Ský - 01.02.2008, Blaðsíða 35

1. tbl. 2008 | ský 35
Það er stundum hægara sagt en gert að finna rétta titilinn til að setja við nafn viðmælanda, sérstaklega
hjá þeim sem koma víða við - viðmælandi
Skýja hún Guðrún Þórsdóttir eða Gunna
Þórs eins og hún er kölluð er dæmi um
slíka manneskju. Eitt er þó víst, Gunna
er ein þeirra sem leggur lóð sitt á vogaskál-
arnar í fjölbreyttu menningar- og mannlífi
á Akureyri og þessa dagana eru fjölmörg
verkefni í deiglunni hjá henni, m.a. skipu-
lagning á Akureyri International Music
Festival eða AIM Festival sem fram fer á
Akureyri aðra helgina í júní og Akureyrar-
vöku sem er í lok ágúst og er endapunktur-
inn á Listasumri á Akureyri.
En hvernig kom það til að Gunna, sem
áður bjó í höfuðborginni og var eins og
grár köttur í miðborgarmenningunni
ákvað að söðla um og setjast að á
Akureyri?
Þökk sé ástinni og akademíunni, maður-
inn minn er héðan og var að hefja nám
við Háskólann á Akureyri þegar við kynnt-
umst.

Var eitthvað sem að kom þér á óvart í
mannlífinu á Akureyri?
Þegar kona flytur úr fjöldanum á höfuð-
borgarsvæðinu í bæjarfélag sem telur um
sautján þúsund íbúa þá á kona alveg eins
von á því að það sé mun minna um að vera
en í höfuðborginni en ég hef komist að því
að svo er ekki. Ef við tökum t.d. allrahanda
menningu sem ég hef verið svolítið viðloð-
andi þá eru opnanir í galleríunum í Lista-
gilinu mjög tíðar og krafturinn og eljan í
listafólki hér er hreint með ólíkindum. Ég
þori nánast að fullyrða að hlutfallslegur
fjöldi gallería á Akureyri er heimsmet! Mig
langar líka til að nefna hversu mikil snilld
það er þegar listamennirnir taka sig til og
opna allir sýningar sama dag og ný sýning
opnar í Listasafninu á Akureyri. Þá verður
allt í einu til listahátíð, þar sem upplagt er
að rölta á milli sýninga af öllum stærðum
og gerðum og fara svo á kaffihúsi. Næsta
listahátíð af þessu tagi er einmitt 15. mars
þegar sýningin Bæ bæ Ísland opnar í Lista-
safninu. Það sem hefur líka komið mér á
óvart svona burtséð frá menningunni það
er hversu mikil útivistarparadís Akureyri
er, hér er stutt upp á hálendið, á sumrin sé
ég beljurnar jórtra við bæjarmörkin og hér
eru margar mjög flottar gönguleiðir.

En hvað með framboð af tónlist á
Akureyri, þú hlýtur að fylgjast vel
með í þeim efnum svona með tilliti til
þess að vera að skipuleggja tónlistar-
hátíðina AIM festival?
Jú jú, ég reyni að fylgjast með þó svo að
kollegi minn hann Baldvin Esra sé ekki
alltaf sama sinnis, ég er alltof mikil vinnu-
kona til að gleyma mér í að hlusta og
spekúlera. Ég læt þeim það eftir listrænu
stjórnendum AIM, þeim Pálma Gunnars-
syni og Jón Hlöðveri Áskelssyni enda eru
þeir upphafsmenn AIM Festival. Það verður
að segjast að þróunin í tónlistargeiranum
hefur verið ótrúleg hér síðustu ár. Það er
nánast sama hvað smekk á tónlist fólk hefur,
popp, rokk, djass, blús, klassík, pönk...bara
nefndu það, það er alltaf eitthvað í boði.
Svo verður auðvitað þvílík breyting fyrir
t.d. Sinfóníuhljómsveit Norðurlands þegar
Menningarhúsið Hof verður tilbúið og það
sama gildir auðvitað um AIM festival. Ég vil
líka meina að hér á Akureyri sé einn mest
sjarmerandi tónleikastaður landsins en það
er Græni hatturinn sem á engan sinn líkan!

Talandi um tónlist, er enginn beygur
í skipuleggjendum AIM festival að
standa fyrir alþjóðlegri tónlistarhátíð á
ekki stærri stað en Akureyri?
Nei af hverju ættum við að vera hrædd
við að standa fyrir alþjóðlegum viðburði á
Akureyri, við erum reynslunni ríkari því í
ár er AIM hátíðin haldin í þriðja sinn og
undirbúningshópurinn stækkar. Hér er líka
allt sem prýðir góða ferðaþjónustu. Flug-
félag Íslands sér um að greiða fluggötuna
(Gunna brosir) og ég get nefnt sem dæmi
að á ekki stærri stað eru 5 hótel, 12 gisti-
heimili, 200 orlofsíbúðir og 2 tjaldsvæði,
þannig að gisting er ekki vandamál. Það er
líka ótrúleg flóra af veitingastöðum, skyndi-
bitastöðum og kaffihúsum og svo er ég
persónuleg mjög hrifin af áherslunni sem
lögð hefur verið á að kynna Mat úr héraði,
það að fara út að borða undir merkjum
Local food er nærandi upplifun. Sumsé allt
til alls bæði fyrir ferðamanninn og okkur
sem búum hér í sælunni segir Gunna Þórs
menningar- og mannlífsáhugamanneskja
með meiru og brosir breitt. sky,
Ástin og
akademían
náðu mér
norður Ljósmyn
d
: R
Ag
n
H
iL
d
u
R
A
ð
AL
s
te
in
s
d
ó
tt
iR
Guðrún Þórsdóttir leggur lóð sitt á
vogaskálarnar í fjölbreyttu menningar- og mannlífi á Akureyri.
Guðrún Þórsdóttir.