Fréttatíminn - 21.08.2015, Blaðsíða 52

Nilfisk Þarf að uppfæra flotann?Bæta við eða byggja hann upp?Þekking og þjónusta þér til handa!
Fönix býður þjónustusamninga
við stofnanir og fyrirtæki!

Þjónu
stu-
verks
tæði
Fönix
býðu
r fría
ástan
dssko
ðun
á Nilf
isk
gólfþv
ottavé
lum
O MAM hefur spilað á tónleikum og tónlistar­hátíðum í allt sumar og margir þeirra hafa verið utandyra og fyrir nokkur þúsund manns
í hvert sinn. Það má því segja að Eldborgarsalurinn sé
minnsti staðurinn sem þau hafa spilað á undanfarið.
Hljómsveitin steig á svið á miðvikudagskvöldið
og salurinn fagnaði þeim ákaft. Þau byrjuðu á lög­
unum Thousand Eyes og Crystals af nýju
plötunni og um leið var salurinn á þeirra
bandi. Það var greinilegt að töluvert var
um útlendinga í salnum og þegar Nanna
söngkona spurði hvað margir skildu
ensku frekar en íslensku þá brutust út
mikil fagnaðarlæti. Hljómsveitin var
frekar róleg til að byrja með og stund­
um fannst mér vanta aðeins meira power í hljóðið.
Kannski er það bara ég, en ég saknaði þess að heyra
ekki meira í trommunum og jafn frábærum trommu­
leikara og Arnar trommari OMAM er. Þetta lagaðist
samt þegar leið á.
Tónlist OMAM hefur einhvern keltneskan og
norrænan blæ og í sumum lögum beið ég eftir því
að hópur af Riverdance­dönsurum kæmi inn á sviðið
með Michael Flatley í broddi fylkingar, en það gerðist
ekki. Fimmmenningarnir í OMAM eru vel studdir
af sex manna aðstoðarhópi sem spilar á hin ýmsu
hljóðfæri sem gerir hljóðmyndina mjög þétta og fjöl­
breytta. Lögin King And Lionheart, Empire, Black
Water og Humar ómuðu um salinn. Í hinu fallega lagi
I Of The Storm átti sveitin afbragðsleik og sýndi að
þau geta líka verið á rólegu nótunum.
Á fremsta bekk var hópur útlendinga sem greini­
lega voru miklir aðdáendur því þau stóðu upp ótt og
títt og öskruðu eins og alvöru aðdáendur, þeim Nönnu
og Ragnari til mikillar skemmtunar. Nanna talaði um
að vera fegin að tala loksins íslensku en
stundum vissi hún ekki alveg hvort hún
ætti að tala íslensku eða ensku, skal engan
undra miðað við flakkið að undanförnu.
Eftir lögin Slow Life, Winter Sound og
Hunger sagði Ragnar að nú væri kominn
tími til að standa upp svo fólk fengi ekki
bakverki og salurinn stóð upp, söng með
og dillaði sér við lagið Mountain Sound. Salurinn stóð
svo mestmegnis það sem eftir lifði tónleikanna og
ætlaði allt um koll að keyra þegar Nanna hljóp út í sal í
laginu Lakehouse og fékk fólk til að taka undir. Á eftir
fylgdi smellurinn Little Talks og þau enduðu svo á lag­
inu Six Weeks áður en að uppklappinu kom. Það stóð
ekki á því. OMAM kom aftur inn á svið og tók fjögur
lög til viðbótar og gestirnir klöppuðu vel og lengi.
Tvær ungar þýskar stúlkur sátu fyrir framan mig og
grétu af gleði. OMAM eru rokkstjörnur.
Hannes Friðbjarnarson
hannes@frettatiminn.is
 Tónleikar Of MOnsTers and Men í Hörpu
Óskabörn þjóðarinnar
Of Monsters and Men

Eldborgarsalur Hörpu
miðvikudagur 19. ágúst 2015
Hljómsveitin Of Monsters And Men (OMAM) hefur á undanförnum þremur árum átt ævintýralega
góðu gengi að fagna og er í dag ein af vinsælustu hljómsveitum heims. Plöturnar þeirra, My
Head Is An Animal frá árinu 2011 og Beneath The Skin frá þessu ári, hafa selst í bílförmum um
heim allan og náði sú síðarnefnda að fara beint í þriðja sæti bandaríska Billboard-listans í sömu
viku og hún kom út. OMAM hefur verið á ferðalagi síðan í vor um Bandaríkin, Asíu og Ástralíu og
heldur áfram næsta hálfa árið eða meira. Fólk flykkist á tónleika sveitarinnar og ekki sér fyrir
endann á velgengninni. OMAM hélt í vikunni tvenna tónleika í Eldborgarsal Hörpu og er búið að
vera uppselt síðan í vor.
Of Monsters And Men fannst gott að koma heim. Ljósmynd/Hari
*****„Magnaðir tónleikar og frábær skemmtun,
ég er enn í hláturskasti!”
Anna María Jónsdóttir
C
M
Y
CM
MY
CY
CMY
K
Samleid_12.sept2015.pdf 1 19.8.2015 12:57
Sími: 5 700 900 - prooptik.is
Fullt verð: 28.160,-
TILBOÐSVERÐ:
4.999,-
52 menning Helgin 21.-23. ágúst 2015