Morgunblaðið - 07.02.2015, Page 4

4 FRÉTTIRInnlent
MORGUNBLAÐIÐ LAUGARDAGUR 7. FEBRÚAR 2015
Benedikt Bóas
benedikt@mbl.is
Ferðaþjónusta fatlaðra hefur verið
mikið á milli tannanna á fólki frá því
breytt var um kerfi og nýtt tölvu-
kerfi tekið í notkun í nóvember í
Reykjavík. Frá áramótum hefur
nánast allt klúðrast við innleiðinguna
á nýja kerfinu sem gat farið úrskeið-
is. Fór svo að neyðarstjórn var sett
til að taka málið fastari tökum.
Á landsbyggðinni er einnig rekin
ferðaþjónusta fyrir fatlaða og hún
gengur vel. Hjá Akureyrarbæ feng-
ust þær upplýsingar að bærinn væri
með sama kerfi og var í Reykjavík
fyrir breytingu. Þar væri handraðað
af fólki í þá fimm bíla sem bærinn
ræki. Gert væri ráð fyrir að biðtím-
inn eftir bílnum væri ekki meira en
tvær, stundum þrjár mínútur. Panta
þarf bíl á Akureyri með sólarhring-
sfyrirvara.
Hjá Vestmannaeyjum er einn bíll í
stöðugum rekstri og gengur rekst-
urinn á honum vel. Notendur eru
ánægðir, bæði með bílinn og bílstjór-
ann. „Þjónustan er mannleg og fín.
Þetta er ekki flókinn rekstur, við er-
um það lítið sveitarfélag og það er
einn starfsmaður sem sinnir þessu,“
sagði Elliði Vignisson, bæjarstjóri í
Vestmannaeyjum.
Einfalt að hlusta
Hjá Fljótsdalshéraði er einnig
einn bíll í rekstri. Þar er einn bíl-
stjóri og ekkert gjald tekið fyrir
ferðir sem farnar eru með honum.
Bílstjórinn þekkir alla með nafni,
segir í svari frá bæjarskrifstofunni.
Nágrannar þeirra í Fjarðabyggð
tóku nýjan bíl í notkun í vor því sá
gamli var úr sér genginn. Bíllinn er
vel útbúinn og eftir heimsókn Sjálfs-
bjargar var honum hrósað fyrir að
vera með sérstakan bakstuðning aft-
ur í. Sigrún Þórarinsdóttir félags-
málastjóri segir að bærinn hafi lagt
við hlustir þegar nýr bíll var keypt-
ur. „Þegar bíllinn var keyptur var
ferlið þannig að þroskaþjálfi og bíl-
stjórinn, sem hefur mikla reynslu,
voru með í ferlinu að kaupa hann
ásamt framkvæmdasviði.
Það er nauðsynlegt að fólk með
þekkinguna taki þátt í þessu ferli því
það veit hvernig þessir bílar eiga að
vera útbúnir. Hér var hlustað á allar
raddir. Það hefur mikið að segja að
hafa fagaðila með á öllum stigum.
Það er nefnilega einfaldur hlutur að
hlusta.“ Hjá Kópavogi fengust þau
svör að þjónustan gengi mjög vel.
Það er verið að skipta við sama fyr-
irtæki og undanfarin ár og eru á
bilinu 160-190 að nýta sér þjón-
ustuna. Ekki fengust svör frá Ísa-
fjarðarbæ.
Engin vandamál á landsbyggðinni
Morgunblaðið/Þorgeir Baldursson
Norðan heiða Bílstjórar frá ferðaþjónustu fatlaðra á Akureyri þar sem not-
ast er við kerfi eins og var í Reykjavík áður en því var breytt.
 Ferðaþjónusta fatlaðra á landsbyggð-
inni gengur vel  Nýr bíll í Fjarðabyggð
Kaupum bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Baldur Arnarson
baldura@mbl.is
Batnandi horfur um viðskiptajöfnuð
hafa aukið líkur á efnahagslegum
stöðugleika á næstu misserum og um
leið styrkt grundvöll fyrir frekari
kaupmáttarstyrkingu launþega.
Þetta er mat Jóns Bjarka Bents-
sonar, hagfræðings hjá Greiningu
Íslandsbanka. Tilefnið er nýútkomin
Peningamál Seðlabankans þar sem
segir að vegna hagfelldari þróunar
vöru- og þjónustuviðskipta en horfur
voru síðastliðið haust sé „útlit fyrir
að afgangur verði á undirliggjandi
viðskiptajöfnuði út spátímann“, sem
er til ársloka 2017. Spáir Seðlabank-
inn nú að mældur viðskiptajöfnuður
verði 4,2% í ár, borið saman við 1,3%
í fyrri spá, 2,5% á næsta ári, en ekki
-0,3% eins og í fyrri spá, og 2,5% árið
2017, en ekki 0% eins og í fyrri spá.
Jón Bjarki segir Greiningu Ís-
landsbanka taka undir þessa spá.
Batnandi viðskiptakjör, vöxtur
ferðaþjónustu og hraðari niður-
greiðslur á erlendum lánum en bank-
inn „þorði að vona“ eigi þátt í því.
„Það að lengt skuli hafa verið í
Landsbankabréfinu og að viðskipta-
kjarabati og útflutningsvöxtur virð-
ist skila meiri viðskiptaafangi en við
þorðum að vona fyrir hálfu ári hefur
samanlagt aukið mikið líkurnar á því
að við verðum sjálfum okkur nóg um
gjaldeyri á komandi árum.“
Staðan að þróast til betri vegar
Sigríður Benediktsdóttir, fram-
kvæmdastjóri fjármálastöðugleika
hjá Seðlabankanum, segir bættan
viðskiptajöfnuð gefa tilefni til bjart-
sýni „hvað varðar endurgreiðsluferli
þjóðarbúsins en þó að teknu tilliti til
þess að aflandskrónuvandinn og
vandi gömlu bankanna verði leyst-
ur“. Endurgreiðslugeta þjóðarbús-
ins hafi batnað mikið undanfarið.
„Við [á fjármálastöðugleikadeild
SÍ] höfum bent á áhættur. Megin-
áhætturnar varða mögulegt útflæði
vegna gömlu bankanna og af-
landskrónanna. Svo höfum við bent á
að þótt við værum með fjármagns-
höft sé til staðar áhætta óháð höft-
um, sem er endurgreiðslugeta þjóð-
arbúsins. Það má enda greiða af
skuldum, óháð fjármagnshöftum. Sú
áhætta hefur minnkað verulega,“
segir Sigríður og nefnir lengingu á
skuldabréfi Landsbankans og betri
horfur varðandi viðskiptajöfnuð sem
skýringar í þessu efni. „Þetta er mik-
il breyting frá því sem við töldum
fyrir um sex til tólf mánuðum.“
Morgunblaðið/Ómar
Reykjavík í janúar Bættur viðskiptajöfnuður hefur víðtæk áhrif á Íslandi.
Gjaldeyrisáhætta
hefur minnkað ört
 SÍ segir stöðu Íslands gjörbreytta
Aðgerðaþjarki til skurðlækninga var formlega tekinn í
notkun á Landspítala í gær. Kristján Þór Júlíusson heil-
brigðisráðherra lét þjarkann klippa á hárfínan borða.
Við athöfnina var hópur fólks sem tók þátt í að safna
fyrir tækinu. Tókst að safna tæpum 136 milljónum en
ríkið lagði fram þær 100 milljónir sem upp á vantaði.
Þjarkinn nýtist m.a. við þvagfæraskurðlækningar og er
einskonar framlenging á fingrum skurðlæknisins.
Aðgerðaþjarki tekinn í notkun á Landspítalanum
Morgunblaðið/Golli
Framlenging á fingrum skurðlæknisins
Björn Már Ólafsson
bmo@mbl.is
„Við erum búin að halda einn fund þar
sem ýmis mál voru rædd, meðal ann-
ars fjármálin. Það virðist sem það hafi
verið alla vega 50 milljóna króna halli
á síðasta ári,“ seg-
ir Eyþór Arnalds,
sem tók við sem
formaður leikhús-
ráðs Þjóðleik-
hússins hinn 1.
febrúar síðastlið-
inn. Talsverðar
breytingar hafa
verið á æðstu
stjórn leikhússins
því nýr þjóðleik-
hússtjóri, Ari Matthíasson, tók við um
áramótin.
„Hallinn er talsverður og það er
ætlun Þjóðleikhússins að vinna hann
upp. Það þýðir að við verðum að ná
böndum á reksturinn. Við erum með
hugmyndir um að tempra útgjöldin
með því að fækka verkefnum og
minnka umfang þeirra sýninga sem
eru í gangi. Ég held að það sé leiðin til
að fara, það er í raun erfitt að ætla að
auka tekjur af leikhúsinu, það eina
sem við getum í raun og veru gert er
að ná tökum á útgjöldunum,“ segir
Eyþór.
Skipuritið endurskoðað
Eyþór segir að á tímamótum sem
þessum sé eðlilegast að endurskoða
heildarmyndina. „Framkvæmda-
stjóri og leikhúsráðið munu fara yfir
skipuritið til þess að sjá hvar við
stöndum og hvað við getum gert bet-
ur. Við þurfum að taka á þessum að-
haldsmálum strax þar sem árið er
fljótt að líða. Nú er kominn febrúar og
nýtt leikár tekur mið af því,“ segir
Eyþór og bætir við að það sé í hönd-
um þjóðleikhússtjóra að ná niður hall-
anum. „Það er í hans höndum og við
munum styðja hann í þeirri viðleitni
að ná hallanum til baka.“ Þá segir Ey-
þór það mikilvægt að menn séu alltaf
vakandi yfir ríkisrekstrinum.
Talsverður halli á rekstri
Þjóðleikhússins í fyrra
 Ný stjórn Þjóðleikhússins hefur undirbúning aðgerða
Morgunblaðið/Ómar
Breytingar Miklar breytingar hafa orðið á yfirstjórn leikhússins í ár.
Eyþór Arnalds