Ský - 01.02.2008, Blaðsíða 17

1. tbl. 2008 | ský 17
Raggi Bjarna
bauð Ragnari að taka við í Súlnasalnum. Konráð Guðmundsson
hótelstjóri var sáttur við þessa ráðstöfun og þegar Svavar leysti
hljómsveitina upp í lok ágúst 1965 var búið að stofna Hljómsveit
Ragnars Bjarnasonar.
Meðal þeirra sem skipuðu sveitina voru gamlir félagar Ragnars
úr KK-sextettinum, Árni Scheving víbrafónleikari og Guðmundur
Steingrímsson trommari. Fljótlega bættist Jón Sigurðsson
bassaleikari í hópinn. Sigurður kanslari, æskuvinur Ragnars,
var sjálfkjörinn ásamt Gretti Björnssyni harmonikuleikara.
Ætlunin var að starfrækja hljómsveitina í einn vetur eða svo,
en hljómsveitin naut það mikilla vinsælda að þegar yfir lauk
voru veturnir í Súlnasal orðnir 19 talsins. Það var brjálað að
gera hjá þeim 5-6 kvöld í viku og hljómsveitin skemmti á alls
kyns samkomum fyrir alla aldursflokka. Ragnar var nýbúinn að
fá sér nýjan Rambler þegar hann tók við hljómsveitarstjórninni
og stundaði leigubílaharkið af fullum krafti meðfram söngnum.
Hann keyrði flesta daga þar til hljómsveitin steig á svið og fór
beina leið á rúntinn eftir böllin. Hann vildi ekki taka farþega
sem höfðu verið að skemmta sér í Súlnasal en staðsetti sig fyrir
utan veitingastaðinn Glaumbæ þar sem unga fólkið hélt sig mest.
Ragnar hafði meira en nóg að gera á þessum tíma enda veitti
ekkert af tekjunum. Þegar þau Helle fluttu til Íslands haustið
1964 áttu þau ekkert og fannst mikilvægt að koma fjárhagnum
í lag sem fyrst. Ragnar sinnti akstrinum til 1976, en eftir það
gerði hann út leigubíl með öðrum bílstjórum í nokkur misseri. Á
þessum árum kynntist hann margvíslegum hliðum mannlífsins,
enda er sagt að leigubílstjórar og barþjónar njóti þess vafasama
heiðurs að heyra duldustu leyndarmál viðskiptavina sinna.
Skemmtikraftar á ferð
Sumarið 1966 var Hljómsveit Ragnars ráðin til að skemmta
á héraðsmótum Sjálfstæðisflokksins. Ragnar bar ábyrgðina á
skemmtidagskránni og að ráða fólk í ýmis hlutverk. Það þýddi
ekki að vera með neitt kæruleysi og Ragnar sannfærði vinsælasta
grínista landsins, Ómar Ragnarsson, um að taka þátt í verkefninu.
Þeir höfðu hljóðritað lagið Sjómenn íslenskir erum við, úr
söngleikritinu Járnhausnum eftir bræðurna Jón Múla og Jónas
Árnasyni. Það fór vel á með þeim og samstarfið átti eftir að leiða
af sér fjölbreytt verkefni næstu árin.
Ríkissjónvarpið hóf útsendingar haustið 1966 og þar skipaði
tónlist stóran sess. Hljómsveit Ragnars Bjarnasonar gerði nokkra
skemmti- og tónlistarþætti fyrir Sjónvarpið og kom reglulega
fram í Útvarpinu. Á sumrin þræddu þeir samkomuhús landsins
en 1969 og 1971 voru síðustu árin sem héraðsmótin voru við
Sumargleðin á ferð
og flugi. Ragnar,
Þuríður Sigurðardóttir,
Jón Sigurðsson,
Andrés Ingólfsson,
Árni Scheving, Eyþór
Stefánsson og Stefán
Jóhannsson kveðja
Ómar sem flýgur af stað
á Frúnni með farþegann
Bessa Bjarnason í
aftursætinu.