Ský - 01.02.2008, Blaðsíða 29

Hvenær vaknaði sú hugmynd að halda kvikmyndahátíð á
Egilsstöðum?
Þessi hugmynd að halda vídeólistahátíð var búin að krauma
inni í mér í nokkur ár. Ég fór í nám til Frakklands og síðar til
Bretlands og vann bæði eftir mitt framhaldsnám í listum við listir
og einnig sem stundakennari í listaháskóla í Manchester. Ég
var reyndar búin að gleyma þessu en fyrrverandi kollegi minn í
Bretlandi minnti mig á þetta þegar að við fórum út með hátíðina
sl. haust.
Svo hefur komið að framkvæmdinni?
Já. Þegar að ég ákvað að flytja aftur til Íslands og hingað austur
á land sá ég endalaus tækifæri. Hitti margt fólk sem var spennt
fyrir nýjungum og það skemmtilegasta var að það reyndist ekki
svo erfitt að fá styrki í að halda hátíðina. Nú er hún á þriðja
aldursári og hefur dafnað vel.
Ekki ertu ein að verki?
Nei. Skemmtilegast er einmitt hve margir hafa komið að
hátíðinni og hafa áhuga á að sýna myndir á henni. Hún er ennþá
að þróast og hefur lengst í vikuhátíð með aukahátíðum erlendis.
Í ár hefur okkur verið boðið að koma aftur til Manchester í
Bretlandi, Arizona í Bandaríkjunum og einnig hefur okkur verið
boðið að koma á nýja hátíð í Svíþjóð og halda fyrirlestur um
okkar reynslu.
Koma einhverjir listamenn á hátíðina sjálfir?
Við reynum að fá sem flesta af þeim hingað austur, en náum
ekki að bjóða nema tveimur listamönnum því að við erum með
sérstök peningaverðlaun fyrir „mynd hátíðarinnar“ og „íslenska
mynd hátíðarinnar“. Mér fannst alltaf mikilvægt að geta gefið
eitthvað til baka til listamannanna sjálfra því að ég hef sjálf sent
myndir á svona hátíðir út um allan heim og yfirleitt fær maður
aldrei neitt til baka sjálfur. Stundum fær listamaðurinn ekki einu
sinni verkin sín til baka – þannig að fyrir mér var þetta mikilvægt
atriði að geta gefið smá til baka!
Hvernig er hægt að halda uppi svona
menningarstarfsemi á landsbyggðinni?
Við hefðum aldrei getað haldið þessa hátíð án hjálpar frá
Fljótsdalshéraði og hún er haldin í samstarfi við Menningarmiðstöð
Fljótsdalshéraðs. Það eru líka fleiri sem styrkja okkur og ég hvet
alla til að skoða heimasíðuna okkar www.700.is til að kíkja á það
og fleiri upplýsingar. sky,
Alltaf mikilvægt að geta
gefið eitthvað til baka
Kvikmyndahátíðin 700IS Hreindýraland verður haldin á Egilsstöðum
29. mars til 5. apríl. Af því tilefni tókum við Kristínu Scheving tali en
hún hefur borið hitann og þungann af starfinu undanfarin ár.
1. tbl. 2008 | ský 2
Listir