Ægir - 01.03.2015, Blaðsíða 19

19
Fyrir um fjórum árum söðlaði
hann svo um og fór á strand-
veiðarnar. Hann segir sér þykja
gott að vera eigin herra.
„Þetta gekk mjög vel og tíð-
arfarið hérna á okkar svæði var
gott. Strandveiðarnar eru krefj-
andi en að sama skapi gefandi.
Ég fer út á miðnætti og þetta
eru yfirleitt tólf til fjórtán tíma
róðrar. Ég er því að landa svona
öðru hvoru megin við hádegi.
en við megum vera úti í fjórtán
tíma mest. Ég ræ á næturnar
því mér finnst betra veður þá,
minni vindur og svo er bjart all-
an sólarhringinn á þessum árs-
tíma. Fyrir mig er þetta hentugt
fyrirkomulag en það hentar alls
ekki öllum og sennilega ekki
fjölskyldumönnum með lítil
börn,“ segir Árni Björn.
Árna Birni finnst fyrirkomu-
lag strandveiðanna yfirhöfuð
ágætt þótt vissulega megi
gagnrýni vissa hluti. Kerfið
reyni á einstaklingana og þrýsti
á marga að halda út til veiða í
tvísýnu veðri. En það verði allir
að meta hlutina fyrir sig og
menn ættu ekki að setja sig í
lífshættu fyrir nokkra þorska.
„Menn uppskera eins og þeir
sá í þessum veiðum. Sumir hafa
þetta í sér en aðrir ekki. Ef þessu
er illa sinnt kemur það strax
niður á árangrinum. Þeir sem
leggja sig mikið fram uppskera
vel eins og í allri annarri vinnu.
En í grunninn er þetta bara
hörkuvinna og fyrir mér ekki
áhugamál þótt margir líti þann-
ig á strandveiðarnar. Það virðist
sem flestir sem ekki eru á
strandveiðunum líti á þær eins
og skemmtilegt áhugamál í
góðu veðri með fisk á öllum
krókum. Veruleikinn er samt dá-
lítið annar,“ segir Árni Björn.
Hann segir að fyrirkomulag
strandveiðanna sé þannig að
ákveðnum tonnafjölda, eða
8.600 tonnum síðastliðið sum-
ar, er skipt á fjögur veiðisvæði
og afla á hverju svæði er skipt á
mánuðina maí, júní, júlí og
ágúst. Fyrirkomulagið mætti
vera með þeim hætti að mönn-
um gæfist kostur á veiðum yfir
lengra tímabil. Stuttur veiðitími
dugi nýliðum tæplega til þess
að geta komið sér af stað innan
kerfisins. Auk þess séu veiðarn-
ar afar svæðisbundnar. Besti
tíminn fyrir sunnan segir Árni
Björn vera í maí og júní en júlí
og ágúst fyrir norðan.
Dýrt að hefja strandveiðar
Talsverður startkostnaður fylgir
því að fara inn í strandveiðarnar
ef menn byrja með tvær hend-
ur tómar. Árni Björn segir að
bátur til veiðanna kosti á bilinu
12-15 milljónir króna. En svo
þurfi margvíslegan annan bún-
að til viðbótar.
„Ég myndi halda að það
kostaði að lágmarki 15 milljónir
kr. að fara af stað. Mönnum
gefst ekki langur tími á hverju
sumri til veiðanna og innkoman
er ekki það mikil. Það þurfa allir
að vinna með þessu. Stærsti
gallinn við þetta kerfi er að inn í
það hafa komið töluvert margir
sem hafa þetta að áhugamáli
og nýta sumarfríið sitt til
strandveiðanna. Menn virðast
ekki átta sig á því að þeir eru að
taka úr potti sem var ætlaður til
auðvelda mönnum að hefja út-
gerð,“ segir Árni Björn.
Almennt séð er Árni Björn
ekki hlynntur kvótakerfinu eins
og það er útfært. „Það þarf ekki
annað en að líta dálítið í kring-
um sig til þess að sjá að kvótinn
færist á stöðugt færri hendur
og stöðugt færri vinna við fisk-
veiðar. Þá hverfur ákveðin
þekking út úr greininni. Það
mætti auka frelsið til veiðanna
og sveigjanleikann. Varðandi
strandveiðarnar þá mætti til
dæmis lengja veiðitímabilið.“
Lundey í Húsavíkurhöfn.
„Ég ræ á næturnar því mér finnst betra veður þá, minni vindur og svo er
bjart allan sólarhringinn á þessum árstíma. Fyrir mig er þetta hentugt
fyrirkomulag en það hentar alls ekki öllum og sennilega ekki fjölskyldu-
mönnum með lítil börn,“ segir Árni Björn.