Ægir - 01.03.2015, Blaðsíða 18

18
Árni Björn Kristbjörnsson frá
Húsavík gerir út smábátinn
Lundey ÞH og var næsthæstur á
strandveiðum síðastliðið sumar
með 37,8 tonn í 45 róðrum.
Báturinn er í eigu föður hans en
Árni Björn rær einn og líkar vel.
Hann gerir bátinn út sjö mán­
uði á ári og hefur þess utan tek­
ið nokkra afleysingatúra á öðr­
um bátum.
„Ég hef nú aldrei verið neitt
sérstaklega stressaður yfir því
að vera á lista yfir þá hæstu. Ég
byrjaði veiðarnar til dæmis ekki
fyrr en 20. maí í fyrra en mátti
byrja 1. maí. Ég var nú ekki
stressaðri en það. En auðvitað
er það markmiðið eftir að mað-
ur byrjar að ná þessum tæplega
800 kílóum á hverjum degi.“
Hann lítur björtum augum
til nýhafinnar strandveiðivertíð-
ar og er um þessar mundir að
gera bátinn kláran. Hann reikn-
ar með að fara nokkra daga á
netaveiðar áður en strandveið-
in hefst. „Ég er mjög hrifinn af
því að vera hérna úti með Tjör-
nesinu og út á Máneyjarhrygg.
Ég þekki þetta svæði vel og
sæki þess vegna þangað. Þarna
er fjallasýnin falleg .“
Tíðarfarið var gott
„Sumir sem voru á strandveið-
unum í byrjun völdu það að
fara frekar í makrílinn því þar
fengu menn frelsi til að veiða.
Mér sýnist að þeir sem fóru þá
leið séu að uppskera ágætlega
núna þegar verið er að setja
makrílinn í kvóta. Það hefði
sennilega verið sniðugri kost-
ur,“ segir Árni Björn.
Hann hefur verið til sjós frá
því hann var 18 ára gamall og
aðallega á stærri fiskiskipum.
Árni Björn Kristbjörnsson á Lundey ÞH meðal þeirra aflahæstu á
strandveiðunum í fyrra:
„Strandveiðarnar eru
krefjandi en gefandi“
S
tra
n
d
b
á
ta
r
„Það virðist sem flestir sem ekki eru á strandveiðunum líti á þær eins og skemmtilegt áhugamál í góðu veðri með fisk á öllum krókum. Veruleikinn
er samt dálítið annar.“