Morgunblaðið - Sunnudagur - 08.02.2015, Blaðsíða 2

Í fókus
2 MORGUNBLAÐIÐ SUNNUDAGUR 8.2. 2015
Ég fæ mér alltaf eina hveitiklíðsbollu
með gulrótar- eða apríkósumarmelaði
sem ég bý til sjálf.
Lára Benediktsdóttir, 81 árs.
Cheerios með mjólk og svo fæ ég mér
stundum trópí með.
Sigríður Ýr Aradóttir, 24 ára.
Hafragraut með undanrennu og vatn.
Gunnhildur Hekla Jóhannsdóttir, 40 ára.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Ég fæ mér hafragraut á hverjum degi
með rúsínum og kanil.
Þorsteinn Már Þorsteinsson, 35 ára.
Morgunblaðið/Golli
SPURNING DAGSINS HVAÐ BORÐAR ÞÚ Í MORGUNMAT?
Blómkál, léttsýrt grænmeti,
hreinn súpukraftur, ostrur,
avókadó- og graskersolía og
hrein og upprunaleg fæða er
meðal þess sem er í tísku í
heimi matargerðar um
þessar mundir. Íslenskir og
erlendir sérfræðingar hafa
lagt línurnar fyrir næstu
misserin. Matur 32
Í BLAÐINU
EDDA BJÖRGVINSDÓTTIR
SITUR FYRIR SVÖRUM
Eddan, nýja leiksýningin þín, spannar svolítið leiklist-
arferil þinn. Við vinnslu handritsins, hvernig var að hugsa
til baka og rifja upp allar minningarnar? Það var ótrúlega
gaman að uppgötva hvílíkt magn af efni er til á filmu og vídeói af því sem
ég hef gert fyrir kvikmyndir og sjónvarp! Það kom mér verulega á óvart.
Sum atriði úr t.d. þessum 19 áramótaskaupum sem ég var að skoða kann-
aðist ég ekki einu sinni við – mundi ekkert eftir að hafa leikið í þeim! Mjög
hlægilegt að upplifa það.
Hvað myndir þú segja að stæði upp úr á ferlinum?
Skemmtileg spurning því í Eddunni spyr „þáttastjórnandinn“ (sem
Gunnar Hansson leikur) í sífellu hvort kvikmyndin Stella í orlofi standi
ekki örugglega upp úr af öllu sem ég hef gert og kannski gerir hún það
einmitt í minningu fólks. Það sem stendur upp úr hjá mér eftir að hafa
leikið í öllum mögulegum miðlum og leikhúsum í öll þessi ár eru þau
skapandi æfingatímabil og handritaskrif þar sem mest var hlegið og
ekki síst það fólk sem ég hef fengið að vinna með sem var bæði gef-
andi og kærleiksríkt og fékk mig til að flissa. Það er ekkert sjálfgefið að
fá að vera samvistum við þá gleðigjafa sem heimurinn á – það er nefnilega
mikið magn af fólki í umferð sem amma mín kallaði „lyseslukker“. Það er
fólk sem er gangandi umhverfismengun en heldur að það sé gagnrýnið! Skap-
andi gleðipinnarnir og ástríka fólkið eru verðmætin sem standa upp úr á ferlinum.
Hvernig kemur ykkur tróínu saman í leik, þér, Bergþóri og Gunn-
ari? Það er nú svo magnað með þessa tvo að þeir eru hreinræktaðir englar. Það er bók-
staflega fiður allt í kring um þá, þeir eru svo mikil kærleiksbúnt. Við hlæjum mikið sam-
an, sem er dýrmætt, það er nefnilega óalgengt að það sé mikið hlegið á æfingatímabili
þegar verið er að æfa gamanleik. Undarleg staðreynd en aðstandendur fara mjög fljótt að
efast um það efni sem þeir eru með í höndunum – þ.e.a.s. það sem á að vekja hlátur. Gam-
anleikrit eru miklu þunglyndislegra áhyggjuefni en þær sýningar sem ekki kalla sérstaklega
á regluleg hlátursköst áhorfenda. Ég verð að nefna tvo aðra kærleiksbangsa líka sem voru
með okkur í Eddunni allan sólarhringinn í janúar, Gunnar Helgason leikara og Kristjönu
Stefánsdóttur tónlistarsnilling. Vængirnir á bakinu á þeim eru bókstaflega fyrir, þau eru svo
mikil flissandi kærleikskrútt! Svo get ég ekki stillt mig um að senda danshöfundi Eddunnar
high five. Selma Björns drepur mann, hún er svo fyndin!
Myndir þú segja að það væri óskrifuð regla gamanleikara/konu að
vera alltaf hress og kát? Óskrifuð regla gamanleikara um allan heim er að viðkomandi
þjáist yfirleitt af þunglyndi. Ég er ekkert að ýkja, allir frægustu trúðar heimsins eiga yfirleitt
mikla tilfinningalega harmsögu. Ég er sem betur fer voða venjulegur leikari, frekar létt í
lund og hef m.a.s. fengið það í vöggugjöf að geta gengið að gleðifiðrildum í maganum flesta
daga. Uppgötvaði þegar þau dóu tímabundið hvað þau eru mér dýrmæt!
Hvaða ráð myndir þú gefa ungu og óreyndu leiklistarfólki sem er að
stíga sín fyrstu skref í dag? Að þakka á hverjum einasta degi fyrir allt sem þau eiga
og fá. Þakka fyrir hæfileikana, mannkostina, tækifærin, sköpunargáfuna og allan kærleik-
ann. Þakka fyrir þetta á hverjum degi – upphátt! Besta sem ég hef tileinkað mér í lífinu.
Muna að þakka
fyrir á hverjum
degi
Morgunblaðið/Þórður
Forsíðumyndina
vann
Eoghan O’Reilly
Í Listasafni Reykjavíkur hefur
verið opnaður fyrri hluti viða-
mestu úttektar sem gerð hefur
verið á samtímamálverki hér á
landi. Hafþór Yngvason
safnstjóri segir listamennina
85 bregðast við samtíð sinni
og fjölbreytileikinn er mikill.
Menning 54
Hugleiðsluhátíðin Friðsæld í febrúar verður
haldin öðru sinni dagana 8. til 14. febrúar. Aðstand-
endur leggja áherslu á að hugleiðsla sé fyrir alla, ekki
bara útvalda, og hvetja fólk til að láta sjá sig. Heilsa 25
Jóhanna Björg Christien-
sen býr ásamt eiginmanni
sínum og þremur börnum
þeirra í fallegu húsi í Kópavogi.
Jóhanna heillast mikið af
dökkum litum og segir skipta
máli við val á innréttingum og
gólfefnum að velja vönduð
efni, hugsa til lengri tíma og
reyna að elta ekki tískubylgjur.
Heimili og hönnun 28
Ein ástsælasta leikkona Íslands og gleðigjafi mikill, Edda Björgvinsdóttir, frumsýndi á dögunum leikritið Edduna í Gamla bíói. Edda hefur komið
víða við og brandarar eftir ýmsar persónur sem hún hefur leikið hafa margir hverjir fest sig í sessi í hversdagsleika Íslendinga. Leikritið Eddan
spannar leikferil hennar og óhætt að segja að það kitli hláturtaugarnar.