Ægir - 01.03.2015, Blaðsíða 17

17
til vinnslu; hrogn söltuð og
hveljan fryst. 8-10 grásleppu-
bátar hafa verið við veiðar á
staðnum í vor og því skapast
talsverð vinna í kringum úr-
vinnslu á afla bátanna á staðn-
um.
Sóknarmark og svæðaskipting
henta makrílveiðunum
Þegar grásleppuvertíðinni lýkur
reiknar Jón með að gera Sæ-
borgina klára fyrir makrílveiði í
sumar, þ.e. fái hann á annað
borð tækifæri til að stunda þær
veiðar.
„Ég átti nú sennilega stystu
makrílvertíð flotans í fyrra, þ.e.
einn dag! Tók ákvörðun seint
um að setja makrílbúnað í bát-
inn, sem ég gerði á mettíma, og
svo þegar allt var orðið klárt
ætlaði ég vestur á Hólmavík en
fékk þá tilkynningu um að að-
eins yrðu veiðar leyfðar einn
dag til viðbótar. Þannig að ég
sneri til baka til Bakkafjarðar og
fiskaði þar makríl þennan eina
dag á flóanum og fékk ágætan
afla, þ.e. yfir þrjú tonn af væn-
um og góðum makríl,“ segir
Jón en að hans mati er van-
hugsuð leið að kvótasetja smá-
báta í makríl. Hann vill sjá aðrar
leiðir.
„Að mínu mati ætti að setja
makrílinn í sóknarmark eins og
grásleppuna og svæðaskipta
veiðunum svo að ekki séu allir í
einum hnapp fyrir sunnan land
að veiða. Síðan er líka hitt að
með kvótasetningunni er verið
gefa örfáum gríðarleg verð-
mæti sem bjóða upp á að menn
veðsetji kvótann fyrir lánum
sem síðan verði afskrifuð ef og
þegar makríllinn hverfur. Eins
og venjulega verða það þá þeir
sem halda áfram að borga af
sínum lánum sem í rauninni
borga brúsann. Þetta höfum við
séð annars staðar í útgerðinni
og ætti að forðast að fara út í
það sama í makrílnum.
Makríllinn er að mínu mati
tilvalinn fyrir sóknarmarkskerfi
því tæknin í dag er orðin þann-
ig að hægt er að hafa fullkomið
eftirlit með hverri hreyfingu
bátanna. Og sóknarmark hefur
það umfram kvótakerfi að vera
ekki hvetjandi til að henda
verðminni fiskinum því það er
alveg staðreynd að í kvóta leita
menn allra leiða til að hámarka
afraksturinn og koma með
verðmætasta fiskinn í land en
henda hinu. Sú leið að kvóta-
setja er því að mínu mati al-
röng, hefur mikla galla og ég
hreint og beint trúi ekki að hún
verði farin,“ segir Jón og telur
einboðið að búið sé að ganga
hart fram í veiðum á makrílæt-
um svo sem stórfiskum á borð
við túnfisk, sverðfisk og fleiri
tegundum og hafa þannig áhrif
á að makrílstofninn hafi blásið
út. Vitneskjan um raunverulega
stærð makrílstofnsins sé því
ekki fyrir hendi. Þekking á
göngumynstri og viðveru mak-
ríls á grunnslóð sé alls ófull-
nægjandi.
„Benda má á að makríll er
kominn hingað norður í ætisleit
og étur allt sem hann ræður
við. Seiði nytjastofna okkar eru
á matseðli hans hér við landið
og áhrifin af veru makrílsins á
landgrunninu eru því ekki kom-
in fram.
Ein kenningin er að um tvo
stofna sé að ræða sem komi
hingað upp að landinu. Að
minnsta kosti höfum við tekið
eftir að makríllinn er talsvert
stærri sem veiðist fyrir austan
og norðan land en fyrir sunnan.
Og síðan má líka benda á að
með skiptingu veiða á svæði
fengjum við betri mynd á mak-
rílgöngurnar við landið. En líkt
og aðrir bíð ég eftir að sjá
hvaða fyrirkomulag verður í
boði við veiðarnar í sumar og
vona auðvitað að niðurstaðan
verði þannig að ég geti veitt
hér á heimaslóðinni,“ segir Jón.

Aðal- og hjálparvélar í miklu úrvali ásamt öllu tilheyrandi
Sérhæfð ráðgjöf, viðhalds- og varahlutaþjónusta
Áratuga reynsla og þekking
... í þjónustu við útgerðina
TIL DÆMIS:
SOLE SM-105 Skrúfuvél
95 Hö við 2500 sn/mín.
Rúmtak: 4,996 ltr.
Eigum úrval af viðurkenndum þenslutengjum fyrir röralagnir á lager
TIL DÆMIS:
Gerð: S8U-MPTK
1343 kW við 1060 sn/mín.
Borvídd x slaglengd: 240 x 260
Rúmtak: 94,10 ltr.
Mengunarvottun : IMO2
TIL DÆMIS:
MAS 1350-S Skipsrafstöð
Vél: S12R-MPTAW.
1351 kW við 1500 sn/min 50Hz
Mengunarvottun : IMO2
MD VÉLAR | Vagnhöfða 12 | 110 Reykjavík | Sími 567 2800 | Fax 567 2806 | hjalti@mdvelar.is | www.mdvelar.is