Fréttatíminn - 21.08.2015, Blaðsíða 20

Prófaðu þetta
heyrnartæki í 7 daga
Bókaðu tíma í fría heyrnar mælingu
Sími 568 6880
www.heyrnartaekni.is
Heyrnarskerðing er þreytandi!
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880
Ofurnett - ósýnileg í eyra eða falin á bak við eyra
Alta2 heyrnartækin frá Oticon búa yfir
einstakri tækni sem kallast BrainHearing™.
Þessi tækni hjálpar heilanum að vinna
betur úr hljóði þannig að þú upplifir það
eins eðlilega og hægt er. Með Alta2
heyrnartækjunum verður auðveldara fyrir
þig að heyra og skilja, hvort heldur sem
um lágvært samtal er að ræða eða
samræður í krefjandi aðstæðum.
Ferill
Óttars
2005
A Little Trip To
Heaven
2010
Inhale
2011
Love, Wedding,
Marriage
2011
Korriró - stuttmynd
2013
The Numbers
Station
2015
Hitman: Agent 47
af vinnunni að ég hætti í náminu og
hélt áfram á Stöð 2, þar sem ég var
í þrjú ár,“ segir Óttar. „Þá flutti ég
mig yfir til Saga Film. Eigandinn
Jón Þór Hannesson nánast keypti
mig yfir,“ segir hann.
„Þá byrjaði ég í þessum aug-
lýsingabransa og hægt og rólega
vann maður sig upp í það að fá
erlend verkefni og slíkt, sem ég
geri svo nánast eingöngu í dag.
Fyrsta kvikmyndin sem ég gerði
var svo A Little Trip To Heaven
með Baltasar árið 2005. Síðan þá
hef ég gert nokkrar myndir og
Hitman er sjöunda kvikmyndin
sem ég mynda,“ segir Óttar, sem
vinnur mikið erlendis og er því
lítið heima. Hann segir þó mjög
gott að eiga samastað á Íslandi í
þessum bransa.
„Ég geri sirka 25-30 auglýsingar
erlendis á ári, og á síðasta ári var ég
næstum 300 daga erlendis,“ segir
hann. „Vissulega spilar vinnan við
Hitman þar inn í, en alla jafna er ég
um 230 daga á ári erlendis. Þetta er
mikil fjarvera sem gerir það að verk-
um að maður missir af afmælum og
öðrum viðburðum barnanna,“ segir
Óttar sem er fjölskyldumaður og á
þrjú börn.
„Þetta er algert sjómannslíf en
þetta er líka vinna þar sem maður
þarf að vera sýnilegur,“ segir hann.
„Ef maður ætlar sér að taka frí í eitt
ár þá tekur langan tíma að koma sér
inn í bransann aftur. Maður þarf að
vera sýnilegur og ferskur í þessu.
Sama gerist líka þegar auglýsinga-
tökumenn eins og ég fara í kvik-
myndaverkefni. Þá er eins og fók
gefi sér að maður sé hættur í auglýs-
ingunum, svo maður þarf alltaf að
vera að hamra járnið,“ segir Óttar.
„Það er samt frábært að geta bland-
að þessu saman eins og mér hefur
tekist undanfarin ár. Þetta eru mis-
jöfn verkefni og ólík, en bæði mjög
skemmtileg. Það hvarflaði að mér í
mörg ár að flytja út, en svo er bara
Ísland svo vel staðsett,“ segir Ótt-
ar. „Bæði er stutt í báðar áttir frá
Íslandi og svo er bara gott að búa
hér. Konan og börnin eru í sínum
verkefnum hér heima og mér finnst
alltaf notalegt að lenda í Keflavík
og labba landganginn eftir verkefni
úti,“ segir Óttar.
Fer í lúxussalinn með fjöl-
skyldunni
Aðalhlutverkið í kvikmyndinni Hit-
man: Agent 47 er leikið af Rupert
Friend sem þekktur er fyrir leik
sinn í sjónvarpsþáttunum Home-
land. Upphaflega átti leikarinn Paul
Walker, sem sló í gegn í kvikmynd-
inni Fast And The Furious, að leika
í henni. Þegar undirbúningurinn
á myndinni var hafinn bárust þær
fréttir að Walker hefði látist í bíl-
slysi. Óttar var þá handviss um að
hætt yrði við myndina.
„Walker var byrjaður að æfa fyrir
myndina,“ segir Óttar. „Fréttirn-
ar bárust þegar við voru að skoða
tökustaði í Singapore, sem var mik-
ill skellur og ég var handviss um að
þetta væri búið. Við funduðum með
Fox um kvöldið sem vildu halda
áfram og nokkrum dögum seinna
var búið að ráða Rupert Friend.
Þetta var mjög skrýtið en ég gæti
vel trúað því að þeir tileinki honum
myndina,“ segir Óttar.
Kvikmyndin er frumsýnd hér á
landi í kvöld, föstudagskvöld, og
Óttar er spenntur að sjá. „Ég mun
fela mig í fjöldanum með popp og
kók í lúxus-sal og horfa á myndina
með eiginkonunni og börnunum.
Framundan er ég með nokkrar
auglýsingar á planinu og tvær kvik-
myndir sem eru í undirbúningi og
þessi bransi er nú bara þannig að
þegar eitt verkefni klárast þá tekur
annað við,“ segir Óttar Guðnason
kvikmyndatökumaður.
Hannes Friðbjarnarson
hannes@frettatiminn.is
„Ég geri sirka 25-30 auglýsingar erlendis á ári, og á síðasta ári var ég næstum 300
daga erlendis,“ segir Óttar Guðnason. Ljósmynd/Hari
20 viðtal Helgin 21.-23. ágúst 2015