Reykjalundur - 01.06.1951, Blaðsíða 42

Ný lyf.
Fregnir aC nýjum berklalyfjum eru
alltaf öðru hvoru að berast. Mönnum er
ráðlagt að taka slíkum fregnum með
varúð. Blaðinu þótti þó rétt að geta
þessa lyfs, sem hér er lýst.
Eftirfarandi grein er tekin úr Life frá 16.
júlí s. 1., og birtist hér lauslega þýdd.
Á læknaþingi, höldnu í Róm í júní s. 1.,
flutti sænskur sýklafræðingur, Hans Davide
að nafni, skýrslu um uppgötvun, sem e. t. v.
á eftir að verða talin ein af hinum merkustu
í seinni sögu lyfjafræðinnar. Er hér um að
ræða nýtt berklalyf, svo máttugt, að það
á að geta drepið berklasýkilinn í manns-
líkamanum.
Lyf þetta er árangur stöðugra rannsókna,
er byrjuðu fyrir 16 árum síðan. Davide hóf
þá tilraunir með vissar tegundir sýkla, er
hann ól á öðrum tegundum, og með því að
setja hinn algenga sýkil Proteus í upplausn
af kjötseyði og dauðum berklasýklum og
síðan smám saman að eyða seyðinu, vandi
hann Proteus-sýkilinn á að lifa eingöngu á
hinum illræmda sýkli. Davide áleit að um
leið og Proteus-sýkillinn lærði að lifa á
berklasýklinum, hefði hann öðlast sérstak-
an hæfileika til að framleiða efni, er ynni
á berklasýklinum. Hið sama efni bjóst hann
við að myndi drepa lifandi sýkla í trefjum
veikra dýra.
Til að prófa þessa hugmynd sína hrein-
ræktaði hann Proteus-sýklana, drap þá með
hita og sprautaði þeim inn í berklaveika
grísi. Árangurinn var mjög eftirtektarverð-
ur, hinir sprautuðu grísir fitnuðu og frísk-
uðust á meðan hinir, sem ekki voru spraut-
aðir, vesluðust upp.
En Davide vissi að þetta var aðeins byrj-
unin. Það myndi nauðsynlegt að finna hvaða
efni þetta var og að framleiða það hreint og
óskaðlegt. Hann leitaði aðstoðar vinar síns
Hugo Theorell, yfirmanns lífeðhsfræðideild-
ar Nobel-læknastofnunarinnar og unnu þeir
sjö ár samfleytt saman við tilraunir. Loksins
s. 1. vor, tókst þeim að einangra hið hreina
efni, er þeir höfðu leitað svo lengi að.
Lyfið, nefnt Protaptin eftir sýklinum, sem
myndaði það, er nú tilbúið til nákvæmra
læknisfræðilegra athugana, sem munu skera
úr um gildi þess.
Ef það stenzt þær tilraunir, mun það
hjálpa til að yfirvinna berklaveikina. Og
það sem mikilsverðara er, það mun sanna
þýðingu aðferðarinnar sem notuð er við
framleiðslu þess, — aðferð, sem þá yrði að
líkindum notuð til að framleiða (örugg)
mótlyf gegn öðrum bakteríu-sjúkdómum.
Matsveinn nokkur á fiskiskútu frá Þingeyri var mjög
undarlegur og eru sagðar af honum margar sögur.
Fara tvær þeirra hér á eftir:
Eitt sinn var hann látinn leggja niður trossu í lest
skútunnar á Breiðafirði. Tekur skipstjórinn eftir því,
að hann gerir hana upp öfugt og kallar til hans:
„Hvað er að sjá til þfn maður, veiztu ekki hvernig
sólin gengurr"
Karl rís upp með hægð, og segir með þjósti:
„Hvernig á ég að vita hvemig sólin gengur, suður
í bugt og niður í lest?"
•
Öðru sinni færir hann skipstjóra kaffi. Skipstjóri
var ekki í sem beztu skapi og segir karli, eftir að hafa
bragðað það, að slíkt bölvað sull vilji hann ekki sjá.
Karl fer og kemur aftur litlu síðar með kaffi. Skip-
stjórinn drekkur það, en karl bíður á meðan. Þegar
skipstjóri hefur lokið úr könnunni, spyr karl, hvernig
honum hafi nú Jíkað kaffið. Skipstjóri segir það hafa
verið ágætt. Þá segir karl og hlær við: „Það var sama
kaffið".
☆ ☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆'ír'ír'írTÍr "trti ☆☆☆☆☆☆☆☆☆☆
Trésmiðjan í Silfurtúni tekur að sér alla trésmíðavinnu. ★
☆ ☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆'ír'íz'* *''ír‘r'ír*'ít'*'!:t'ú''*'ír'íf'ö'
40 Reykjalundur