Reykjalundur - 01.06.1951, Blaðsíða 20
Circus Xoo.
Innan fárra daga frá útkomu þessa rits
mun gerast nýstárlegur viðburður í skemmt-
analífi voru. Cirkus mun heimsækja höfuð-
staðinn í fyrsta sinn, til að sýna landsmönn-
um ævintýraheima fjölleikanna, bjóða þeim
að njóta þeirrar dægrastyttingar, sem einna
mestrar hylli nýtur með ungum og gömlum
í öðrum löndum.
Cirkus Zoo frá Stokkhólmi kemur á veg-
um S. I. B. S. til Reykjavíkur í þessum mán-
uði á hinu góða skipi Gullfossi, að öllu for-
fallalausu. Meðferðis hefur hann listamenn
sína, dýr og tilfæringar allar, að hestum
undanskildum.
Marga erfiðleika hefur sambandið orðið
að yfirstíga, margt hefur verið skrifað og
skrafað og margir snúningar farnir, áður
en svo langt var komið, að bjóða mætti lands-
mönnum að líta það, sem fram fer á hinu
framandi og nýstárlega sviði, sem Cirkus
Zoo hefur að bjóða.
Cirkus þessi er tahnn eiga fleiri og betri
dýr en nokkur annar, sem nú ferðast um
Norðurálfu. Sá, er þettá ritar, hefur átt kost
á því, að horfa á tveggja tíma sýningu hjá
honum á þessu sumri í Stokkhólmi og gleymt
þar stund og stað við furðusýnir, sem hver
af annarri birtust á skrautlýstu sviðinu.
Horft í leiðslu á glæsileg og mikilúðleg ljón,
liðuga birni og volduga fíla leika listir sínar,
hlýðin og auðsveip, sem dáleidd væru af
húsbónda sínum og meistara. Vaknað af
leiðslu við sinn eigin hlátur við skringileik
dverganna Lodos og Robertos. Setið hefur
hann á nálum af ótta um illan endi á glæfra-
leik fimleikamannanna og notið hinnar
óskiljanlegu lyktar, sem lagði um risatjald-
ið allt. Þessarar lyktar, sem hvergi finnst
nema í cirkus. Ógleymanleg skemmtun.
Cirkus hefur á vorri tungu hlotið nafn-
Cirkus Zoo — Bjarndýrin.
ið fjölleikahús, og mun nafnið skírskota til
þeirrar fjölbreytni um skemmtiatriði, sem
þar fara fram.
18
Reykjalundur