við þýðingu slíkra
uppskrifta í mörg ár.
Uppáhaldsmatur:
Grillað lambakjöt.
Auður Magndís Auðardóttir er nýr framkvæmdastjóri Samtakanna ´78. Hún segir mikilvægt að styðja vel við ungt
hinsegin fólk en yngstu meðlimir Ungliðahreyfingar Samtakanna ´78 eru 13 ára. Ljósmynd/Hari
menn kjósa, og svo trúnaðarráðs
sem er eins konar ráðgjafaráð
stjórnarinnar. „Okkar verkefni er
að halda utan um sístækkandi hin-
segin samfélag þannig að allir finni
sig velkomna og geti hitt fólk sem
er í sömu stöðu og þú sjálfur eða
sjálf eða sjálft.“
Erla Hlynsdóttir
erla@frettatiminn.is
Það eru börn sem
halda að þau séu eini
hinsegin krakkinn í
skólanum.
Hver er ?
Auður Magndís Auðardóttir
12 fréttaviðtal Helgin 14.-16. ágúst 2015